Bessey albalısı

Bessey albalısı (lat. Prunus besseyi) — bitkilər aləminin gülçiçəklilər dəstəsinin gülçiçəyikimilər fəsiləsinin gavalı cinsinə aid bitki növü.

Bessey albalısı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Amygdaleae Cins: Gavalı Növ: Bessey albalısı
Beynəlxalq elmi adı
Prunus besseyi L.H.Bailey, 1894
Şəkil axtarışı ITIS   519647 NCBI   136446 EOL   301094

Təbii yayılması

Vətəni Şimali Amerikadır.

Botaniki təsviri

Çətiri şaxələnmiş, çılpaq qırmızı zoğlu, hündürlüyü 30-120 sm olan koldur. Gövdələri və bəzi budaqları sürünəndir. Yarpaqlarının uzunluğu 2-6 sm, ellipsvari-neştərvari, ucu biz, kənarları dişli, çılpaqdır. Yarpaq saplağının uzunluğu 4-10 mm-dir. Xırda, ağ çiçəkləri 2-4 ədəd olmaqla salxıma toplanmışdır, diametri təxminən 15 mm-dir. Yarpaq və çiçəkaltlıqları tez töküləndir. Erkəkcikləri 15-20 ədəddir. Çiçəkləmə 15-20 gün davam edir. Meyvəsi çox da böyük olmayan, ölçüsü təxminən 1,5 sm, yeməli, tünd al qırmızı və ya qara rəngli, yumru, ətli, çəyirdəklidir. Toxum, qələm və kök zoğları ilə çoxalır.

Ekologiyası

Yüngül, qumluca torpaqlarda yaxşı inkişaf edir.

Azərbaycanda yayılması

Böyük Qafqazda təbii halda rast gəlinir.

İstifadəsi

Yarpaqları payızda al qırmızı çalarlara boyanır. Bu da bitkiyə çox dekorativ görünüş verir.