Mino-Ovari zəlzələsi (1891)

Mino-Ovari zəlzələsi — 1891-ci ildə Yaponiyada baş verən zəlzələ.

Mino-Ovari zəlzələsi
Tarix	28 oktyabr 1891
Episentrin yeri	35°36′ şm. e. 136°18′ ş. u.
Ölənlər	7.273
Xəsarət alanlar	17.175
Xəritədə yeri
Vikianbarda əlaqəli mediafayllar

1891-ci il oktyabrın 28-də səhər saat 06.37 dəqiqədə Yaponiyanın dağlıq rayonu olan Xan-syu adasında zəlzələ baş vermişdir. Zəlzələ təxminən 100 km uzunluğunda tektonik xəttin fayı ilə müşayiət edilmişdir. Üfiqi yerdəyişmə 4 m-ə, şaquli yerdəyişmə bəzi yerlərdə 7 m-ə çatmışdır. Şərq tərəfdə fay boyu yerdəyişmə şimal-qərb istiqamətində olmuşdur. Böyük torpaq sahələri bəzi yerlərdə çökmüş və bəzi yerlərdə qalxmışdır.

1891-ci ildəki Mino-Ovari zəlzələsindən sonra

Zəlzələ 1 000 000 km² sahədə hiss edilmiş, fay boyu 10 000 km²-ə yaxın sahədə böyük dağıntılar olmuş və 10 000 körpü müxtəlif dərəcədə zədələnmişdir. Bu zəlzələnin nəticəsində 7 000 nəfər tələf olmuş və 17 000 nəfər yaralanmışdır.