Az Abrau Muzeyi
Az Abrau muzeyi – Şəkidə yerləşən unikal muzey. Böyük Qafqazın dağətəyinin təbiəti, tanınmış Alazan vadisi və üzümlüklər, böyük çaxırçılıq tarixi ilə bütün muzeyin əsas mövzusu şərabçılıqdır.
| Az Abrau muzeyi | |
|---|---|
| Mövzu | Şərab |
| Ölkə | Azərbaycan |
| Yerləşir | Şəki |
| Kolleksiyası | 500-dən artıq |
Tarix
redaktə"Abrau-Durso" 150 ildən artıq öncə Rusiyanın cənubunda, Abrau zümrüd gölünün sahilində təsis edilmişdir. Burada oynaq şərablar yaradılır. 2021-ci ildə "Abrau-Durso" şirkətinin tərkibinə ən qədim şərab bölgələrinin birində olan Azərbaycandakı "Şəki Şərab" şərab zavodu daxil oldu.[1] İyunun 9-da "Abrau-Durso" Şirkətlər Qrupu Modernləşdirilmiş "Şəki Şərab" zavodunun rəsmi açılışını edilmişdir. İstehsalı rəsmi olaraq Azərbaycanın iqtisadiyyat nazirinin müavini Sahib Ələkbərov və "Abrau-Durso" ŞQ-nin sahibi Boris Titov işə salıblar. İnvestor regionda enoturizmin inkişafının mühüm rol oynadığını qeyd edib – müəssisədə "Az Abrau Muzeyi" açılıb, Azərbaycan ərazisində üzümçülük və şərabçılıq tarixini əks etdirən ekspozisiya təqdim olunub.[2]
Ekponatlar
redaktəMuzeydə Azərbaycanın üzümçülük və şərabçılıq mədəniyyətinin tarixini, üzümlərin sıxılma metodologiyasını və şərabın saxlanma qaydalarını əks etdirən zəngin ekspozisiya təqdim olunur. 500-dən artıq eksponat arasında şərab şüşələri kolleksiyasını, şərab etiketlərini, unikal fotoşəkilləri, rəsm əsərlərini, arxeoloji qazıntılar nəticəsində tapılmış artefaktları, həmçinin qədim şərab qablarının və nadir qabların surətlərini görə bilərsiniz. Az Abrau kolleksiyasına 500-dən artıq eksponat daxildir və hərəsi onun inkişafına böyük bir töhfəsini verən insanların və Azərbaycanın çaxırçılıq taleyini əks etdirir. Müasir Az Abrau multimediya ekspozisiyasında Azərbaycanın XIX və XX əsrin əvvəlindən unikal çaxır etiket kolleksiyasını görə, çaxırın gözəlliyi və dadı ilə ilhamlanan böyük azərbaycan şairlərinin yaradıcılığı ilə tanış olmaq olar. Ekskursiya zamanı təşkil olunmuş dequstasiya turunda şərabların dadına baxarkən həm də onların yaranma tarixi və istehsal xüsusiyyətləri ilə tanış olmaq imkanı var.[3]
İstinadlar
redaktə- ↑ "Ana səhifə". Muzeyin rəsmi saytı.
- ↑ ""Şəki Şərab" zavodunda köpüklənən şərabların istehsalına başlanılıb". Report informasiya agentliyi. 12 İyun, 2023 10:57.
- ↑ "şərab və mədəni irs az abrau muzeyi". azerbaijan.travel.
Xarici keçidlər
redaktə- abrau.az — Az Abrau Muzeyinin rəsmi saytı