Bəhlul İmran oğlu İbrahimliAzərbaycan MEA Arxeologiya və Etnoqrafiya İnstitutunun aparıcı elmi işçisi, tarix üzrə fəlsəfə doktoru.

Bəhlul İbrahimli
Bəhlul İmran oğlu İbrahimli
Doğum tarixi 12 iyul 1952(1952-07-12) (68 yaş)
Doğum yeri Sabir kəndi, Ordubad rayonu
Elmi dərəcəsi fəlsəfə dоktоru

HəyatıRedaktə

Bəhlul İmran oğlu İbrahimli 1952-ci il iyulun 12-də Ordubad rayonunun Sabir kəndində anadan olmuşdur. 1969-cu ildə Bakı Tibb Məktəbini, 1975-ci ildə Naxçıvan Dövlət Pedoqoji Universitetini fərqlənmə diplomu ilə bitirib. Sonra Azərbaycan Milli Elmlər Akademiyası Tarix İnstitutunun Arxeologiya və Etnoqrafiya sektorunun aspiranturasına daxil olub.

1980-1985-ci illərdə göndərişlə SSRİ EA Arxeologiya İnstitutunda Slavyan-Rus arxeologiyası bölməsində çalışıb. 1985-ci ildə Moskva Dövlət Universitetində "Orta əsr Xaraba Gilan şəhəri" mövzusunda namizədlik dissertasiyası müdafiə edib.

SSRİ məkanında bir sıra əhəmiyyətli beynəlxalq ekspedisiyalarda, o cümlədən 1979-cu ildə Qalina Vasilyevna Şişkinanın rəhbərlik etdiyi Özbəkistan SSR Elmlər Akademiyası Arxeologiya İnstitutunun Əfrasiyab Beynəlxalq arxeoloji ekspedisiyasının Əfrasiyab şəhər yerində apardığı qazıntılarda dəstə rəhbəri olub,1982-1983-cü illərdə professor Svetlana Aleksandrovna Pletnyovanın rəhbərlik etdiyi Sovet-Bolqar-Macar Beynəlxalq arxeoloji ekspedisiyasının Mayat şəhər yerində apardığı qazıntılarda, 1998-ci ildə Manfred Kofmanın rəhbərlik etdiyi məşhur Troya arxeoloji ekspediyasında iştirak edib.

1980-ci ildən 1990-cı ilə qədər Azərbaycan Milli Elmlər Akademiyası Tarix İnstitutu Arxeologiya və Etnoqrafiya sektorunun, Naxçıvan MR Ordubad yaronu ərazisində tədqiqat aparan, təcrübəli arxeoloq Qardaşxan Aslanovun rəhbərlik etdiyi Xaraba Gilan arxeoloji ekspedisiyasının rəis müavini olub.

1987-1989-cu illərdə Azərbaycan SSR Elmlər Akademiyası Milli Münasibətlər İnstitutunun Naxçıvan Filialının müdiri vəzifəsində işləmiş, 1989-cu ildə İnstitutun Biblioqrafiya şöbəsinə baş elmi işçi vəzifəsinə keçirilmişdir.

1990-cı ildə Azərbaycan SSR Elmlər Akademiyası Rəyasət Heyətinin qərarı ilə, öz ştat vahidi ilə Tarix İnstitutu Arxeologiya və Etnoqrafiya sektorunun Antik dövr arxeologiyası şöbəsinə köçürülmüşdür.

1993-cü ildən AMEA Arxeologiya-Etnoqrafiya İnstitutunun aparıcı elmi işçisidir. Orta əsrlərə dair monoqrafiyası və xaraba Gilanla bağlı kitabı, elmi məqalələri Azərbaycanda, Almaniyada, Rusiyada, Türkiyədə, Gürcüstanda nəşr olunub[Mənbə göstərin].

2004-cü ildən AMEA Arxeologiya və Etnoqrafiya İnstitutu Xaraba Gilan arxeoloji ekspedisiyasının rəhbəridir.

2011-ci ildən "Azərbaycan arxeologiyası" jurnalında Baş redaktorun müavinidir.

2018-ci ilin fevral ayından İnstitutda yeni yaradılmış Arxeoloji irsin tarixi və nəzəriyyəsi şöbəsinin müdiridir.

2008-ci ildən AMEA Arxeologiya və Etnoqrafiya İnstitutu Elmi Şurasının üzvüdür.

KitablarıRedaktə

  1. Средневековый город Киран. Ответственный редактор доктор исторических наук, профессор С.А.Плетнева. Баку-Москва, 2000.— 176 с.
  2. Древние некрополи Хараба-Гилана. Баку, Нурлан, 2002.(Г.М.Асланов, С.М.Кашкай).
  3. Qızılburun nekropolu. – Bakı: “Elm və Təhsil” nəşriyyatı, 2013. – 120 s. (İsmayılzadə Qüdrət Seyfulla oğlu).
  4. Qədim Ordubad.Naxçıvan,2014. (A.Seyidov,V.Baxşəliyev,H.Q.Qədirzadə).
  5. Qarabağda Nərgiztəpə arxeoloji abidələr kompleksi. Bakı, Elmin İnkişafı Fondu, 2017. 96 s. (Təvəkkül Əliyev, Gülanə Əliyeva).

İstinadlarRedaktə