Azərbaycan SSR qabaqcıl maarif xadimi
Qabaqcıl maarif xadimi — Azərbaycan SSR-də maarif sahəsində fərqlənənlərə verilən döş nişanı (fəxri ad).
| Azərbaycan SSR qabaqcıl maarif xadimi | |
|---|---|
| Азәрбайҹан ССР габагҹыл маариф хадими | |
 |
|
|
|
|
| Ölkə |
.svg){kind=small} Azərbaycan SSR |
| Tip | döş nişanı |
| Kimə verilir | elm və təhsil qabaqcıllarına |
| Status | verilmir |
| Statistika | |
| Təsis tarixi | 6 iyun 1944 |
 Vikianbarda əlaqəli mediafayllar | |
Tarixi və əsasnaməsi
redaktə"Qabaqcıl maarif xadimi" döş nişanı Azərbaycan SSR Xalq Komissarları Sovetinin 6 iyun 1944-cü il tarixli 1064 nömrəli qərarı ilə təsis edilmişdir.[1][2]
Əsasnaməyə görə döş nişanı Azərbaycan SSR-in maarif və təhsil üzrə ixtisaslaşmış nazirliklərinin (komissarlıqların) tabeliyində olan müəssisələrdə və maarif şöbələrində çalışan işçilərə təqdim edilirdi. Bu mükafata məktəblərdə, uşaq bağçalarında, uşaq evlərində və məktəbdənkənar müəssisələrdə təlim tərbiyə işinin düzgün qurulması, maarif sahəsində kadr hazırlığı, siyasi-maarif müəssisələrinin (klublar, savadsızlığı ləğv edən məktəblər, qiraətxanalar, kitabxanalar və s.) fəaliyyətinin təşkili, eləcə də elmi-metodik və pedaqoji fəaliyyət sahəsində fərqlənənlər layiq görülürdülər.[1]
"Qabaqcıl maarif xadimi" döş nişanı struktur və regional maarif şöbələrinin, habelə Naxçıvan MSSR-in maarif və təhsil üzrə ixtisaslaşmış nazirliklərinin (komissarlıqların) təqdimatına əsasən Azərbaycan SSR nazirinin (komissarının) əmri ilə verilir və müvafiq qaydada bu addan məhrum edilirdi. Döş nişanı döşün sağ tərəfinə taxılırdı.[1]