Vikipediya

Brayan Sims

Brayan Kendall Sims (ing. Brian K. Sims; 16.9.1978 — Pensilvaniya Nümayəndələr Palatasının 182-ci bölgəsindən olan ABŞ Demokrat Partiyasının üzvü. 2012-ci ildə nümayəndə qismində seçilmiş Brayan Sims, eyni zamanda vəkil və LGBT vətəndaş hüquqlarının müdafiəçisi kimi də aktiv fəaliyyət göstərir[1]. Bundan başqa, Sims Pensilvaniya tarixində qanunverici məclisə seçilmiş ilk açıq homoseksual üzvdür[2].

Brayan Sims
Brian Sims
Pennsilvanya Nümayəndələr Palatasında 182-ci bölgədən seçilmiş Demokrat Partiyasının üzvü
Pennsilvanya Nümayəndələr Palatasında 182-ci bölgədən seçilmiş Demokrat Partiyasının üzvü
Şəxsi məlumatlar
Doğum tarixi 16 sentyabr 1978(1978-09-16) (46 yaş)
Doğum yeri
Partiya
Təhsili Pensilvaniya Blommsburq Universiteti, Miçiqan Universitetinin Hüquq Kolleci
İxtisası Hüquq
Fəaliyyəti vəkil, siyasətçi
sims4pa.com
Vikianbarın loqosu Vikianbarda əlaqəli mediafayllar

Həyatı və karyerası

redaktə

Sims Vaşinqton şəhərində, iki ordu üzvü olan podpolkovnik ailəsində anadan olmuşdur[3]. Pensilvaniya ştatına 1990-cı ildə köçməzdən öncə, Brayan Sims düz yeddi ayrı ştatda yaşamışdır[4]. Magistratura təhsilini 2000-ci ildə Blommsburq Universitetində tamamlayan Sims, 2001-ci ildən həmin Universitetin nəzdində yaradılmış futbol komandasının ikinci kapitanı olmuş və alim-idmançı kimi məşhurlaşmışdır[5]. Universitetin ikinci kursunda təhsil alarkən, Sims II divizionun ən uzun mövsümü zamanı komanda yoldaşlarına homoseksual olduğunu açıq şəkildə etiraf edir[6]. Bunun nəticəsində o, NCAA (Milli Tələbə İdmanı Assosiasiyası) və regional All-American turnirinin kapitanı kimi, turnir tarixinin yeganə açıq homoseksual kimliyə sahib kollec futbol kapitanı olur[6].

2004-cü ildə Miçiqan Universitetinin hüquq fakültəsində oxuyarkən, Sims beynəlxalq və müqayisəli hüquq sahəsində Hüquqşünaslıq Doktoru (ing. Juris Doctor) dərəcəsini almışdır.

Dövlət aparatında işləməzdən öncə, Sims Filadelfiyada yerləşən Siyasət və Planlaşdırma Təşkilatı üçün personal müşavir kimi fəaliyyət göstərmişdir[7]. O, bu vəzifədə vəkil, hüquqşünas və yerli ictimaiyyətçilərlə birlikdə başlanğıcda əmlak və cinsi ayrı-seçkilik məsələləri ilə daha sonra isə təbiət mühafizəsi kimi müxtəlif xarakterli bir sıra hüquqi problemlər üzərində çalışmışdır.

Fəallığı və dövlət vəzifəsinə seçkisi

redaktə

Brayan Sims Equality Pennsylvania (Pensilvaniyada bərabərlik) adlı qurumun prezidenti və Filadelfiya Gey və Lezbiyan Vəkillər Birliyinin (GALLOP) sədri kimi öz vəzifəsini yerinə yetirdi, lakin 2011-ci ildə o, hər iki vəzifədən istefa etməyə məcbur olur. Sims təhsilini davam etdirmək və gələcəkdə mütərəqqi siyasi dəyişikliklərə imza atmaq arzusu ilə, eyni zamanda Mütərəqqi Liderlik Mərkəzinə (bura xüsusi lider kadrların hazırlanması ilə məşğul olan qeyri-kommersiya təşkilatıdır) və Milli Gey & Lezbiyan Qələbə Fondu adlı ABŞ-nin siyasi fəaliyyət komitəsinə üzv olur. Təhsil zamanı əldə etdiyi uğurları münasibətilə, o, 2010-cu ildə Milli LGBT Assosiasiyası tərəfindən tərtib edilmiş ABŞ-nin 40 ən perspektivli gey və lezbiyan hüquqşünası adlı siyahıda birinci yeri tutmuşdur[8].

