Azərbaycan milli parkları

Azərbaycan milli parkları — Azərbaycan Respublikasının ərazisində yerləşən milli parklar.

Tarixi

Azərbaycan Ekologiya və Təbii Sərvətlər Nazirliyi yaradılmazdan əvvəl Azərbaycanda milli parklar mövcud deyildi. Azərbaycanda milli parklar 2003-cü ildən etibarən yaradılmağa başlayıb. 2003-cü ildə Azərbaycan Ekologiya və Təbii Sərvətlər Nazirliyi tərəfindən Akademik Həsən Əliyev adı verilən Zəngəzur Milli Parkı, Şirvan Milli Parkı, Ağgöl Milli Parkı, 2004-cü ildə Hirkan Milli Parkı, Altıağac Milli Parkı, 2005-ci ildə Abşeron Milli Parkı, 2006-cı ildə Şahdağ Milli Parkı, 2008-ci ildə Göygöl Milli Parkı, 2012-ci ildə isə Samur-Yalama Milli Parkı yaradılıb.

2008-ci ildə Hirkan Milli Parkının ərazisi 13.037 hektar genişləndirilərək 29.760 hektardan 42.797 hektara, 2010-cu ildə Şahdağ Milli Parkının ərazisi 14.613,1 hektar genişləndirilərək 115.900 hektardan 130.508,1 hektara çatdırılıb.

Hazırda milli parklar 310.136,5 hektarlıq ərazi ilə Azərbaycan ərazisinin 3,58%-ni təşkil edir.

Bununla yanaşı, yeni milli parkların, dövlət təbiət qoruqlarının yaradılması istiqamətində müvafiq işlər davam etdirilərək, Qızılağac dövlət təbiət qoruğunun ərazisinin genişləndirilərək dənizkənarı milli parkın yaradılması nəzərdə tutulmuşdur. Eyni zamanda Almaniya Federal Hökumətinin dəstəyi ilə "Qafqaz təşəbbüsü" proqramı çərçivəsində Samur-Yalama Milli Parkının layihəsi işlənilmiş və icrasına başlanılmış, 2012-ci ildə milli parkın yaradılmasıyla tamamlanmışdır.

	Adı	Quruluş tarixi	Ərazisi (km²)	Rayonlar	Xəritədə
1.	Zəngəzur Milli Parkı	16 iyun 2003	427,97 km²	Ordubad	Azərbaycan milli parkları, Azərbaycan
2.	Ağgöl Milli Parkı	5 iyul 2003	179,24 km²	Ağcabədi Beyləqan	Azərbaycan milli parkları, Azərbaycan
3.	Şirvan Milli Parkı	5 iyul 2003	543,73 km²	Salyan Neftçala	Azərbaycan milli parkları, Azərbaycan
4.	Hirkan Milli Parkı	9 fevral 2004	427,97 km²	Lənkəran Astara	Azərbaycan milli parkları, Azərbaycan
5.	Altıağac Milli Parkı	31 avqust 2004	110,35 km²	Xızı Siyəzən	Azərbaycan milli parkları, Azərbaycan
6.	Abşeron Milli Parkı	8 fevral 2005	7,83 km²	Bakı	Azərbaycan milli parkları, Azərbaycan
7.	Şahdağ Milli Parkı	8 dekabr 2006	1305,08 km²	Quba Qusar İsmayıllı Qəbələ Oğuz Şamaxı	Azərbaycan milli parkları, Azərbaycan
8.	Göygöl Milli Parkı	1 aprel 2008	127,55 km²	Göygöl	Azərbaycan milli parkları, Azərbaycan
9.	Samur-Yalama Milli Parkı	5 noyabr 2012	117,72 km²	Xaçmaz	Azərbaycan milli parkları, Azərbaycan
10.	Qızılağac Milli Parkı	26 sentyabr 2018	990 km²	Lənkəran