Bəşir ibn Əmr əl-Kindi
Bəşir ibn Əmr əl-Hədrami əl-Kindi (ərəb. بَشیر(بُشر) بن عَمرو الحَضرَمی الکِندی) — Kərbəla döyüşündə şəhid olan Hüseyn ibn Əlinin səhabəsi.
| Bəşir ibn Əmr əl-Kindi | |
|---|---|
| بَشیر(بُشر) بن عَمرو الحَضرَمی الکِندی | |
| Vəfat tarixi | |
| Vəfat yeri | Kərbəla, İraq |
| Vəfat səbəbi | Kərbəla döyüşündə şəhid |
| Milliyyəti | ərəb |
| Dini | İslam |
Nəsil redaktə
Atasının adı Əmr və ya Ömər kimi qeyd olunur.[1] O, Kində qəbiləsindən olan Hadramautdan idi.[2]
Hüseyn ibn Əlini müşayiət etməsi redaktə
Bəşir (və ya Buşr) və oğulları Məhəmməd Kərbəlada Hüseyn ibn Əliyə qoşuldular. Aşura günü Bəşirə dedilər ki, onun başqa bir oğlu Rey sərhəddində əsir düşüb. Cavab verdi: “Onun işini Allaha həvalə edirəm. Mən onun əsir olmasını, mənim sağ qalmağımı istəmərəm”.
Hüseyn bunu eşidəndə ona dedi: “Allah sənə rəhmət eləsin! Sən mənim beyətimdən azadsan. Get oğlunu xilas etməyə çalış."
Bəşir cavab verdi: “Sənin tərəfində çox az adam olduğu halda səni tək qoysam və səni karvanlarda axtarsam vəhşi heyvanlar məni diri-diri yesin. Mən heç vaxt bunu etmərəm."
Hüseyn ona cavab verdi: “Bu paltarı oğlun Məhəmmədə ver ki, satıb qardaşını azad etsin. Sonra Hüseyn 1000 dinar dəyərində olan qiymətli paltarlarını ona verdi.[3]
Aşura günündə redaktə
Hüseyn ibn Əli döyüşə başlamaq üçün döyüş meydanına getmək qərarına gələndə onun yalnız iki yoldaşı sağ idi:[4] Bəşir ibn Əmr və Əmr ibn Əbi Mutə (və ya Suveyd ibn Əmr əl-Xatəmi). Bəşir Hüseynin döyüş meydanına getməyə hazırlaşdığını biləndə Hüseyndən əvvəl döyüşə getdi. O, döyüş meydanına getdi və ondan əvvəl şəhid oldu. Başqa mənbələrdə Kərbəla hadisəsində ilk şəhidlərdən biri kimi qeyd edilir.[5]
“Əz-Ziyarət ər-Rəcəbiyyə”də bu cür qeyd olunur: “Salam olsun Bəşir ibn Əmr əl-Hədramiyə”.[6]
Həmçinin bax redaktə
İstinadlar redaktə
- ↑ Muḥammadī Riyshahrī, Muhammad. Dānishnāmah-yi Imām al-Ḥusayn (a). 6. 214.
- ↑ Samāwī, Muḥammad ibn Ṭāhir. Ibṣār al-ʻayn fī inṣār al-Ḥusayn. Najaf, Iraq: al-Maṭbaʻah al-Ḥaydarīyah. 1922. 173. 2021-10-29 tarixində arxivləşdirilib. İstifadə tarixi: 2023-08-22.
- ↑ Samāwī, Muḥammad ibn Ṭāhir. Ibṣār al-ʻayn fī inṣār al-Ḥusayn. Najaf, Iraq: al-Maṭbaʻah al-Ḥaydarīyah. 1922. 174. 2021-10-29 tarixində arxivləşdirilib. İstifadə tarixi: 2023-08-22.
- ↑ Samāwī, Muḥammad ibn Ṭāhir. Ibṣār al-ʻayn fī inṣār al-Ḥusayn. Najaf, Iraq: al-Maṭbaʻah al-Ḥaydarīyah. 1922. 169. 2021-10-29 tarixində arxivləşdirilib. İstifadə tarixi: 2023-08-22.
- ↑ Abbas al-Qummi. Muntaha l-amal. 429.
- ↑ Shahīd al-Awwal. al-Mazār. 152.