Berna Gözbaşı
Berna Gözbaşı — Türk sənayeçi və idman meneceri. O, Kayseridə qurulan döşək istehsalçısı kimi fəaliyyət göstərən BRN Mattressin qurucusudur. Berna Gözbaşı sahibkarlıq və ixrac sahəsində bir çox mükafatlara layiq görülüb. 2019-cu ildə Kayserispor Futbol Klubunun prezidenti seçildi və Super Liqada ilk qadın idman klubu prezidenti oldu.[1]
| Berna Gözbaşı | |
|---|---|
| türk. Berna Gözbaşı | |
Kayserispor prezidenti | |
| Şəxsi məlumatlar | |
| Doğum tarixi | |
| Doğum yeri | Gəlibolu, Çanaqqala, Türkiyə |
| Milliyyəti | türk |
| Fəaliyyəti | biznes ledi, idman funksioneri[d] |
Bioqrafiyası redaktə
Berna Gözbaşı 1974-cü ildə Türkiyənin Çanaqqala vilayətinin Gelibolu şəhərində kiçik zabit ailəsində anadan olub. İzmirdə Dokuz Eylül Universitetində biznes idarəçiliyi fakültəsində təhsil alıb və 1996-cı ildə məzun olub. Onun iki qızı var.[2][3]
Biznes karyerası redaktə
Gözbaşı peşəkar karyerasına Kayseridə yerləşən sink-qurğuşun metal sənayesi olan "Çinkır"da ixrac meneceri kimi başlayıb. 2001-2006-cı illər arasında o, Yaxın Şərq, Şərqi Afrika və Qərbi Afrikada ixrac biznesinə girən bir çox kiçik və orta müəssisəyə kömək etmişdir. 2006-cı ildə döşəklər və çarpayılar istehsalı üçün BRN Bed şirkətini qurdu. O, məhsullarını beş qitədə 60-dan çox ölkəyə ixrac etdi və gənc sahibkarlar üçün nümunə kimi göstərildi. 2011-ci ildə Gözbaşı Avropa Biznes Mükafatları tərəfindən on "Ən Uğurlu Sahibkarlar"dan biri seçildi. Onun şirkəti 2012-ci ildə Türkiyə Palatalar və Birjalar Birliyi (TOBB) və Harvard Universitetinin "Bütün Dünya Şəbəkəsi – Türkiyə" tərəfindən "Ən Sürətlə İnkişaf edən 25 Şirkət" siyahısına daxil edilmişdir. O, Kayseri Sənaye Palatasının ilk qadın üzvüdür.[4] [5]
İdman karyerası redaktə
Gənclik illərində Gözbaşı aktiv basketbolçu olub. O, “Kayserispor”un idarə heyətinə qəbul edilib, daha sonra sədr müavini olub. Türkiyə Super Liqasının yüksək səviyyəli kişilər liqasında çıxış edən "Kayserispor" klubunun prezidenti Erol Bedir fəxri klub prezidenti Mehmet Özhasekinin xahişi ilə 6 oktyabr 2019-cu ildə istefa verib. Üç il klub idarə heyətində işlədikdən sonra Gözbaşı yerli siyasi liderlərin, keçmiş hökumət nazirlərinin, qeyri-hökumət təşkilatlarının rəhbərlərinin və TOBB prezidenti M. Rifat Hisarcıklıoğlunun dəstəyi ilə futbol klubunun prezidenti seçildi. Gözbaşı prezidentliyi ilə bağlı "komanda liqa cədvəlinin sonunda olmasaydı, stul ona təklif olunmazdı" dedi. O, daha əvvəl qərarlar verməklə 2019-2020 Super Liqa mövsümündə klubun vəziyyətini yaxşılaşdırmaq əzmini ifadə etdi. 2019-cu ildə prezident Erol Bedir istefa verdikdən sonra o, Fövqəladə Baş Assambleyada prezident seçildi və Super Liqa tarixində ilk qadın futbol klubunun prezidenti oldu. O, 2021-ci ildə bu vəzifəyə yenidən seçilib. Gözbaşı ölkənin yüksək səviyyəli liqasında oynayan türk kişi futbol klubunun ilk qadın prezidentidir.[6]
İstinadlar redaktə
- ↑ "Kayserispor'un kulüp başkanı Berna Gözbaşı kimdir?". Hürriyet (türk). 27 November 2019. 5 April 2023 tarixində arxivləşdirilib. İstifadə tarixi: 2 December 2019.
- ↑ "Berna Gözbaşı: "Daha erken kararlar alacağız"". Hürriyet (türk). 3 December 2019. 4 April 2023 tarixində arxivləşdirilib. İstifadə tarixi: 3 December 2019.
- ↑ "Kayserispor eski Başkanı Erol Bedir: "Sözlerimden kimse alınmamalı"". Hürriyet (türk). 16 October 2019. 5 April 2023 tarixində arxivləşdirilib. İstifadə tarixi: 3 December 2019.
- ↑ "Berna Gzbaşı" (türk). DEİK. 29 January 2022 tarixində arxivləşdirilib. İstifadə tarixi: 3 December 2019.
- ↑ "Kayserispor Başkanı Berna Gözbaşı: Takım sonuncu olmasaydı erkekler bana bırakmazdı!". Sözcü (türk). 2 December 2019. 29 May 2022 tarixində arxivləşdirilib. İstifadə tarixi: 3 December 2019.
- ↑ "Berna Gözbaşı kimdir, kaç yaşında serveti ne kadar?". Fanatik (Turkey) (türk). 22 November 2019. 3 December 2019 tarixində arxivləşdirilib. İstifadə tarixi: 3 December 2019.