Beynəlxalq Antikorrupsiya Akademiyası
IACA (ing. International Anti-Corruption Academy) — hökumət üzvləri və digər vəzifəli şəxslərə[1] antikorrupsiya tədbirləri ilə bağlı təlim keçən,[2] qərargahı Avstriyanın Laksenburq şəhərində yerləşən beynəlxalq hökumətlərarası təşkilat.[3] Təşkilata üzvlük BMT-yə üzv olan dövlətlər və beynəlxalq hökumətlərarası təşkilatlar üçün açıqdır. Təşkilata üzvlük haqqının ödənilməsi məcburi deyil.[4]
| Beynəlxalq Antikorrupsiya Akademiyası IACA | |
|---|---|
 | |
 | |
| Yaranma tarixi | 8 mart 2011 |
| Yarandığı yer | Vyana, Avstriya |
| Fəaliyyət göstərdiyi yer | Laksenburq, Avstriya |
| Üzvləri |
75 dövlət 4 beynəlxalq təşkilat |
| iaca.int | |
 Vikianbarda əlaqəli mediafayllar | |
Tarixi
redaktəZəmin
redaktəAntikorrupsiya təhsilinə yönəlmiş beynəlxalq təşkilatın yaradılması prosesi 2005-ci ilə təsadüf edir. Belə ki, İnterpolun işçi qrupu həmin dövrdə bu təşəbbüslə bağlı müzakirələrə başlayır.[5] İnterpolun 2006-cı ilin sentyabrında keçirilən 75-ci iclasında üzv dövlətlər yekdilliklə "dünya üzrə dövlət xidmətləri sektorunda korrupsiya problemi ilə mübarizə aparmaq məqsədi güdən" akademiyanın qurulmasının lehinə səs verirlər.[6] İclasın ardınca, 9 oktyabr 2006-cı ildə Avstriyanın Daxili İşlər naziri Liza Prokop, İnterpolun baş katibi Ronald Noubl və Daxili İşlər İdarəsinin direktoru Martin Krutner Avstriyanın paytaxtı Vyanada IACA-nı yaratmaq istədiklərini rəsmi şəkildə bəyan etdilər.[7]
2007-ci ilin iyulunda Noubl və Avstriyanın Daxili İşlər naziri Günter Platter Vyanada görüşərkən IACA-nın Laksenburqda yaradılması ilə əlaqədar saziş imzaladılar.[8] Saziş 2007-ci ilin noyabrında İnterpolun 76-cı iclasında təsdiq edildi.[9] 2008-ci ilin oktyabrında Noubl və BMT‐nin Narkotiklər və Cinayətkarlıqla Mübarizə İdarəsinin (UNODC) icraçı direktoru Antonio Mariya Kosta 2005-ci ilin dekabrında qüvvəyə minmiş Korrupsiya əleyhinə BMT Konvensiyasının "daha effektiv icrasını təmin etməkdə" IACA-ya kömək etmək məqsədilə əməkdaşlıq sazişi imzaladılar.[10]
Yaranması
redaktəAkademiya 2 sentyabr 2010-cu ildə BMT‐nin Narkotiklər və Cinayətkarlıqla Mübarizə İdarəsi, İnterpol, Avropa Dələduzluğa qarşı Mübarizə Ofisi (OLAF) və Avstriya Respublikasının birgə təşəbbüsü ilə yaradılmışdır.[11][12] 8 mart 2011-ci ildə IACA beynəlxalq təşkilat statusu əldə etdi və BMT-də qeydiyyatdan keçdi.[13][14]
2019-cu ilin oktyabrında Myanmanın IACA-ya qoşulması ilə 4-ü beynəlxalq hökumətlərarası təşkilat, 75-i isə dövlət olmaqla təşkilatın üzvlərinin sayı 79-a çatmışdır.[15][16]
Fəaliyyəti
redaktəTəhsil proqramı
redaktəIACA Avstriyanın Təhsil, Elm və Tədqiqat Nazirliyi tərəfindən aspirantura təhsil müəssisəsi kimi tanınmışdır. Sonradan Bolonya prosesi çərçivəsində aspirantura təhsili təklif etmək səlahiyyəti verilmişdir.[17] İlk magistratura proqramına 2013-cü ilin fevralında başlamış və o zamanlar tədris iki il ərzində 12 günlük yeddi blok şəklində keçirilmişdir.[5]
IACA iki magistratura proqramı təklif edir.[18] ATƏT və Fransanın İqtisadiyyat və Maliyyə Nazirliyi IACA-nın magistratura proqramlarına vahid yanaşma tətbiq etdiyini hesab edir.[13][14] El Mundo buradakı araşdırmaların fənlərarası və praktiki aparıldığını qeyd edir.[19] 2018-ci ildə IACA-dan təxminən 1,600 nəfər məzun olmuşdur.[20]
