Azərbaycan Milli Məclisi sədrliyinə seçki (2020)
Azərbaycan Milli Məclisi sədrliyinə seçki (2020) — 10 mart 2020-ci il tarixində VI çağırış Azərbaycan Respublikasının Milli Məclisinin sədrinin seçilməsi üçün keçirilmiş seçki. Seçkidə bir namizəd — Yeni Azərbaycan Partiyasının namizədi Sahibə Qafarova iştirak etmiş və birinci turda 116 lehinə səslə sədr seçilmişdir.
← 2015  | |||
| Azərbaycan Milli Məclisi sədrliyinə seçki (2020) | |||
|---|---|---|---|
| 10 mart 2020 | |||
.jpg) |
|||
| Namizəd | Sahibə Qafarova | ||
| Partiya | Yeni Azərbaycan Partiyası | ||
| Səslər | 116 | ||
| | |||
| Nəticə | Sahibə Qafarova Azərbaycan Respublikasının Milli Məclisinin sədri seçildi. | ||
Seçki qaydası redaktə
- Milli Məclisin Sədri Milli Məclisin deputatları sırasından gizli (elektron sistemindən istifadə etməklə) səsvermə yolu ilə seçilir. Elektron sistemindən istifadə zamanı nasazlıq yarandıqda gizli səsvermə bülletenlər vasitəsilə keçirilir.[1]
- Milli Məclisin Sədri vəzifəsinə namizədliyi Milli Məclisin deputatları irəli sürə bilərlər. Hər deputat yalnız bir namizəd göstərə bilər.[1]
- Öz namizədliyinə etiraz müzakirəsiz və səsvermə keçirilmədən qəbul edilir.[1]
- Səsverməyə azı 10 deputatın tərəfdar çıxdığı namizədlər buraxılır. Namizədlər çıxış edə və deputatların suallarına cavab verə bilərlər. Namizədlər üzrə müzakirələr keçirilir. Milli Məclisin sədrliyinə hər namizəd Hesablayıcı komissiyanın tərkibinə əlavə bir deputat daxil edə bilər.[1]
- Gizli səsvermə nəticəsində azı 63 deputatın səsini almış namizəd Milli Məclisin Sədri seçilir.[1]
- Namizədlərin heç biri azı 63 səs almadıqda, bu Daxili Nizamnamənin 27-ci maddəsində nəzərdə tutulmuş qaydada səsvermənin ikinci dövrəsi keçirilir. İkinci dövrədə heç bir namizəd 63 səs ala bilməzsə, Milli Məclisin Sədrinin birinci müavininin seçkiləri keçirilir.[1]
- Milli Məclisin Sədrinin seçilməsi Milli Məclisin qərarı ilə rəsmiləşdirilir. Bu qərarı Milli Məclisin iclasına sədrlik edən imzalayır.[1]
Nəticələr redaktə
| Namizəd | Siyasi partiya | Topladığı səs İlk tur (10 mart 2020) | ||
|---|---|---|---|---|
| Lehinə | Əleyhinə | Bitərəf | ||
| Sahibə Qafarova | Yeni Azərbaycan Partiyası | 116 | 0 | 2 |
| Boş | — | |||
| Etibarsız | — | |||
| İştirak edən | 118 | |||
| İştirak etməyən | 3[a] | |||
| Mənbə: [2] | ||||
Qeydlər redaktə
- ↑ 2020-ci il parlament seçkilərinin nəticələrinə əsasən 4 seçki dairəsindən deputat seçilməmiş, seçki nəticələri ləğv olunmuşdur.
İstinadlar redaktə
- ↑ 1 2 3 4 5 6 7 "Azərbaycan Respublikası Milli Məclisinin DAXİLİ NİZAMNAMƏSİ". 2022-06-17 tarixində arxivləşdirilib. İstifadə tarixi: 2023-06-07.
- ↑ "ALTINCI ÇAĞIRIŞ AZƏRBAYCAN RESPUBLİKASI MİLLİ MƏCLİSİNİN I SESSİYASI İCLASININ PROTOKOLU No 1" (PDF). 2021-09-03 tarixində arxivləşdirilib (PDF). İstifadə tarixi: 2023-06-07.