2011-ci ildə Filadelfiya şəhər mərkəzini və Cənubi Filadelfiya bölgəsini təmsil edən Sims, 182-ci dairə üçün Pensilvaniya Nümayəndələr Palatasında keçirilən seçkilərdə öz namizədliyini irəli sürmək niyyətini bəyan etmişdir[4][9]. 2012-ci ilin noyabr ayında keçirilən parlament seçkiləri nəticəsində respublikaçılar Filadelfiyada məğlubiyyətə uğradılar[10]. Buna görə də, səsvermənin ilkin yekunları üzrə Brayan 182-ci dairədən olan demokrat partiya nümayəndəsi, 28 yaşlı Babetta Cozefsi keçərək nəhayət Nümayəndələr Palatasına üzv olmuşdur.

Sims Pensilvaniya Baş Assambleyasına seçilən ilk açıq gey şəxs idi[11]. Pensilvaniya ştatı təmsilçilərinin xidmət müddəti və qanunvericilik vəzifələri dekabrın ilk günü rəsmən başladığından, onun andiçmə mərasimi 2013-cu il yanvarın 1-dək uzadılmışdır[12]. Bundan başqa Brayan Sims Pensilvaniyanın Hantinqton dairəsindən seçilmiş Mayk Flek kimi homoseksual qanun qoruyucusu idi və həmin gün nəşr olunan bir neçə qəzetdə uzun bir məqalə mövzusuna çevrilmişdir[13].

Pensilvaniya ştatının Nümayəndələr Palatası

redaktə

2013-cü ilin iyununda Ali Məhkəmə tərəfindən nikahı müdafiə edən qanun kanstitusion hesab edilmədikdən sonra Sims Pensilvaniya evində qərarı dəstəkləyən nitq söyləməyə cəhd etdi. Nitq söyləməsi üçün Brayana təzyiq etməyən azsaylı təmsilçilərdən biri olan Deril Metkalf deyir ki, "Mən inanıram ki, bu hakimiyyət orqanının üzvü kimi, kimisə, son hesabda Tanrının sözünə və Tanrının hökmünə qarşı çıxacaq şərhlər səsləndirməyə məcbur etməməliyik"[14].

Bərabərlik və vətəndaş hüquqlarının qorunmasının tərəfdarı olan Sims, 3 oktyabr 2013-cü ildə Demokratlar partiyasından olan həmkarı Stiv MakKarterlə birlikdə Pensilvaniyada eynicinsli nikahların rəsmiləşdirilməsi təklifi ilə çəxəş etdilər[15]. Həmçinin Sims, Erin Molçani ilə birlikdə əmək haqqının həcmində gender fərqini azaltmağa və ləğv etmək və həmçinin Cerald Mülleri ilə birlikdə utandırıcı reparativ terapiya təcrübəsinin qadağan edilməsi üçün qanun layihəsi hazırlayaraq təqdim etmişdir[16][17].

...Təxminən iki saat əvvəl mən nikah bərabərliyi ilə bağlı xoş bir qanun layihəsi üzərində işi tamamladım və baxılması üçün onu təqdim etməyə hazırlaşıram...

— Simsin Philadelphia Weekly qəzetinə verdiyi intervyudan olan fraqment[18]

Sims həmçinin LGBT vətəndaş hüquqları məsələləri üzrə federal qanunvericiləri ilə işində uğur görürdü[18]. O, 28 mart 2013-cü ildə ABŞ Senatoru və Pensilvaniya ştatından olan demokrat Bob Keysiyə açıq məktub yazaraq, onu eynicinsli nikahların rəsmiləşdirilməsi üzrə açıq çıxış etməyi çağırmışdır[19]. Üç gün sonra, yəni 2013-cü il aprelin 1-də senator Keysi qəzetlərin birinə verdiyi müsahibəsində eynicinsli nikahları açıq şəkildə dəstəklədiyini bildirmişdir[20].

Səkkiz ay sonra, yəni 1 noyabr 2013-cü ildə ABŞ Senatında (ENDA) məşğulluq məsələləri üzrə Qanunun qeyri ayrı-seçkilik haqqında keçiriləcək səsvermə ərəfəsində, Sims ABŞ-nin respublikaçı senatoru Pet Tumiyə məktub göndərərək, onu qanunvericilikdə LGBT vətəndaş hüquqlarının xeyrinə səs verməsini xahiş etmişdir[21]. Bir neçə gün sonra qanun səsverməyə çıxarılır və senator Tumi bu qanun layihəsinin lehinə səs verir[22].

