Biedronka

Biedronka — 2017-ci ildə 2,823 mağazası və 55,000 işçisi ilə Polşanın ən böyük supermarketlər şəbəkəsidir. Bu mağaza, Jeronimo Martins adlı Portuqaliya şirkətinə məxsusdur. Supermarket şəbəkəsinin adı loqosunun üzərində olduğu kimi uğur böcəyi mənasını verir.

Biedronka
Ümumi məlumatlar
Sənaye	Ərzaq məhsulları
Təsis tarixi	1997
Baş qərargahın yeri	Polşa
İqtisadi göstəriciləri
Xalis mənfəəti	▲ €11.2 milyard
Struktur
İşçi sayı	55,000
biedronka.pl
Vikianbarda əlaqəli mediafayllar

Biedronka əsasən yerli, polşada istehsal olunan məhsullar satır, və onlardan bir çoxu şirkətin öz markası altında istehsal olunur. Bu supermarketlər, aşağı gəlirli müştərilərə yönəlmiş Polşada ən məşhur supermarket şəbəkələrindən biridir. Həmçinin, əsasən Portuqaliya istehsalı olan şərablar satmaqda da məşhurdur.

Biedronka şirkəti artıq on ildən çoxdur ki, Polşanın ərzaq pərakəndə bazarında aparıcı mövqe tutur, Polşada isə onun əsas rəqibi Lidldir.

Tarixçəsi

Biedronka pərakəndə mağazalar şəbəkəsinin təsisçisi Mariusz Svitalski olmuşdur. Biedronka şəbəkəsinin ilk mağazası Poznan, Nyuton küçəsində 4 aprel 1995-ci ildə açılmışdır.

1997-ci ildə Jeronimo Martins Mariusz Svitaslkinin sahibi olduğu Elektromis şirkətinə aid 210 Biedronka mağazasını almışdır və o vaxtdan bu şəbəkəni dinamik şəkildə inkişaf etdirir.

"Respublika" jurnalının reytinqində "Polşada 500 ən böyük müəssisələrin siyahısı" adlı məqalədə 5-ci yerdə qərarlaşmışdır.

Qalereya

• 
  Pieçkidə Biedronka mağazası.
• 
  Klodzkoda yerləşən Biedronka mağazası.
• 
  Ruda Slaskada yerləşən Biedronka mağazası.
• 
  Belostokda yerləşən Biedronka mağazasının daxili
• 
  Biedronkanın meyvə daşıyan yük avtomobili.

Həmçinin bax

• Biedronka işçiləri və müştəriləri üçün yaradılmış qeyri-rəsmi forum