Beynəlxalq Biologiya Elmləri İttifaqı
Beynəlxalq Biologiya Elmləri İttifaqı (ing. International Union of Biological Sciences) — beynəlxalq qeyri-kommersiya təşkilatı. 1919-cu ildə Brüssel şəhərində yaradılmışdır. Əsas vəzifələri müasir biologiyanın ən mühüm istiqamətlərini inkişaf etdirmək, beynəlxalq və fənlərarası kooperasiyaların yaranmasına səbəb olan tədbirlərə təşəbbüs göstərmək, kömək etmək, müdafiə etmək və əlaqələndirmək; hər şeydən əvvəl ittifaqın elmi proqramları ilə bağlı keçirilən birgə tədbirlərin nəticələrini yaymaq və müzakirəsini təmin etmək; beynəlxalq konfransların təşkilinə, onların əsərlərinin nəşrinə kömək etməkdən ibarətdir.
| Beynəlxalq Biologiya Elmləri İttifaqı IUBS | |
|---|---|
 | |
| Yaranma tarixi | 1919 |
| Rəsmi dili | ingilis dili |
| Mərkəzi | Paris, Fransa |
| Sədr | Nils Stenset |
| iubs.org | |
2010-cu ildən ittifaqa 45 əsas üzv və 80 elmi üzv daxil idi. Təşkilatın qərargahı Paris şəhərində yerləşir. Beynəlxalq Biologiya Elmləri İttifaqı Beynəlxalq Elm üzrə Şura yaradıcıları və üzvlərinin sıraısına daxildir. Ali orqanı 3 ildən bir çağırılan Baş assambleyadır. Burada biologiyanın inkişaf yolları, hər il müşavirələr keçirən İcra komitəsi seçilir. İttifaqın katibliyi içraçı direktordur. İcra komitəsi Baş assambleyaya qəbul vaxtı ittifaqın vəsaitindən himayə edilən qabaqcıl istiqamətlər təklif edir, Bioloqu İnternational jurnalı nəşr edilir. Maliyyə fəaliyyəti ittifaqın əsas üzvlərinin üzvlük haqları və Yuneskonun dotasiyları hesabına həyata keçirilir.
Mənbə
redaktə- Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 510. ISBN 978-9952-441-07-9.