Azərbaycan SSR Xalq Komissarları Soveti
Azərbaycan SSR Xalq Komissarları Soveti - Azərbaycanın Sovet Hökumətinin ilk kabineti.
1920-ci il aprelin 28-də Azərbaycan SSR İnqilab Komitəsi yeni hökumətin - Azərbaycan SSR Xalq Komissarları Sovetinin aşağıdakı tərkibini təsdiq etdi:
- N. Nərimanov - XKS-nin sədri və xalq xarici işlər komissarı;
- Ç. İldırım - xalq hərbi-dəniz işləri komissarı;
- H. Sultanov - xalq daxili işlər komissarı;
- Ə. Qarayev - xalq əmək və ədliyyə komissarı;
- Q. Musabəyov - xalq ticarət, sənaye və ərzaq komissarı;
- M. D. Hüseynov - xalq maliyyə komissarı;
- S. Ağamalıoğlu - xalq əkinçilik komissarı;
- D. X. Bünyadzadə - xalq maarif komissarı və xalq fəhlə-kəndli müfəttişliyi komissarı;
- C. Vəzirov - xalq poçt, teleqraf və yollar komissarı;
- A. H. Kazımov - xalq səhiyyə və himayə komissarı.
- M. İsrafilbəyov (Qədirli) - xalq hərbi-dəniz işləri kommisarlığı siyasi idarəsinin rəisi.
Bu, Azərbaycanın sovet hökumətinin ilk kabineti idi. Sonralar onun tərkibi dəfələrlə dəyişmişdir. 1920-ci ilin avqustunda isə Kiçik Xalq Komissarları Soveti yaradıldı. Onun əsas vəzifəsi Azərbaycan SSR İnqilab Komitəsinin səlahiyyətinə aid olan məsələləri ətraflı müzakirə etmək və hazırlamaq idi. Xalq komissarlarının hamısı, Xalq Təsərrüfatı şurasının və Fövqəladə Komissiyasının, Hərbi İnqilabi Səhra Tribunalının nümayəndələri Kiçik Xalq Komissarları Sovetinin üzvü idilər.