Bakşon mədəniyyəti

Bakşon mədəniyyəti – Vyetnamda Neolit dövrünə (e.ə. 10 6-cı minilliklər) aid arxeoloji mədəniyyət.

Bakşon mədəniyyəti

Abidələri Bakşon dağlarında aşkar olunduğu üçün belə adlandırılmışdır. Bakşon mədəniyyəti üçün kobud daş çapacaqlar, qaşovlar, tiyəsi qismən cilalanmış baltalar, kərkilər, mikrolitlər, üzərində novçaları olan və Bakşon nişanları adlandırılan uzunsov çınqıllar səciyyəvidir. Bakşon mədəniyyətinin erkən mərhələsində (e.ə. 10–8-ci minilliklər) yalnız mağara düşərgələri məlumdur.

Bakşon mədəniyyətinin son mərhələsində (e.ə. 7–6-cı minilliklər) düzənliklərdə salınmış açıq yaşayış məskənləriŞ ştamplama və cızma naxışlı keramika, düz boğazı olan bardaqlar altlıqlı piyalələr, qulplu qədəhlər və s. meydana gəlir. Bakşon mədəniyyətinin Vyetnam ərazisində əkinçiliyin yaranması ilə bağlı olduğu ehtimal edilir.