Balababa Məcidov
Balababa Fərəc oğlu Məcidov — tibb elmləri doktoru, professor, AMEA-nın müxbir üzvü, tibb sahəsində tanınmış alim.
| Balababa Məcidov | |
|---|---|
| Balababa Fərəc oğlu Məcidov | |
| Doğum tarixi | |
| Doğum yeri | Bakı |
| Vəfat tarixi | (63 yaşında) |
| Elm sahəsi | Tibb |
| Elmi dərəcəsi | Tibb elmləri doktoru |
| Elmi adları | Professor, AMEA-nın müxbir üzvü |
| Təhsili | ali |
| Mükafatları |
    |
Həyatı redaktə
Məcidov Balababa Fərəc oğlu 12 mart 1912-ci ildə Bakıda anadan olmuşdur. 1930-1935-ci illərdə Azərbaycan Dövlət Tibb İnstitutu Müalicə fakültəsində təhsil almışdır. B.Məcidov həkimlik fəaliyyətinə vəba ilə mübarizə kompaniyası ilə başlayır: 1935-ci ildə Saratovdakı vəba əleyhinə institutda dörd aylıq təlim kursu keçmiş, sonra Azərbaycan SSR-nin Puşkin bölgəsinə (indiki Biləsuvar) vəba əleyhinə məntəqənin müdiri olaraq göndərilmişdir.
1937-ci ildə Balababa Məcidov Bakıya Epidemiologiya, Mikrobiologiya və Gigiyena Elmi-Tədqiqat İnstitutunda Bakterial preparatların istehsalı üzrə direktor müavini vəzifəsində işləməyə göndərilir. 1940-cı ildə həmin institutun direktoru təyin edilir və 1946-cı ilə qədər bu vəzifədə çalışır.
1946-48-ci illərdə Balababa Məcidov Azərbaycan SSR Səhiyyə nazirinin birinci müavini, 1948-50-ci illərdə isə SSRİ Səhiyyə Nazirliyinin Azərbaycanda vəbaya qarşı mübarizə stansiyasının elmi hissə üzrə rəis müavini olmuşdur. 1950-ci ildə o, Epidemiologiya, Mikrobiologiya və Gigiyena İnstitutunun Epidemiologiya şöbəsinin müdiri, 1953-cü ildə isə yenidən həmin institutun direktoru təyin edilir və ömrünün sonunadək burada çalışır. Bağırsaq infeksiyası sahəsində tədqiqat işlərini davam etdirən Balababa Məcidov 1957-ci ildə “Azərbaycan SSR-də bakterial dizenteriya” mövzusunda doktorluq dissertasiyasını müdafiə etmişdir. 1958-ci ildə isə professor adını almışdır. 1960-cı ildə B.Məcidov Azərbaycan SSR-in əməkdar həkimi, 1964-cü ildə isə Azərbaycan SSR-in əməkdar elm xadimi adına layiq görülmüşdür. 1968-ci ildə Azərbaycan Elmlər Akademiyasının müxbir üzvü seçilmişdir.
1968-1972-ci illərdə B.Məcidov N.Nərimanov adına Azərbaycan Dövlət Tibb İnstitutunun rektoru olmuşdur.
1960-cı ildən Balababa Məcidov Azərbaycan Epidemioloqlar, Mikrobioloqlar və İnfeksionistlər Elmi Cəmiyyətinin sədri, 1968-ci ildə isə Azərbaycan SSR Elmi Tibbi Şurasının sədri seçilmişdir. Uzun illər İ.Meçnikov ad. “Ümumittifaq Epidemioloqlar, Mikrobioloqlar və İnfeksionistlər Cəmiyyəti” Rəyasət Heyətinin üzvü, həmçinin “Azərbaycan Tibb Jurnalı” və “Mikrobiologiya, Epidemiologiya və İmmunologiya” jurnallarının redaksiya heyətinin üzvü olmuşdur.
Elmi fəaliyyəti redaktə
Balababa Məcidov elmi fəaliyyətə 1937-ci ildə Epidemiologiya, Mikrobiologiya və Gigiyena Elmi-Tədqiqat İnstitutuna daxil olanda başlamışdır. O, 30 illik elmi-tədqiqat fəaliyyətində 400-dən çox elmi əsər yazmışdır: onlardan 98-i dövri mətbuatda nəşr olunmuş, 5 monoqrafiya və 8 elmi-populyar broşura dərc edilmişdir. Həmçinin alim tərəfindən “Azərbaycan SSR-də xarici mühit və yoluxucu xəstəliklərin qarşısının alınması” çoxcildliyi nəşrə hazırlanmışdır. Bir çox əsəri əlyazmalarda qalmışdır. Tədqiqatlarının nəticələri barədə Balababa Məcidov dəfələrlə konfranslarda, qurultaylarda, elmi iclaslarda və tibb cəmiyyətlərinin iclaslarında söz açmışdir. Alimin əsas elmi marağı Azərbaycan SSR-də bağırsaq infeksiyalarının öyrənilməsinə yönəldilmişdi. Onun məsləhəti və rəhbərliyi altında 8 doktorluq və 12 namizədlik dissertasiyası uğurla müdafiə edilmişdir.[1]
Mükafatları redaktə
Vəfatı redaktə
Balababa Məcidov 3 iyul 1975-ci ildə vəfat etmişdir.
İstinadlar redaktə
- ↑ M.Seyidbəyli. D.Vahabova. Azərbaycan tibbinin korifeyləri. Bakı, 2020.