Vikipediya

Boryana Straubel

Boryana Dineva Straubel (25 may 1983, Bolqarıstan – 19 iyun 2021[1]) — ABŞ-a mühacirət etmiş bolqar biznesmen və xeyriyyəçi.[2] O, ətraf mühitin davamlılığı istiqamətində fəaliyyət göstərən bir ailə fondunu idarə etmiş, metalların təkrar emalı yolu ilə ekoloji davamlılığı təşviq edən Generation Collection adlı zərgərlik şirkəti qurmuşdur.[2][3][4][5][6] Straubel elektrikli avtomobil şirkəti Tesla-da insan resursları üzrə menecer olub.[2] O, 2013-cü ildə Tesla-nın icraçı direktoru Cefri Straubel ilə evlənmişdir.[2] Boryana Starubel 2015-ci ildə bir il müddətinə Vikimedia Fondunun insan resursları üzrə vitse-prezidenti olub.[2] Straubel 2021-ci ilin iyun ayında Nevada ştatında velosipedlər üçün nəzərdə tutulmuş zolaqda velosiped sürərkən bir avtomobil mərkəz xəttini keçərək onu vurmuş və o, hadisə yerində həlak olmuşdur.[2][7]

Boryana Straubel
Doğum tarixi 25 may 1983(1983-05-25)
Doğum yeri
Vəfat tarixi 19 iyun 2021(2021-06-19)[1] (38 yaşında)
Həyat yoldaşı
Fəaliyyəti icraçı direktor, xeyriyyəçi

Erkən həyat və təhsili

redaktə

Boryana Dineva Bolqarıstanda anadan olub. O, tək ana tərəfindən böyüdülmüşdür.[8] 1989-cu ildə Berlin divarı yıxıldıqdan sonra onun ailəsi Almaniyaya köçüb və orada bir neçə ay qaçqın düşərgəsində yaşayıb.[2] Onlar daha sonra Avstriya və Rusiyada yaşamışdır.[2] Dineva riyaziyyata həvəsli idi. O, utancaq idi və dostları ilə gəzməkdənsə internetdə gəzinməyi üstün tuturdu. Dineva 2005-ci ildə ABŞ-yə köçüb.[2]

Dineva Silikon Vadisindəki San-Mateo Kollecində təhsil alıb və oradan 2008-ci ildə məzun olub. O, Kaliforniya Universitetində oxumuş, burada İqtisadiyyat üzrə bakalavr dərəcəsi almışdır.[2] Straubel 2019 və 2020-ci illərdə Stanford Universitetində İdarəetmə Elmləri və Mühəndislik üzrə Magistr dərəcəsi və MBA dərəcəsi əldə etmişdir.[3]

Karyera

redaktə

Straubel proqram təminatı şirkəti olan Brocade-da hesab meneceri vəzifəsində işləyib.[2] O, 2011-ci ildən 2015-ci ilə qədər Tesla-da insan resursları, əməliyyatlar və məlumat təhlili sahələrində fəaliyyət göstərib. Bu dörd il yarımlıq müddət ərzində işçilərin sayı şirkətin böyüməsi səbəbindən 600-dən 13 000-ə qədər yüksəlib. Straubel şirkətdə insan resursları analitikası, informasiya sistemləri və əməliyyatlar üzrə qruplara rəhbərlik edirdi.[9] O, şirkətdəki insanların analitik potensialının yaradılmasında və böyüməni dəstəkləmək üçün data əsaslı təşkilati strukturun hazırlanmasında mühüm rol oynamışdır.

2015–2016-cı illərdə Straubel Vikimedia Fondunun insan resursları üzrə vitse-prezidenti olub. O, Vikimedia Fondunun istedad və mədəniyyət funksiyasına, o cümlədən istedadların əldə edilməsi, təşkilati təlim və inkişaf, istedadların idarə edilməsi və insanların analitikasına nəzarət edirdi.[10]

Straubel 2016-cı ilin martından 2017-ci ilin iyuluna qədər Tesla-da proqram direktoru olub. O, Tesladan Stenford Universitetində təhsil almaq üçün ayrılmış və universitetdəki təhsilinin 2020-ci ildə bitirmişdir.

Straubel fondu

redaktə

Straubel Fondunun məqsədi ekoloji cəhətdən daha davamlı gələcəyə keçidi sürətləndirməyə kömək etməkdir. Fondun prezidenti 2015-ci ildən Cefri Straubeldir. Boryana Straubel 2021-ci ildə vəfat edənə qədər fondun icraçı direktoru olub. Straubel Fondu liderlik, investisiyaya təsir və təhsilə diqqətə fokuslanıb.[11]

Şəxsi həyatı və ölümü

redaktə

Boryana Divana 3 avqust 2013-cü ildə Cefri Straubel ilə evlənmiş və onlar Kaliforniyanın Vudsayd şəhərində yaşamışdır.[12] 2015-ci ildə onların əkiz uşaqları dünyaya gəlib.[13] Cefri Straubel 2019-cu ilin iyul ayında Tesla-dakı texniki direktor vəzifəsini tərk etmiş və onlar Nevadaya köçmüşdürlər.