Maliyyə
redaktəAvstriyanın xəbər qəzeti News-un məlumatına görə, 2014-cü il maliyyə ili üzrə IACA-nın büdcəsi 12.98 milyon avro, 2015-ci il maliyyə ili üzrə isə 13.24 milyon avro təşkil edib; halbuki 2013-cü il üzrə real gəliri 2.3 milyon avro və xərcləri 2.1 milyon avro civarında olmuşdur.[4] IACA News-a bildirmişdir ki, rəqəmlərin yüksəlməsi onların maliyyənin artmasına yönələn hədəflərinin nəticəsidir.[4] 2015-ci ilin sonu 2016-cı ilin əvvəlində IACA kadr dəyişikliyinə məruz qaldı.[4]
IACA-nın üzv dövlətlərin iştirakı ilə 2018-ci ilin sentyabrında keçirilən 7-ci iclasında IACA-nın İdarəetmə Şurasının sədri Eduardo Vetere xarici audit hesabatlarına istinadən IACA-nın müflisləşmə təhlükəsi ilə üzləşə biləcəyini qeyd etmişdi.[21] 2018-ci ilin dekabrında gəlir mənbələrinin yenidən qurulması və digər dövlətlərin üzvlüyə cəlb edilməsi məqsədilə işçi qrup yaradıldı.[22] Elə həmin vaxt Avstriya hökuməti təşkilata 544,000 avro maliyyə ayırdı.[23]
Rəhbərlik
redaktəIACA-ya təşkilatın həm də icraçı katibi vəzifəsini icra edən sədr rəhbərlik edir. 2011-ci ilin martından, yəni təşkilatın qurulduğu vaxtdan 2019-cu il yanvar ayının sonunadək Martin Krutner IACA-nın ilk sədri kimi fəaliyyət göstərib.[23] Daha sonra boş qalan vəzifə üzrə səlahiyyətləri təşkilati heyət rəhbəri və ümumi xidmətlər bölməsinin sədri Kristian Pohn-Hufnagel icra etmişdir. 2 mart 2020-ci ildə Tomas Stelzer IACA-nın yeni sədri və icraçı katibi vəzifəsini icra etməyə başladı. Onun ilkin səlahiyyət müddəti dörd il olsa da, uzadıla bilər.[24]
Həmçinin bax
redaktəİstinadlar
redaktə- ↑ "To check Corruption in India, CVC trains officials in Europe" (ingilis). The Economic Times. 2 April 2019. 2022-04-08 tarixində arxivləşdirilib. İstifadə tarixi: 2019-05-02.
- ↑ Fletcher, Clare; Herrmann, Daniela. The internationalisation of corruption : scale, impact and countermeasures (ingilis). Gower. 2012. 2. ISBN 9781409411291.
- ↑ Schermers, Henry G.; Blokker, Niels M. International institutional law : unity within diversity (ingilis) (5th). Boston: Martinus Nijhoff Publishers. 2011. səh. 30. ISBN 9789004187962. 2020-06-06 tarixində arxivləşdirilib. İstifadə tarixi: 2019-05-02.
- ↑ 1 2 3 4 Melichar, Stefan. "Das Luftschloss: Über die Internationale Anti-Korruptionsakademie". News.at (alman). 16 February 2016. 2020-11-08 tarixində arxivləşdirilib. İstifadə tarixi: 2018-08-21.
- ↑ 1 2 Gottsauner-Wolf, Moritz; Zotter, Christoph. "Wo die Korruptionsjäger büffeln" (alman). Die Zeit. 31 January 2013. 2019-07-30 tarixində arxivləşdirilib. İstifadə tarixi: 2018-08-21.
- ↑ "INTERPOL to create international anti-corruption academy" (Press-reliz). Interpol. 20 September 2006. 8 March 2022 tarixində arxivləşdirilib. İstifadə tarixi: 19 June 2019.
- ↑ "Antikorruptions-Akademie in Wien" (PDF) (Press-reliz) (German). Ministry of the Interior (Austria). 9 October 2006. 27 June 2019 tarixində arxivləşdirilib (PDF). İstifadə tarixi: 19 June 2019.
