Bakı Hava Hücumundan Müdafiə Ordusu
Bakı Hava Hücumundan Müdafiə Ordusu — 1942–1945-ci illərdə Azərbaycan SSR-də mövcud olmuş SSRİ Hava Hücumundan Müdafiə Qüvvələri birləşməsi.
| Bakı Hava Hücumundan Müdafiə Ordusu | |
|---|---|
.svg) | |
| Ölkə | |
| Döyüşlər | |
Tarixi
redaktəBakı Hava Hücumundan Müdafiə Ordusu Dövlət Müdafiə Komitəsinin 5 aprel 1942-ci il tarixli fərmanı ilə müharibənin Şərq cəbhəsində yaradılmışdır. Əvvəllər Bakı Hava Hücumundan Müdafiə Korpusu kimi tanınan birləşmənin əsas məqsədi Bakı neft mədənlərinin almanların hava hücumlarından qorumaq idi. Vermaxt Edelveys əməliyyatı kod adı ilə neft mədənlərini ələ keçirməyi planlaşdırırdı. 1942-ci ilin may-oktyabr aylarında Almaniyanın intensiv hava kəşfiyyatı zamanı orduya 8-ci Hava Hücumundan Müdafiə Qırıcı Korpusu, yeddi zenit alayı, bir zenit-pulemyot alayı, bir projektor alayı, bir baraj aerostatı alayı və digər bölmələr daxil idi.[1] Fəaliyyəti zamanı ordu səkkiz təyyarəni vurub.[2]
1946-cı ilin əvvəlində Bakı Hava Hücumundan Müdafiə Ordusu Cənub-Qərb Hava Hücumundan Müdafiə Dairəsinin tərkibində 17-ci Hava Hücumundan Müdafiə Korpusuna çevrildi. SSRİ Silahlı Qüvvələr nazirinin 24 iyun 1947-ci il tarixli göstərişinə uyğun olaraq 17-ci Hava Hücumundan Müdafiə Korpusunun bazasında Bakı Hava Hücumundan Müdafiə Ordusu, 1948-ci ilin payızında isə onun administrasiyası əsasında Bakı Hava Hücumundan Müdafiə Rayonu yenidən yaradıldı. Bu rayona sonradan ləğv edilmiş 49-cu Qırıcı Aviasiya Korpusu daxil idi.
1954-cü ildən 5 yanvar 1980-ci ildə ləğv edilənə qədər SSRİ Hava Hücumundan Müdafiə Qoşunlarının (PVO) Bakı Hava Hücumundan Müdafiə Dairəsi adlandırılmışdır. O, Bakı və Abşeron yarımadasının neft yataqlarını hava hücumundan müdafiə etmək üçün nəzərdə tutulmuşdu.[3]
Komandirləri
redaktəBakı Hava Hücumundan Müdafiə Dairəsinin və ondan sonrakı birləşmələrin komandirləri aşağıdakılar olmuşdur:
- general-polkovnik Konstantin Verşinin
- general-polkovnik Vladimir İvanov
- general-polkovnik Atanasius Şçeqlov
- general-polkovnik Fyodor Olifirov
- general-polkovnik Anatoli Konstantinov
İstinadlar
redaktə- ↑ Бакинская армия ПВО (rus). 2007-09-29 tarixində orijinalından arxivləşdirilib. İstifadə tarixi: 2007-06-21.
- ↑ Действующая армия... не знала трудностей с нефтепродуктами (PDF) (rus). 2007-09-29 tarixində orijinalından (PDF) arxivləşdirilib. İstifadə tarixi: 2007-06-21.
- ↑ http://aviabaza-meria.ucoz.ru/forum/100-59-1 Arxivləşdirilib 2024-05-02 at the Wayback Machine. The District is referred to in Viktor Suvorov, Inside the Soviet Army, Hamish Hamilton, 1980.
Əlavə ədəbiyyat
redaktə- Бакинский округ противовоздушной обороны:Исторический очерк: 1920-1974 гг. [Baku Anti-air Defence District: An historical outline 1920-1974], Baku, 1974