Boqenşperk qəsri

Boqenşperk qəsri (sloven. Grad Bogenšperk, alm. Schloss Wagensperg‎) ― Sloveniyada yerləşən 16-cı əsrə aid qəsr. Tikili, London Kral Cəmiyyətinin əməkdaşı, 17-ci əsr alimi və təbiətşünası Yanez Vaykard Balvazor ilə əlaqəsi səbəbilə daha çox tanınır.

Boqenşperk qəsri
Ümumi məlumatlar
Memarlıq üslubu	İntibah dövrü
Ölkə	Sloveniya
Koordinatlar	46°01′26″ şm. e. 14°51′29″ ş. u.
Vikianbarda əlaqəli mediafayllar

Memarlıq

412 m yüksəkliyindəki alçaq bir təpədə yerləşən intibah dövrünə aid qəsr tamamilə bərpa edilmiş və Sloveniyanın əhəmiyyətli bir mədəniyyət abidəsi olaraq siyahıya alınmışdır. Üç mərtəbəli qəsr dörd qülləni birləşdirən və daxili həyəti əhatə edən bir neçə dövrə aid dörd hissədən ibarətdir. Qəsrin ən qədim hissəsi əvvəllər müstəqil istehkam olmuş şimal qülləsidir.

Tarix

Qəsr ehtimal ki, qəzalı vəziyyətdə olan və 1511-ci ildə baş verən güclü zəlzələ nəticəsində ciddi şəkildə zədələnmiş Lixtenberk qəsrinin əvəzi olaraq Vaqen ailəsi tərəfindən inşa edilmişdir.

1630-cu ildə ailənin son üzvü olan Yuriy Vaqenin öldü. Bundan sonra qəsr 1672-ci ildə Yanez Vaykard Balvazor tərəfindən alınana qədər bir neçə sahib dəyişmişdir. Bu dövrdə hərtərəfli şəkildə təmir edilmiş qəsr, qrafika studiyası, kitabxana və mətbəə ilə təchiz edilmişdir.

Balvazor "Krayna hersoqluğunun şöhrəti " kitabının nəşrinin xərclərinin çox olması səbəbilə əvvəlcə qiymətli kitabxanasını, 1692-ci ildə isə əmlaklarını satmaq məcburiyyətində qaldı. O və ailəsnin qəsri tərk etməsi ilə qəsr yenidən bir neçə sahib dəyişdirmiş və bunlardan sonuncusu 1943-cü ildə qəsrdən imtina edən Vindişqrets ailəsi olmuşdur. Daxili əşyaları dağıdısa və ya talan edilsə də qəsr özü müharibədən sağ çıxmış və dərhal sonra hərbi xəstəxanaya çevrilmişdir. Tikili daha sonra 1957-ci ildən bəri burada əsaslı təmir işləri aparan Yezuitlər tərəfindən işğal edilmişdir. 1972-ci ildə qəsrdə ilk başlarda incəsənət tarixçisi Milan Jeleznikin rəhbərlik etdiyi yenidənqurma işləri başlamışdır.

Muzey

Yenilənmiş tikililər indi muzey kimi fəaliyyət göstərir və burada eksponatlar və kolleksiyalar mövcuddur. Qəsrin birinci mərtəbəsində həmçinin şadlıq sarayı və restoran da mövcuddur. Qəsr ətrafındakı ərazilər isə park olaraq fəaliyyət göstərir.

Mənbə

• bogensperk.si — Rəsmi saytı (ing.)
• gremoVEN.com - Bogenšperk (ing.)