Bigger than the Universe
"Bigger than the Universe" (azərb. Kainatdan daha böyük) — İsveçli ifaçı, musiqi prodüseri, bəstəkar və söz yazarı Sven Anders Baqqenin mahnısı. O, ölkəsinin ənənəvi musiqi hadisəsi sayılan sayca 62-ci Melodifestivalendə məhz bu mahnı ilə, 2-pilləyə qədər yüksəlmişdir.
| Mahnı | |
| "Bigger than the Universe" | |
|---|---|
| İfaçı | Anders Baqqe |
| Yayımlanıb | 2022 |
| Dil | İngilis |
Mahnı redaktə
Pop janrlı "Bigger than the Universe" mahnısının sözləri və bəstəsi Pyetr Buström, Zimmi Consson, Tomas "G:Son" və ifaçının özü tərəfindən ərsəyə gətirilmişdir.
Mahnının insanlara bəxş edə biləcəyi duyğu, əsasən ruhani yüksəlişdir. İfaçı yerdən əbədiyyən xilas olmaq və hər kəslə birgə, bütün qaranlıqların aydınlıqla əvəz olunacağı daha xoşbəxt bir məkanı vətən seçmək niyyətindədir, və əgər bu qurtuluş həqiqətən baş tutarsa, artıq hər kəs "Qalib" və hər söz "Şeir" olacaq. O, "Ümid yağmuru altında kainatdan daha böyük olan ruhumun doğuşunu görə bilirəm" cümləsi ilə qəlbinin simfoniyasını paylaşır.
Buraxılış tarixi redaktə
| Ərazi | Tarix | Müddət | Format | Etiket |
|---|---|---|---|---|
| Dünya üzrə | 26 fevral 2022 | 3:02 | Rəqəmsal yükləmə | Promotor Media, Warner Music Sweden |
Beynəlxalq arenada redaktə
"Bigger than the Universe" mahnısı Anders Baqqenin səsləndirməsiylə, İsveçin böyük musiqi hadisəsi hesab edilən Melodifestivalen 2022-də iştirak etmişdir. Mahnı uzun seçim mərhələlərini uğurla geridə qoyaraq, 12 mart 2022-ci il tarixində keçirilən böyük finala yüksəlməyi bacarmış və finalın telesəsvermə nəticələrinə əsasən 90 xalla qələbə qazanmışdır. Jüri səsverməsinin təsiri ilə yekun olaraq 121 xal toplayan musiqi əsəri, Melodifestivalenin sayca 62-ci buraxılışını 2-ci sırada tamamlamışdır.[1]
Çartlarda redaktə
| Çart (2022) | Zirvə nöqtəsi |
|---|---|
| İsveç (Sverigetopplistan)[2] | 2 |
| İsveç | 51[a] |
Qeydlər redaktə
- ↑ Bu, eyni çartın il sonu qrafik göstəricisidir.
İstinadlar redaktə
- ↑ "Sweden: Melodifestivalen 2022". Eurovisionworld. 7 January 2023 tarixində arxivləşdirilib. İstifadə tarixi: 4 March 2022.
- ↑ "Veckolista Singlar, vecka 10". Sverigetopplistan. 20 April 2023 tarixində arxivləşdirilib. İstifadə tarixi: 12 March 2022.