BakuBuild

Azərbaycanda təşkil olunan sərgi

BakuBuild — beynəlxalq tikinti sərgisidir. Qeyd olunan sərgidə beynəlxalq istehsalçılar ən son tendensiyaları, materialları və tikinti texnikasını təqdim edirlər. Sərgi tikinti, dizayn və memarlıq sahəsində ən əlamətdar hadisələrdən biridir. BakuBuild uzun illərdir unikal platformadır; sənayenin peşəkarlarını bir araya gətirir və ən son yenilikləri nümayiş etdirir. BakuBuild Azərbaycanda və bütün Xəzər regionunda aparıcı tikinti forumu mövqeyini möhkəm saxlayır. Sərgi bazar araşdırması, biznesin inkişafı, distribyutor axtarışı və regionda mövqelərin möhkəmləndirilməsi üçün platformadır.

BakuBuild
azərb. Azərbaycan Beynəlxalq İnşaat Sərgisi
Loqonun şəkli
Status aktiv
Janr sərgi
Məkan Bakı Ekspo Mərkəzi
Yer Bakı
Ölkə Azərbaycan Azərbaycan
Yaradılıb 2016-cı il
Növbəti 6-8 sentyabr, 2022-ci il
Təşkilatçı Caspian Event Organisers
Dəstək İqtisadiyyat Nazirliyi, Dövlət Şəhərsalma və Arxitektura Komitəsi
bakubuild.az

Tarix redaktə

2016-cı il BakuBuild redaktə

Dünyanın 26 ölkəsini təmsil edən 298 şirkət iştirak edib və üç ölkə — İtaliya, İranBirləşmiş Ərəb Əmirlikləri sərgidə öz milli pavilyonları ilə təmsil olundu. Həmçinin tədbirdə fransız şirkətləri kollektiv stendlə, Türkiyəni təmsil edən istehsalçılar isə böyük qrup şəklində iştirak edib.[1]

2017-ci il WorldBuild Baku redaktə

Sərgidə dünyanın 23 ölkəsindən 200-dən artıq şirkət iştirak edib. Almaniya, Birləşmiş Ərəb Əmirlikləri və İran sərgidə öz milli pavilyonları ilə təmsil olundu. Polşa milli stendi ilə çıxış etdi.[2]

2018-ci il BakuBuild redaktə

BakuBuild 2018-də sərgidə 22 ölkədən 301-ə yaxın sərgi iştirakçısı və 8089 ziyarətçi iştirak etmişdir.

2019-cu il BakuBuild redaktə

BakuBuild 2019-da dünyanın 23 ölkəsindən 280 şirkətin yeni məhsulları nümayiş olundu. İştirakçıların coğrafiyası Avropa, Asiya, AmerikaMDB ölkələrini əhatə edib.[3]

2021-ci ildə BakuBuild redaktə

BakuBuild 2021-də 17 ölkədən 279 şirkət iştirak etmişdir. İştirakçı ölkələr: Azərbaycan, Almaniya, BƏƏ, Böyük Britaniya, Belarus Respublikası, Gürcüstan, Çex Respublikası, Fransa, İsrail, İtaliya, İran, Macarıstan, Qazaxıstan, Özbəkistan, Rusiya, Türkiyə və Ukrayna Sərgi sahəsi: 7907 m2 BakuBuil sərgisi Rebuild Karabakh sərgisi ilə birlikdə keçirilmişdir.

Sərgi bölmələri redaktə

  • İnşaat materialları
  • Sanitariya
  • Dam örtükləri və izolyasiya
  • İnteryer. Bəzək materialları. Dizayn
  • Boyalar, laklar və örtüklər
  • Landşaft memarlığı və dizayn
  • Kotteclər (Taxta evlər. Prefabrik evlər. Hamamlar. Köşklər)
  • Fasadlar, Pəncərələr, Qapılar
  • İnşaat avadanlıqları və texnologiyalar
  • Metalın həddələnməsi
  • Ekoloji tikinti
  • İnşaat və xüsusi texnikası
  • İşıq və elektrik məhsulları
  • Mebel
  • RemontEkspo

Qalereya redaktə

İstinadlar redaktə

  1. "Bakıda XXII Azərbaycan Beynəlxalq İnşaat "BakuBuild 2016" sərgisi keçiriləcək". Azərtac (az.). https://azertag.az/. 2016-12-12 tarixində arxivləşdirilib. İstifadə tarixi: 17.10.2016.
  2. ""WorldBuild Baku 2017" sərgisi Mənzil İnşaatı Dövlət Agentliyi tərəfindən dəstəklənir". azertag.az (az.). 2023-07-01 tarixində arxivləşdirilib. İstifadə tarixi: 2022-08-12.
  3. ""BakuBuild 2019" sərgisi - İŞƏ BAŞLAYIB". FED.az (az.). 22 oktyabr 2019. 2020-09-25 tarixində arxivləşdirilib. İstifadə tarixi: 2022-08-12.

Xarici keçidlər redaktə

  • adex.az — BakuBuild rəsmi saytı