Bolqarıstan–Qazaxıstan münasibətləri

Qazaxıstan-Bolqarıstan münasibətləri
Qazaxıstan-Bolqarıstan münasibətləri
Qazaxıstan	Bolqarıstan

Qazaxıstan-Bolqarıstan münasibətləri — Qazaxıstan və Bolqarıstan arasında iki tərəfli münasibətlər. İki tərəfli əlaqələr 5 iyun 1992-ci ildə qurulmuşdur. XX əsrin 90-cı illərinin əvvəllərinə qədər Qazaxıstan Sovet İttifaqının tərkibində bir respublika, Bolqarıstan isə xalq respublikası idi və Şərq blokunun bir hissəsini təşkil edirdi. Bu gün ölkələr BMT, ATƏT, ÜTT kimi bir sıra beynəlxalq strukturlarda iştirak edirlər. Hər iki ölkə beynəlxalq təşklatlar səviyyəsində bir-biri ilə əməkdaşlıq edir.

Tarix

Bolqarıstanın Qazaxıstandakı səfirliyi 1994-cü ilin yanvarında fəaliyyətə başlayır. Qazaxıstanın Bolqarıstandakı diplomatik nümayəndəliyi 2004-cü ilin dekabrında qurulmuşdur.

Bolqarıstan Respublikasının ilk Prezidenti Jelyu Jelev 1993-cü ilin iyul ayında Qazaxıstana rəsmi səfər edir. Nursultan Nazarbayevin Bolqarıstanın paytaxtına cavab səfəri 1999-cu ilin sentyabrında baş tutur. Bolqarıstanın ikinci Prezidenti Georgi Pırvanov 2003-cü ilin sentyabrında və 2010-cu ilin dekabrında Astanaya rəsmi səfərlər edir. İki dövlətin xarici işlər nazirlikləri arasında siyasi məsləhətləşmələr mütəmadi olaraq aparılır.

2009-cu ilin avqust ayından etibarən Qazaxıstan Respublikasının Bolqarıstan Respublikasındakı müvəqqəti işlər vəkili Temirtay İzbastindir^[1]. 2015-ci ilin mart ayında Vasil Petkov Qazaxıstanda Bolqarıstan Respublikasının müvəqqəti işlər vəkili təyin edilir^[2].

İqtisadi əməkdaşlıq

Bolqarıstan kapitalının iştirakı ilə 55-dən çox müəssisə Qazaxıstanda qeydiyyata alınmışdır. Qazaxıstan kapitallı 35 şirkət Bolqarıstanda qeydiyyatdan keçib. 2013-cü ildə Bolqarıstan ilə Qazaxıstan Respublikası arasında ticarət dövriyyəsi 163,5 milyon ABŞ dolları təşkil etmişdir. Bolqarıstanın Qazaxıstandakı səfirinin sözlərinə görə, 2014-cü ildə ölkələr arasında ticarət dövriyyəsi 100 milyon avrodan çox olmuşdur^[3].

Qazaxıstandakı bolqarlar

Bolqarlar XX əsrdə müasir Qazaxıstan ərazisində yerləşməyə başladılar. Bəziləri İosif Stalinin dövründə oraya köçürülmüşdür. Bu gün burada dörd min bolqar yaşayır. Böyük bolqar diasporları Pavlodar, Aktöbe, Atıra vilayətlərindədir. Qazaxıstanda bolqarların milli ənənələrini və mədəniyyətini qorumaq və 1995-ci ildə Qazaxıstandakı dövlət mədəni tədbirlərində iştirak etmək üçün Bolqarıstan Mədəniyyət Mərkəzi qurulmuşdur^[4].

Qazaxıstanın Bolqarıstandakı səfirləri

Timur Urazaev (2004-08)
Serjan Abdıkərimov (2008-09)
Temirtay İzbastin (2009-indiyə qədər)

Bolqarıstanın Qazaxıstandakı səfirləri

Stoyan Rizov
Nikola Filçev
Vasil petkov

İstinadlar

↑ "Ръководство". Посольство Казахстана в Болгарии. 2016-07-30 tarixində arxivləşdirilib. İstifadə tarixi: 2016-01-14.
↑ "Участие в церемонии принятия верительных грамот". Официальный сайт президента Республики Казахстан. 18 марта 2015 года.^{[ölü keçid]}
↑ "Посол Болгарии: В 2015 году товарооборот с Казахстаном вырастет на 20%".^{[ölü keçid]}
↑ "Под единым шаныраком: Более 100 лет на казахстанской земле живут болгары". bnews.kz. 2016-10-30 tarixində arxivləşdirilib.

[1] "Ръководство". Посольство Казахстана в Болгарии. 2016-07-30 tarixində arxivləşdirilib. İstifadə tarixi: 2016-01-14.

[2] "Участие в церемонии принятия верительных грамот". Официальный сайт президента Республики Казахстан. 18 марта 2015 года.^{[ölü keçid]}

[3] "Посол Болгарии: В 2015 году товарооборот с Казахстаном вырастет на 20%".^{[ölü keçid]}

[4] "Под единым шаныраком: Более 100 лет на казахстанской земле живут болгары". bnews.kz. 2016-10-30 tarixində arxivləşdirilib.

[1]

[2]

[3]

[4]