- ↑ "Interpol International Anti-Corruption Academy - Signing of a Headquarters Agreement" (Press-reliz). European Partners Against Corruption. 27 June 2019 tarixində orijinalından arxivləşdirilib. İstifadə tarixi: 19 June 2019.
- ↑ "Interpol General Assembly approves Headquarters Agreement on Anti-Corruption Academy in Austria" (Press-reliz). European Partners Against Corruption. 27 June 2019 tarixində orijinalından arxivləşdirilib. İstifadə tarixi: 19 June 2019.
- ↑ "International Anti-Corruption Academy Established in Austria" (Press-reliz). United Nations Office on Drugs and Crime. 13 October 2008. 18 June 2022 tarixində arxivləşdirilib. İstifadə tarixi: 19 June 2019.
- ↑ "Secretary-General Ban Ki-moon inaugurates world's first anti-corruption academy" (Press-reliz). United Nations Office on Drugs and Crime. 2 September 2010. 10 September 2021 tarixində arxivləşdirilib. İstifadə tarixi: 19 June 2019.
- ↑ "UK backs new corruption-fighting academy" (Press-reliz). United Kingdom: Department for International Development. 3 September 2010. 24 July 2019 tarixində arxivləşdirilib. İstifadə tarixi: 6 June 2020.
- ↑ 1 2 Adrian, Jean-François. "Austria's International Anti-Corruption Academy" (PDF). Responsive Public Management. 55. June 2013. 2018-08-30 tarixində orijinalından (PDF) arxivləşdirilib. İstifadə tarixi: 2018-08-21.
- ↑ 1 2 OSCE Handbook on Combating Corruption (ingilis). OSCE. 2016. 24. ISBN 9789292341923. 2022-04-23 tarixində arxivləşdirilib. İstifadə tarixi: 2018-08-21.
- ↑ "Myanmar Joins IACA" (Press-reliz). International Anti-Corruption Academy. 9 October 2019. 12 October 2019 tarixində orijinalından arxivləşdirilib. İstifadə tarixi: 11 October 2019.
- ↑ "List of parties and signatories". International Anti-Corruption Academy. 9 August 2018 tarixində orijinalından arxivləşdirilib. İstifadə tarixi: 11 October 2019.
- ↑ "International Anti-Corruption Academy, Laxenburg" (PDF). bmbwf.gv.at. Federal Ministry for Education, Science and Research of the Republic of Austria. 2019-05-10 tarixində orijinalından (PDF) arxivləşdirilib. İstifadə tarixi: 2019-05-10.
- ↑ Hu, Jiaxiang; Harding, Andrew; de Visser, Maartje. Legal Education in Asia: From Imitation to Innovation (ingilis). Brill. 2017. 91. ISBN 9004349693. 2020-06-10 tarixində arxivləşdirilib. İstifadə tarixi: 2019-05-02.
- ↑ Santivañez, Martin. "IACA, la academia internacional anticorrupción" (ispan). El Mundo. 17 May 2013. 2019-05-02 tarixində arxivləşdirilib. İstifadə tarixi: 2018-08-21.
- ↑ Puchleitner, Klaus. "Wien, Hauptstadt der Korruptionsbekämpfung / Vienna, capital in fighting corruption". Cercle Diplomatique (alman və ingilis) (3). 2018. 72–75. 2022-04-08 tarixində arxivləşdirilib. İstifadə tarixi: 2018-09-10.
- ↑ "Report of the Chairperson of the Board of Governors" (PDF). International Anti-Corruption Academy. 27 September 2018. səh. 6. 1 November 2018 tarixində orijinalından (PDF) arxivləşdirilib. İstifadə tarixi: 30 June 2019.
- ↑ Melichar, Stefan. "Anti-Korruptionsakademie droht Pleite" (alman). 3 December 2018. 2021-08-05 tarixində arxivləşdirilib. İstifadə tarixi: 2019-05-04.
- ↑ 1 2 Bachner, Michael. "Chef verlässt internationale Anti-Korruptions-Akademie" (alman). Kurier. 16 January 2019. 2021-08-04 tarixində arxivləşdirilib. İstifadə tarixi: 2019-05-05.
- ↑ "Diplomat Stelzer neuer Chef der Antikorruptionsakademie" (alman). orf.at. 9 February 2020. 2022-04-08 tarixində arxivləşdirilib. İstifadə tarixi: 2020-02-14.