Azər Mirzəyev (aktyor)

Mirzəyev Azər Əlibala oğlu — teatr və kino aktyoru, Azərbaycanın əməkdar artisti.

Azər Mirzəyev
Azər Əlibala oğlu Mirzəyev
"Seans" verilişindən kadr
Doğum tarixi	12 may 1952
Doğum yeri	Zərdab rayonu, Azərbaycan SSR, SSRİ
Vəfat tarixi	19 iyul 2014 (62 yaşında)
Vəfat yeri	Bakı, Azərbaycan
Vəfat səbəbi	ürək tutması
Dəfn yeri	Sabirabad rayonu
Peşəsi	aktyor
Milliyyəti	azərbaycanlı
Mükafatları

Həyatı

Azər Mirzəyev 1952-ci il may ayının 12-də Zərdab rayonunda müəllim ailəsində anadan olub. Atasının işi ilə əlaqədar olaraq sonradan ailəsilə Sabirabad rayonuna köçüb, orta məktəbi burda başa vurub və 1968-ci ildə SSRİ xalq artisti Adil İsgəndərovun rəhbərliyi altında "Azərbaycanfilm"in nəzdində fəaliyyət göstərən kino aktyorluğu studiyasına qəbul olunub.

1970-ci ildə buranı bitirəndən sonra sənədlərini İncəsənət İnstitutunun dram və kino aktyorluğu fakültəsinə verib və qəbul olunub. İncəsənət İnstitutunda respublikanın xalq artisti, professor Rza Təhmasib və Fikrət Sultanov kimi sənətkarlardan akytorluq sənətinin sirlərini öyrənib.

1974-cü ildə bu ali məktəbi bitirəndən sonra təyinatla Azərbaycan Dövlət Gənc Tamaşaçılar Teatrına göndərilib. O vaxtdan ömrünün sonuna qədər bu tetrda çalışıb.

19 iyul 2014-cü ildə Bakı şəhərində vəfat etmişdir. Sabirabad rayonunda dəfn edilmişdir.

Filmoqrafiya

1. Nekroloq (film, 2001)
2. Qeybdən gələn səs (film, 2002)
3. Yaşıl eynəkli adam-3 (film, 2002)-Rəis
4. Dəvətnamə (film, 2003)
5. Yol yoldaşları (film, 2003)
6. Mükafat (film, 2004)
7. Böyük ömrün davamı (film, 2007)
8. Mürafiə vəkillərinin hekayəti (film, 2011)
9. Sübhün səfiri (film, 2012)

Xarici keçidlər

• Azər Mirzəyev-60
• Ölüm ayağında hər kəsi şoka salan əməkdar artistlə bağlı gizlinlər - VİDEO