Binhem-Kanyon
Binhem-Kanyon — ABŞ-də mis, qızıl, gümüş və molibden çıxarılan iri kompleks yataq. Yuta ştatında, Solt-Leyk-Siti şəhərindən 30 km cənub-şərqdədir. Dünyada ən iri yataqlardandır.[2]
| Binhem-Kanyon | |
|---|---|
 | |
| Yerləşdiyi yer | |
| Ölkə | |
| Koordinatlar | 40°31′20″ şm. e. 112°08′58″ q. u.HGYO |
| İstehsal | |
| Məhsullar | mis |
 Vikianbarda əlaqəli mediafayllar | |
Tarixi
redaktə1880-ci illərdə kəşf edilib, 1906-cı ildən açıq üsulla, 1940-cı illərdən isə kombinə edilmiş üsullarla istismar olunur.[2]
Geologiyası
redaktəQalıq filiz ehtiyatı təqribən 1350 milyon t-dur; o cümlədən mis 8,5 milyon t (filizdəki miqdarı 0,67%), qızıl 330 t (0,36 q/t-adək), gümüş 3 min t (təqribən 2,8 q/t), molibden 400 min t (0,03%-ədək). Tektonik cəhətdən mütəhərrik Şimali Amerika Kordilyer dağlarının Cənubi Qayalı dağlar meqazonasının şəhər hissəsi ilə əlaqədardır. Yataq mis-porfir tiplidir; Üst Karbonun kvarsit və əhəngdaşılarını yarmış Orta Paleogenin qranitoid ştoklarında lokallaşmışdır. Filiz kütləsi çevrilmiş kasa formasındadır; planda ölçüləri 2,1x1,5 km-dir, qalın divarları təqr. 2,5 km-dək dərinliyə batır. İlkin kvarslı-sulfidli filizlər pirit, bornit, diagenit, xalkopirit, pirrotin, molibdenit, qızıl və palladium<un nadir minerallarından ibarətdir; hər il 150 kq-adək Pd çıxarılır. 1904-cü ildən bu günədək 13 mln. t Cu, təqribən 520 t Au, 4 min t Ag və 530 min t Mo hasil edilmişdir.[2]
İstinadlar
redaktə- ↑ 1 2 Geographic Names Information System (ing.). 2018.
- ↑ 1 2 3 Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 51. ISBN 978-9952-441-03-1.