Ben-Hur (film, 1959)

"Ben-Hur" (ing. Ben-Hur) — rejissor Vilyam Uaylerin filmi.

Ben-Hur
ing. Ben-Hur
Janr	tarixi dram
Rejissor	Vilyam Uayler
Prodüser	Sem Zimbalist
Ssenari müəllifi	Karl Tanberq
Baş rollarda	Çarlton Heston Cek Houkins
Operator	Robert Sertis
Bəstəkar	Mikloş Roja
İstehsalçı	Metro-Goldwyn-Mayer
Distribütor	Netflix
İlk baxış tarixi	18 noyabr 1959
Filmin növü	bədii film
Müddət	212 dəqiqə
Büdcə	15,2 milyon $
Gəlir	90 milyon $
Ölkə	ABŞ
Dil	ingilis dili
İl	1959
Texniki məlumatlar	rəngli genişekranlı 6100 metr
Rəng	rəngli
Çəkiliş yeri	Roma
IMDb	ID0052618
Mükafatları
Vikianbarda əlaqəli mediafayllar

Məzmun

Bizim eranın 26-cı ilində Roma imperiyası artıq adəti üzrə öz ərazilərini genişləndirmək və yeni-yeni əraziləri istila etmək niyyətində idi. Yəhudilər Allahın oğlunun doğulmasının şahidi olurlar. Yəhudilərin görkəmli və varlı nümayəndəsi Ben-Hur öz uşaqlıq dostu və artıq Roma tribunu olan Messala ilə görüşür. Nə vaxtsa qohum qədər yaxın olan Ben-Hur və Messala bu görüşdən sonra düşmənə çevrilirlər. Səbəb Messalanın Ben-Huru yəhudiləri satmağa çəkməsi, Ben-Hurunsa heç vaxt öz xalqını satmayacağını söyləməsi idi. Nəticədə Ben-Huru çoxavarlı gəmiyə təhkim edir, onun ana və bacısını isə həbsxanaya salırlar.

Uzun sürən illər Ben-Huru çox sınaqlardan keçirir. Ben-Hur nə vaxtsa intiqam ala biləcəyini fikirləşərək bütün əzablara dözür. O, həsrətini çəkdiyi vətəninə qayıdır. Bu zaman ona yeni həyatı yaşamaq üçün yol göstərilir...

Film haqqında

• Bu film Lyu Vollesin romanının sayca üçüncü çəkilişidir. Bu əsər buna qədər 1907-ci və 1925-ci illərdə çəkilmişdi.
• Film "Metro-Goldwyn-Mayer" kino şirkətini müflisləşməkdən qurtarmalı idi. Və qurtardı da — çəkilişlərə 15 milyon dollar xərclənsə də, 90 milyon dollar gəlir gətirdi.
• Prodüser Sem Zimbalist rejissor Vilyam Uaylerə bu filmə görə 1 milyon dollar məbləğində pul vermişdi. O zaman üçün bu məbləğ kinoda əlçatmaz idi.
• Filmin kütləvi səhnələrinin çəkilişində 50.000-dən artıq insan iştirak etmişdir. Təkcə 15.000 insan döyüş arabalarının yarış səhnəsində çəkilmişdir.
• Filmin çəkilişlərinə 8 ölkədən aktyorlar dəvət olunmuşdu. Lakin üstünlük Avropa kübarlarına verildi.
• Lyu Vollesin "Ben-Hur: İsanın hekayəti" əsəri bir neçə dəfə ekranlaşdırılmışdır. Belə ki, Vilyam Uaylerin filmi sayca üçüncü versiya hesab olunur. Filmin ilk versiyası olan "Ben-Hur" 1907-ci ildə rejissor Sidni Olkott tərəfindən çəkilmişdir. İkinci versiyanı — "Ben-Hur: İsanın hekayəti"ni isə 1925-ci ildə rejissor Fred Niblo çəkmişdir. Eyniadlı ("Ben-Hur") dördüncü versiya isə rejissor Stiv Şill tərəfindən çəkilmiş Kanada serialıdır. Bundan başqa "Ben-Hur"un 2003-cü ildə ekranlara çıxmış animasiya filmi də var.

Mükafatlar

1959-cu ilin "Oskar" mükafatı:

Ən yaxşı film

Ən yaxşı rejissor işinə görə – Vilyam Uayler

Ən yaxşı kişi roluna görə – Çarlton Heston

Ən yaxşı ikinci plan kişi roluna görə – Hyu Qriffit

Ən yaxşı operator işinə görə

Ən yaxşı rəssam işinə görə – Vilyam Horninq

Ən yaxşı geyim rəssamı

Ən yaxşı səsə görə

Ən yaxşı xüsusi effektlərə görə

Ən yaxşı montaja görə – Con Danninq, Ralf Uinters

Dram və ya komediya filmlərində ən yaxşı saundtrekə görə

Filmin heyəti

Film üzərində işləyənlər

Əsərin müəllifi : Lyu Volles

Ssenari müəllifi : Karl Tanberq

Rejissor : Vilyam Uayler

Operator : Robert Sertis

Rəssamlar : Vilyam Horninq, Edvard Karfano

Bəstəkar : Mikloş Roja

Prodüser : Sem Zimbalist

Rollarda

Çarlton Heston – Ben-Hur

Cek Houkins – Kvint Arri

Haya Hararet – Esfir

Stiven Boyd – Messala

Hyu Qriffit – Şeyx İldırım

Marta Skott – Miriam

Keti O'Donnell – Tirza Bat-Hur

Sem Caffe – Simonid

Finley Kurri

Frenk Trinq – Ponti Pilat

Terens Lonqdon – Druz

Corc Relf

Endri Morell

Xarici keçidlər

• Ben-Hur Official Website Arxivləşdirilib 2012-09-01 at the Wayback Machine
• Webpage BenHur Writing
• Ben-Hur — Internet Movie Database saytında