Azər Mirzəyev (aktyor)
Mirzəyev Azər Əlibaba oğlu (12 may 1952, Əlvənd, Zərdab rayonu – 19 iyul 2014, Bakı) — teatr və kino aktyoru, Azərbaycanın əməkdar artisti. Rəhim bəy Məlikovun nəvəsidir.
| Azər Mirzəyev | |
|---|---|
| Azər Əlibaba oğlu Mirzəyev | |
| Doğum tarixi | |
| Doğum yeri | Zərdab rayonu, Azərbaycan SSR, SSRİ |
| Vəfat tarixi | (62 yaşında) |
| Vəfat yeri | Bakı, Azərbaycan |
| Vəfat səbəbi | ürək tutması[1] |
| Dəfn yeri | |
| Milliyyəti | azərbaycanlı |
| Fəaliyyəti | aktyor |
| Mükafatları |
 |
Həyatı
redaktəAzər Mirzəyev 1952-ci il may ayının 12-də Zərdab rayonunda müəllim ailəsində anadan olub. Atasının işi ilə əlaqədar olaraq sonradan ailəsilə Sabirabad rayonuna köçüb, orta məktəbi burda başa vurub və 1968-ci ildə SSRİ xalq artisti Adil İsgəndərovun rəhbərliyi altında "Azərbaycanfilm"in nəzdində fəaliyyət göstərən kino aktyorluğu studiyasına qəbul olunub.
1970-ci ildə buranı bitirəndən sonra sənədlərini İncəsənət İnstitutunun dram və kino aktyorluğu fakültəsinə verib və qəbul olunub. İncəsənət İnstitutunda respublikanın xalq artisti, professor Rza Təhmasib və Fikrət Sultanov kimi sənətkarlardan akytorluq sənətinin sirlərini öyrənib.
1974-cü ildə bu ali məktəbi bitirəndən sonra təyinatla Azərbaycan Dövlət Gənc Tamaşaçılar Teatrına göndərilib və 2006-ci ilə qədər bu teatrda fəaliyyət göstərib (1996-ci ildən aparıcı səhnə ustası). Bir müddət Mədəniyyət Nazirliyində incəsənət şöbəsinin müdir müavini kimi işləyib. 2007-ci ildən ömrünün sonuna qədər Akademik Milli Dram Teatrında direktor müavini vəzifəsini tutub.
19 iyul 2014-cü ildə Bakı şəhərində vəfat etmişdir. Sabirabad rayonunda dəfn edilmişdir[2].
Filmoqrafiya
redaktəQeybdən gələn səs (film, 2002)
Yaşıl eynəkli adam-3 (film, 2002)-Rəis
Böyük ömrün davamı (film, 2007)
Teatr səhnəsində yaratdığı obrazlar
redaktəGənc qvardiyaçı Əli Dadaşov (Unutmayın, Y. Əzimzadə)
Orfey (Zəncirlənmiş Prometey, C. Məmmədov)
Qorxmaz (Qızaran üfüqlər, K. Aslanov)
Elşad (Sənin dostun, düşmənin, Əfqan)
Feyzulla bəy (Qonşu qonşu olsa, R. Əfəndiyev)
Həsənqulu (Danabaş kəndinin məktəni, C. Məmmədquluzadə)
Teymur (Pul dəlisi, Ə. Orucoğlu)
Direktor (Ərizə, M. Mürsəlov)
Qürbət (Mənim ağ göyərçinim, Tamara)
Qaraca çoban (Dədəm Qorqud, Ə. Dəmirçizadə)
Hüseynəli (Qaraca qız, S. S. Axundov və A. Şaiq)
Hüseynağa (Büllur sarayda, İ. Əfəndiyev)
Qədəm şax (Olmuş əhvalat, A. Babayev)
Tərcümə etdiyi pyeslər
redaktəNapoleon (F. Brukner)
Kreppin son lent yazısı (S. Bekket)
Müsyo Amilkar və ya pullu adam (İv Jamiak)
Sonuncu çılğın məşuq (N. Saymon)
Yabanı çimərlik (S. Mixalkov)
Məhəbbət zəlzələsi (E. E. Şmitt)
Sevən ürəklər (M. Kamoletti)
Kitabları
redaktəAzərbaycan Dövlət Akademik Milli Dram Teatrının foto-salnaməsi (1873-1950) (İşçi qrupunun rəhbəri)
Azərbaycan Dövlət Televiziyasında apardığı verilişlər
redaktəTələbə klubu
Biz romantiklərik
Birimiz və hamımız
Hoş gördük, tələbə!
Görüş yeri
Qaravəlli
İstinadlar
redaktə- ↑ "Aktyor Azer Mirzeyev Vefat Etdi". 2016-04-06 tarixində arxivləşdirilib. İstifadə tarixi: 2015-10-26.
- ↑ "Aktyor Azər Mirzəyev vəfat etdi - YENİLƏNİB - FOTO". Milli.az (az.). news.milli.az. 10:55, 19 iyul 2014. 2015-07-10 tarixində arxivləşdirilib. İstifadə tarixi: 2014-07-19.