Beynəlxalq Dəniz Təşkilatı
Beynəlxalq Dəniz Təşkilatı (BDT) (ing. International Maritime Organization — IMO)- BMT-nin ixtisaslaşmış müəsisəsi, ticarət gəmiçiliyinin inkişafında və dəniz hüququnun unifikasiya edilməsində hökumətlərin əməkdaşlığını həyata keçirən beynəlxalq hökumətlərarası təşkilat.
| Beynəlxalq Dəniz Təşkilatı BDT | |
|---|---|
| ing. International Maritime Organization | |
 | |
 | |
 Londonda BDT-nin baş qərargahı | |
| Növü | BMT-nin ixtisaslaşmış müəsisəsi |
| Yaranma tarixi | 1959 |
| Rəsmi dili | |
| Mərkəzi | London, Böyük Britaniya |
| Üzvləri | 170 dövlət |
| www.imo.org | |
 Vikianbarda əlaqəli mediafayllar | |
1948-ci ildə Cenevrədə BMT-nin dəniz konfransında təsis edilmişdir. 1958-ci ildə "Hökumətlərarası dəniz məsləhətləşmə təşkilatı" (İMKO) adı ilə fəaliyyətə başlamışdır. 1982-ci ildən Beynəlxalq Dəniz Təşkilatı adlanır. Üzv dövlətlərin sayı- 170.
BDT-nin rəsmi məqsədi beynəlxalq ticarət gəmiçiliyinə aid istənilən texniki məsələlərdə hökumət tənzimlənməsi və praktika sahəsində hökumətlərin əməkdaşlığını təmin etmək, dənizdə təhlükəsizlik, gəmiçiliyin səmərəliliyi , dənizin gəmilər vasitəsilə çirklənməsinin qarşısının alınması və bu cür çirklənməyə qarşı mübarizə məsələlərində mümkün qədər praktiki baxımdan maksimal normaların hamılıqla qəbul edilməsini təqdir etmək və buna şərait yaratmaq, təşkilatın məqsədilə əlaqədar inzibati və hüquqi məsələləri nəzərdən keçirməkdir.
BDT 50-dən artıq beynəlxalq sənəd, o cümlədən dənizdə insanların həyatının qorunması, dənizçilərin hazırlanması, dəniz gəmiçiliyinin təhlükəsizliyinə zidd olan qanunsuz hallara qarşı mübarizə, gəmilərin dənizdə toqquşmasının qarşısının alınması üçün beynəlxalq qaydalar, yüklərin markalanması, dənizdə axtarış və xilasetmə məsələlərinə, dənizlərin neftlə çirkləmnməsindən dəyən zərərə görə mülki məsuliyyət, gəmilərin ölçülməsi və başqa məsələlərə dair konvensiyalar qəbul edilmişdir.
Konvensiyalardan əlavə, BDT-nin assambleyası , Dənizdə Təhlükəsizlik Komitəsi, Dəniz Mühitinin Qorunması Komitəsi üzv dövlətlər üçün gəmilərin dənizdə üzməsi məsələlərinə dair məcburi olmayan tövsiyələr, məcəllələr və sənədlər qəbul edir.
BDT-nin rəhbər orqanları
redaktəBDT-nin rəhbər orqanları assambleya, şura, Dənizdə Təhlükəsizlik Komitəsi, Hüquq Komitəsi, Dəniz Mühitinin Qorunması Komitəsi, Texniki Əməkdaşlıq Komitəsi, Formal Qaydaların Sadələşdirilməsi Komitəsi və katiblikdir. Təşkilatın üzvü olan bütün ölkələrin nümayəndələrinin məclisi assambleya iki ildə bir dəfə çağrılır,təşkilatın proqramını, büdcəsini və maliyyə hesabını təsdiq edir, təşkilatın şurasını seçir. Şura BDT-nin icraiyyə orqanı olub, üzv dövlətlərin 32 nümayəndəsindən ibarət tərkibdə iki illiyə seçilir. Şura ildə iki dəfə toplanır. O, BDT-nin orqanlarının fəaliyyətini əlaqələndirir, komitələrin məruzələrini şərh edir və baxılmaq üçün onları assambleyaya göndərir. Assambleyanın və şuranın qərarları səs çoxluğu ilə qəbul edilir. Şura assambleyanın razılığı ilə baş katib təyin edir.
Baş katiblər
redaktəHal-hazırda cari baş katib Koji Sekimizudur (Yaponiya).O, vəzifəsinin icrasına 1 yanvar, 2012-ci ildə başladı. Baş katiblər:
- 1959 Ove Nilsen (
Danimarka) - 1961 Vilyam Qrem (
Böyük Britaniya) - 1963 Jan Roulier (
Fransa) - 1968 Kolin Qoad ( Böyük Britaniya)
- 1974 Chandrika Prasad Srivastava (
Hindistan) - 1990 Vilyam O'Neil (
Kanada) - 2003 Efthymios Mitropoulos (
Yunanıstan) - 2011 Koji Sekimizu (
Yaponiya)
.svg){kind=small}
