Bakı Dövlət Universitetinin Beynəlxalq münasibətlər və iqtisadiyyat fakültəsi
Bakı Dövlət Universitetinin Beynəlxalq münasibətlər və iqtisad fakültəsi — Bakı Dövlət Universitetinin fakültələrindən biri.
|
Beynəlxalq münasibətlər və iqtisad fakültəsi | |
|---|---|
 | |
| Yaranma tarixi | 1991 |
| Dekan | Prof. Zeynal Həsənalıyev |
| Şəhər |  Bakı |
| Ölkə |  Azərbaycan |
| Ünvan | Akademik Zahid Xəlilov küçəsi - 23 BDU, 1 saylı Tədris Binası, AZ 1148 |
| Vebsayt | irl.bsu.edu.az |
TarixiRedaktə
BDU Elmi Şurasının tarixi qərarı əsasında 1991/92-ci tədris ilindən yeni bir fakültə – Beynəlxalq münasibətlər və beynəlxalq hüquq fakültəsi yaradıldı.
Fakültənin tələbə kontingenti həmin ixtisaslar üzrə ilkin qəbulun, eləcə də BDU-nun Hüquq fakültəsinin beynəlxalq hüquq ixtisası və Tarix fakültəsinin və Lənkəran Dövlət Universitetinin beynəlxalq münasibətlər ixtisası üzrə təhsil alan tələbələri hesabına formalaşdırıldı.
Bolonya təhsil sisteminə keçidlə əlaqədar olaraq, fakültədə bir sıra struktur dəyişiklikləri aparılmışdı. 2011-ci ildə ilk əvvəl beynəlxalq hüquq ixtisası üzrə təhsil alan tələbələr Hüquq fakültəsinə köçürülmüşdü. 2011-ci ildə Sosial elmlər və psixologiya fakültəsinin tərkibində olan İqtisadiyyat ixtisası, 2013-cü ildə Politologiya ixtisası isə müvafiq ixtisasların bir mərkəzdə cəmləşdirilməsi məqsədi ilə fakültənin tərkibinə daxil edildi. Buna görə də, 2011-ci ildə Beynəlxalq münasibətlər və beynəlxalq hüquq fakültəsinin adı dəyişdirilərək Beynəlxalq münasibətlər və iqtisadiyyat fakültəsi adlandırıldı və buna müvafiq olaraq fakültədə beynəlxalq münasibətlər, iqtisadiyyat, dünya iqtisadiyyatı və politologiya ixtisasları üzrə tələbələrin təhsili təşkil olundu.
RəhbərlərRedaktə
Fakültəyə ilk rəhbərlik prof. Mahmud Quliyevə (1991-1992) həvalə olundu. 1992-2006-cı illərdə fakültəyə dosent Sədiyar Zeynalov rəhbərlik etmişdir.
2006-cı ildən fakültəyə tarix elmləri doktoru, professor Zeynalabdin Həsənalıyev rəhbərlik edir.
Hazırda fakültədə 2 dekan müavini çalışır: Tədris işləri üzrə dekan müavini iqtisad üzrə fəlsəfə doktoru Laçın Abışlı, Elm və magistratura üzrə dekan müavini iqtisad üzrə fəlsəfə doktoru İkram Cəbrayılov.
KafedralarRedaktə
- Beynəlxalq münasibətlər kafedrası
- Diplomatiya və müasir inteqrasiya prosesləri kafedrası
- İqtisadiyyat və idarəetmə kafedrası
- Dünya iqtisadiyyatı kafedrası
- Riyazi iqtisadiyyat kafedrası
- Politologiya və sosiologiya kafedrası
TəhsilRedaktə
Bakalavr ixtisaslarıRedaktə
- Beynəlxalq münasibətlər
- Dünya iqtisadiyyatı
- İqtisadiyyat
- Politologiya
- Dövlət və ictimai münasibətlər
- Menecment
Magistratura ixtisaslarıRedaktə
- Beynəlxalq münasibətlər və diplomatiya
- Müasir dövrdə Yaxın və Orta Şərq ölkələrinin xarici siyasəti
- Dünya siyasəti
- Beynəlxalq iqtisadi münasibətlər
- Gömrük işi
- İqtisadi nəzəriyyə
- İqtisadiyyatın tənzimlənməsi
- İqtisadi-riyazi modelləşdirmə
- Turizmin iqtisadiyyatı
- Makroiqtisadi siyasət
- Azərbaycanda siyasi proseslər
- Konfiliktologiya
- Milli təhlükəsizlik və siyasi strategiya
- Ekonometrika
- Xarici iqtisadi fəaliyyət
- İqtisadiyyatın hüquqi tənzimlənməsi
- Müasir danışıqlar təcrübəsi
- Menecment (sahələr üzrə)