Straubel 19 iyun 2021-ci ildə velosiped sürərkən ikiqat sarı xətti keçən avtomobil tərəfindən vurularaq ölmüşdür.[14][15][16] Avtomobilin sürücüsü sənədsiz olmuşdur.[17] Sürücü maksimum altı il həbs cəzası nəzərdə tutulan ağır cinayət olan "ölümə və ya ciddi bədən xəsarətinə səbəb olan ehtiyatsız sürücülük" ittihamı üzrə törtədiyi əməli boynuna alıb.[18]

İstinadlar

redaktə
  1. ↑ 1 2 https://www.rgj.com/story/news/2021/06/19/fatal-crash-washoe-valley-kills-bicyclist-closes-u-s-395-a/7754824002/.
  2. ↑ 1 2 3 4 5 6 7 8 9 10 11 Penelope Green. "Boryana Straubel, 38, Dies; Founded a 'Green' Jewelry Company: A former Tesla executive, she ran a family foundation that focuses on environmental sustainability". The New York Times (ingilis). July 1, 2021. July 1, 2021 tarixində arxivləşdirilib. İstifadə tarixi: July 5, 2021.
  3. ↑ 1 2 Elizabeth Paton. "Does Recycled Gold Herald a Greener Future for Jewelry? Boryana Straubel, founder of Generation Collection, calls recycled gold a way to clean up electronic waste — and a canny investment". The New York Times (ingilis). April 23, 2021. July 3, 2021 tarixində arxivləşdirilib. İstifadə tarixi: July 5, 2021.
  4. ↑ Staff writer. "Introducing: Generation Collection" (ingilis). Yahoo! Finance. March 4, 2021. July 9, 2021 tarixində arxivləşdirilib. İstifadə tarixi: July 5, 2021.
  5. ↑ Terell Wilkins and Chelcey Adami. "UPDATE: Cyclist killed in crash on U.S. 395A ID'd as 38-year-old Washoe Valley resident" (ingilis). Reno Gazette Journal. June 19, 2021. İstifadə tarixi: July 5, 2021.
  6. ↑ Rachel Cernansky. "Jewellery's sustainable future: Recycled gold: A new startup positions recycled gold as an investment strategy as well as a fashion statement, hinting at a possible future for sustainable jewellery" (ingilis). Vogue Business. March 4, 2021. July 9, 2021 tarixində arxivləşdirilib. İstifadə tarixi: July 5, 2021.
  7. ↑ Terell Wilkins and Chelcey Adami. "UPDATE: Cyclist killed in crash on U.S. 395A ID'd as 38-year-old Washoe Valley resident" (ingilis). Reno Gazette Journal. June 19, 2021. İstifadə tarixi: July 5, 2021.
  8. ↑ "Why 24k Gold?" (ingilis). Generation Collection. 13 September 2021. 13 January 2022 tarixində arxivləşdirilib. İstifadə tarixi: 12 January 2022.
  9. ↑ "Boryana Straubel" (ingilis). Stanford Graduate School of Business. 13 January 2022 tarixində arxivləşdirilib. İstifadə tarixi: 12 January 2022.
  10. ↑ Maher, Katherine. "Wikimedia Foundation welcomes Boryana Dineva as Vice President of Human Resources" (ingilis). Wikimedia Foundation. 5 October 2015. 19 January 2022 tarixində arxivləşdirilib. İstifadə tarixi: 12 January 2022.
  11. ↑ "Founders" (ingilis). Straubel Foundation. 13 January 2022 tarixində arxivləşdirilib. İstifadə tarixi: 12 January 2022.
  12. ↑ "Crusader Connection Winter 2015" (ingilis). Edgewood High School Magazine. 3 May 2017. 14 July 2021 tarixində arxivləşdirilib. İstifadə tarixi: 14 August 2020.
  13. ↑ Straubel, Boryana. "Human Resource Executive. July/August 2014" (ingilis). Instagram. 19 April 2023 tarixində arxivləşdirilib. İstifadə tarixi: 13 September 2021.
  14. ↑ "NHP Identifies Bicyclist Killed in Crash on U.S. 395A Saturday Morning" (ingilis). 2 News. 19 June 2021. 17 September 2021 tarixində arxivləşdirilib. İstifadə tarixi: 12 January 2022.
  15. ↑ Bureau, Nevada Appeal Capitol. "Washoe Valley woman killed in cycling crash" (ingilis). www.nevadaappeal.com. 2023-12-09 tarixində arxivləşdirilib. İstifadə tarixi: 2024-05-08.
  16. ↑ Wilkins, Terell. "Cyclist killed in crash on U.S. 395A ID'd as 38-year-old Washoe Valley resident" (ingilis). Reno Gazette Journal. 19 June 2021. İstifadə tarixi: 12 January 2022.
  17. ↑ Hart, Joe. "Ask Joe: Why no vehicular manslaughter charge in deadly Washoe Valley crash?". KRNV (ingilis). 2021-09-21. 2022-03-08 tarixində arxivləşdirilib. İstifadə tarixi: 2022-03-08.
  18. ↑ Hart, Joe. "Ask Joe: Guilty plea entered in deadly Washoe Valley crash". KRNV (ingilis). 2022-01-20. 2023-05-18 tarixində arxivləşdirilib. İstifadə tarixi: 2023-05-18.
Mənbə — "https://az.wikipedia.org/w/index.php?title=Boryana_Straubel&oldid=7619484"