Bəhramşah Qəznəvi

Bəhramşah Qəznəvi - Qəznəvilərin on dördüncü sultanı. Xarici siyasətdə müstəqil olmamış, Sultan Səncərin vassalı olaraq hakimiyyət sürmüşdür.

Bəhramşah Qəznəvi
یمین الدولہ
Qəznəvilərin XIV sultanı
1118-1157
(ləqəbi: Yəminəddövlə)
Sələfi Arslanşah Qəznəvi
Xələfi Xosrovşah Qəznəvi
Şəxsi məlumatlar
Doğum tarixi 1084(1084)
Doğum yeri Qəznə
Vəfat tarixi 1157(1157)
Vəfat yeri Qəznə
Dəfn yeri Qəznə
Sülalə Qəznəvilər
Atası Sultan Məsud Qəznəvi
Uşağı Xosrovşah Qəznəvi

Hakimiyyətə gəlişiRedaktə

Arslanşaha qarşı mübarizəsində Səffari əmiri Tacəddin Əbül FəzlSultan Səncərdən yardım alan Bəhramşah 1118-ci ildə sultan olmuşdu.

HakimiyyətiRedaktə

1119-cu ildə Arslanşaha sadiq qalan Lahor hakimi Əbu Hatim Məhəmmədin üsyanı üzərinə Hindistana gedən Bəhramşah onu və 17 oğlunu öldürərək dövləti stabilləşdirdi. 1149-cu ildə Qəznəyə sığınmış olan Qütbəddin Məhəmməd Qurinin zəhərlənməsi Qurilərin başçısı Əlaəddin Qurini əsəbləşdirdi, o Qəznəyə hücum etdi, şəhəri yeddi gün, yeddi gecə yandırdı. Səbuk Təkin, Sultan Məsud Qəznəviİbrahim Qəznəvi istisna olmaqla bütün Qəznəvilərin qəbirləri və kitabxanalar yandırıldı. Bəhramşah Hindistana qaçdı. 24 iyun 1152-ci ildə Sultan Səncər Quriləri məğlub edərək Qəznəni yenidən Bəhramşaha verdi. Bəhramşah hələ 5 il sultanlıq etsə də Qəznənin xarabaya çevrilməsi dövlətin süqutunu sürətləndirdi.

İstinadlarRedaktə