Başkortostan

Başkortostan
(başq. Башҡортостан)
Başkortostan; (başq. Башҡортостан)
Növ	ictimai-siyasi qəzet
Format	А2, dörd zolaqdan ibarət
Sahibi	Başqırdıstan parlamenti, Başqırdıstan Respublikası Hökuməti
Baş redaktor	Niyazbəy Səlimov
Yaranma tarixi	1917
Dil	Başqırd dili
Baş ofis	Ufa;
Ünvan	Rusiya Federasiyası, Başqırdıstan Respublikası, Ufa şəhəri
Tiraj	23000 (2011)
	bashgazet.ru

"Başkortostan" (başq. Башҡортостан) — Rusiya Federasiyasının Başqırdıstan Respublikasının paytaxtı olan Ufa şəhərində başqırd dilində dərc olunan gündəlik ictimai-siyasi qəzet.

Tarixi redaktə

Qəzet 1917-ci ilin iyun ayında Orenburqda "Башҡорт иттифаҡи бюроһының мөхбире" (azərb. "Başqırd regional bürosunun xəbərçisi"‎) adı ilə fəaliyyətə başlamışdır. Bundan sonra adı bir neçə dəfə dəyişilmişdir. İlk dəyişiklik cəmi bir ay sonra olmuşdur. Belə ki, elə həmin ilin iyul ayında adı dəyişdirilərək "Башҡорт" (azərb. "Başqırd"‎) olmuşdur.

1924-cü ildən etibarən redaksiya heyətinin bölməsi birdilli bölməyə çevrilmişdir. 1929-cu ildən indiyə qədər gündəlik nəşr olunur.

1937-ci ildən "Qьđьl Başqortostan" (azərb. "Qızıl Başqırdıstan"‎), 1951-ci ildən isə "Совет Башҡортостаны" (azərb. "Sovet Başqırdıstanı"‎) adlanmışdır.

1990-cı ildən indiki "Башҡортостан" (azərb. "Başqırdıstan"‎) adını daşıyır.

2001-ci ildən 2007-ci ilədək ayda bir dəfə olmaqla başqırd dilində "Нефтекама яңылыҡтары" (azərb. "Neftekams xəbərləri"‎) adlı əlavəsi çap edilmişdir.