Bəhram Mirzə Səfəvi

Əbil-Fəth Bəhram Mirzə Səfəvi (7 sentyabr 1517, Marağa, Şərqi Azərbaycan ostanı – 1549) — sənətçi və ədib şahzadə.

Bəhram Mirzə Səfəvi
Əbül Fəth Sultan Müizəddin Bəhram Mirzə
Xorasan bəylərbəyliyi  • Herat hakimliyi
1529 – 1533
Əvvəlki	Sam mirzə Səfəvi
Lahican hakimi
1536 – 1537
Həmədan bəylərbəyliyi
1546 – 1549
Şəxsi məlumatlar
Doğum tarixi	7 sentyabr 1518
Doğum yeri	Surluq yaylağı, Marağa, Səfəvilər dövləti
Vəfat tarixi	9.16.1550
Vəfat yeri	Həmədan yaxınlığı, Səfəvilər dövləti
Dəfn yeri	Məşhəd
Atası	Şah İsmayıl Xətai
Anası	Şah Sultan
Həyat yoldaşı	Zeynəbsultan xanım
Uşağı	İbrahim mirzə Cahi
Dini	Şiə İslam

Həyatı

7 sentyabr 1518-ci ildə Şah İsmayıl Xətai və Şah Sultanın ikinci övladı olaraq dünyaya gəlmişdir. Saray təhsili almışdır.

Fəaliyyəti

İctimati fəaliyyətə ilk dəfə 11 yaşında Xorasan vilayətinin hakimi kimi başlamışdır. Herat qalasında Qazi xan Təkəlinin qəyyumluğu altında yaşayan Bəhram Mirzənin hakimiyyəti özbəklərin hücumları ilə kölgələnmişdi. 1532-ci ilin yazından 1533-cü ilin oktyabrına qədər mühasirədə qalan Bəhram Mirzə 1533-cü ildə qardaşı Sam mirzə Səfəvi ilə əvəz olundu. 1534-cü ildə Azərbaycanı Osmanlıya qarşı qoruyan Bəhram, 1536-cı ildə Lahicana hakim təyin edildi. Lakin yerli xalqla əlaqəsi zəif olan Bəhram bu dəfə 1546-cı ildə Həmədana hakim təyin edildi. Əlqas mirzə Səfəvinin həbsində önəmli rol oynayan Bəhram 1550-ci ildə qəflətən vəfat etdi.

Ailəsi

İmadəddin Şirvaninin bacısı Zeynəbsultan xanım ilə evlənmişdir. Övladları:

1. Sultan Həsən mirzə Səfəvi — gənc vaxtı öldü.
2. Sultan Hüseyn mirzə Səfəvi — Sistan, Qəndəhar, Zəmindəvar hakimi.
3. Sultan İbrahim mirzə Səfəvi — Məşhəd, Ərdəbil, Qain hakimi.
4. Sultan Bədiüzzaman mirzə Səfəvi — Sistan hakimi.

İrsi

Bəhram Mirzə musiqiçi, şair, xəttat və rəssam idi. Rüstəm əl-Xorasani kimi rəssamlara sarayında yer vermişdi. Əsərləri Topqapı Sarayında qorunur.

Mənbə

Ədəbiyyat

• Bəhram Mirzə Səfəvi, Böyük İslami Ensiklopediyası, yazıçı:Məlihə Məhdəvi
• BAHRĀM MĪRZĀ İranika Ensiklopediyası, yazıçı:P. Soucek