Baku (qəzet, 1902)

"Baku" qəzeti — 1902–1918 illərdə Bakı şəhərində rus dilində nəşr olunmuş ictimai-siyasi gündəlik qəzet.

Baku
Növ	İctimai-siyasi
Yaranma tarixi	1902) (1902)
Dil	Rus dili
Nəşrini dayandırıb	1918) (1918)
Şəhər	Bakı
Tiraj	3786

Haqqında

Qəzet 1902–1918 illər ərzində qısa fasilələrlə rus dilində çapdan çıxmış və bu müddət ərzində 3786 sayı nəşr olunmuşdur. Qəzetin əsas hədəf kütləsi neft sənayeçiləri idi. Bakı şəhərinin mədəni həyatı, azərbaycanlı jurnalist və publisistlərin məqalələri, Azərbaycan ədəbiyyatı və mədəniyyəti ilə bağlı yeniliklər qəzetin tez-tez müraciət etdiyi bölmələr olmuşdur. Cəlil Məmmədquluzadənin "Poçt qutusu" hekayəsi 1913-cü ildə H. Minasazov tərəfindən tərcümə olunaraq bu qəzetdə nəşr olunmuşdur.

Qəzet "Molla Nəsrəddin" jurnalı ilə olan yaxınlığına görə də tanınır. Qəzetdə "Molla Nəsrəddin" jurnalının yeni buraxılışları haqqında yeniliklər oxuculara çatdırılır, jurnalın müsbət tərəfləri göstərilirdi. "Molla Nəsrəddin" jurnalına aid bir sıra felyetonlar və karikaturalar barədə şərhlər qəzetdə öz əksini tapmışdır. "Molla Nəsrəddin" jurnalı 1908-ci ildə bağlanmaq təhlükəsi ilə üzləşəndə 22 nəfər azərbaycanlı tələbənin imzaladığı etiraz məktubu "Bakı" qəzeti tərəfindən dərc olunmuşdur.

Həmçinin bax

• Molla Nəsrəddin (jurnal)
• Yoldaş (qəzet)
• Babayi-Əmir (jurnal)
• Bəhlul (jurnal)