Bundan əlavə o qeyd edir ki, yaxın zamanda Ali Məhkəmənin nikahı müdafiə edən və Kaliforniyanın homofob düzəlişini neytrallaşdıran qərarı "alov yandırmağa kömək edib" və nəticədə onun bir çox kolleqaları məhz bu dəqiqə bu qanun layihəsinə səs verməyə hazırdılar[23]. Qanun layihəsinə izahedici qeyddə deyilir ki, nikah "iki insan arasında mülki-hüquqi birliyi kimi yenidən müəyyənləşdiriləcək", lakin bu dəfə qanunda bu iki insanın mütləq kişi və qadın olması göstərilməyəcək. Sims bununla belə, eynicinsli cütlüklər üçün kilsə nikahını yerinə yetirməkdən imtina edən dini təşkilatların sanksiyalara məruz qalmayacaqlarını bildirmişdir. Beləliklə, Sims-Makkarterin qanun layihəsi ştatın Nümayəndələr Palatasında təqdim olunmuş nikah bərabərliyi haqqında ilk sənəddir. Bundan öncə, legislaturanın digər üzvü sayılan Mark Koen "eynicinsli mülki partnyorluq" qanun layihəsini irəli sürmüşdür.

11 noyabr 2013-cü ildə Sims respublikaçı dövlət nümayəndəsi Brayan Katler ilə birlikdə Pensilvaniya hakimlərinin xidmətlərə əsaslanan seçim sistemlərini əvəz edən qanun layihəsini tərtib etmişdilər[24]. O, partiyalararası əməkdaşlığın, eləcə də Demokrat və Respublika partiyalarının qarşılıqlı birliyin tərəfdarı olduğuna görə ictimaiyyətin diqqətini cəlb etmişdir[25].

İstinadlar

redaktə
  1. ↑ "The Center For Progressive Leadership. Retrieved 2011-12-5". Progressiveleaders.org. 2012-04-26 tarixində orijinalından arxivləşdirilib. İstifadə tarixi: December 27, 2011.
  2. ↑ Wing, Nicholas. "Pennsylvania Set To Elect First Openly Gay State Lawmaker". Huffington Post. April 26, 2012. March 3, 2016 tarixində arxivləşdirilib. İstifadə tarixi: August 21, 2015.
  3. ↑ "Family Portrait Brian Sims". The Philadelphia Gay News. October 6, 2011 tarixində arxivləşdirilib. İstifadə tarixi: December 27, 2011.
  4. ↑ 1 2 "Sims to challenge Babette Josephs in 182nd Dist". The Philadelphia Gay News. October 6, 2011 tarixində arxivləşdirilib. İstifadə tarixi: December 27, 2011.
  5. ↑ Zeigler, Cyd. "Brian Sims tells his story nine years later". Outsports.com. August 24, 2011. January 18, 2013 tarixində orijinalından arxivləşdirilib. İstifadə tarixi: December 27, 2011.
  6. ↑ 1 2 "Former college football captain was openly gay". Outsports.com. September 6, 2015 tarixində arxivləşdirilib. İstifadə tarixi: December 27, 2011.
  7. ↑ "Rep. Brian K. Sims' Home Page". Pahouse.com. November 27, 2014 tarixində arxivləşdirilib. İstifadə tarixi: June 29, 2014.
  8. ↑ "Sims For Pennsylvania: About Brian Sims". Sims4pa.com. October 2, 2014 tarixində orijinalından arxivləşdirilib. İstifadə tarixi: December 27, 2011.
  9. ↑ "Brian Sims announces candidacy for Pennsylvania's 182nd House District". Sims4pa.com. 2011-09-08. 2012-04-26 tarixində orijinalından arxivləşdirilib. İstifadə tarixi: 2011-12-27.
  10. ↑ "Brian Sims breaks the mold, unseats a long-time incumbent — NewsWorks". Newsworks.org. April 24, 2012. November 29, 2014 tarixində orijinalından arxivləşdirilib. İstifadə tarixi: February 2, 2013.
  11. ↑ "Gay Politics — Pennsylvania to get first openly gay state legislator". Gaypolitics.com. April 24, 2012. December 17, 2013 tarixində orijinalından arxivləşdirilib. İstifadə tarixi: February 2, 2013.
  12. ↑ Pennsylvania Constitution, Article II, Section 2 http://sites.state.pa.us/PA_Constitution.html Arxivləşdirilib 2017-08-06 at the Wayback Machine
  13. ↑ "Republican State Rep. Mike Fleck: I'm Gay". Politicspa.com. 2012. October 24, 2015 tarixində arxivləşdirilib. İstifadə tarixi: December 1, 2012.
  14. ↑ Reilly, Mollie. "Brian Sims, Pennsylvania Lawmaker, Silenced On DOMA By Colleagues Citing 'God's Law'". Huffington Post. June 27, 2013. November 23, 2017 tarixində arxivləşdirilib. İstifadə tarixi: June 29, 2013.
  15. ↑ Artavia, David. "Rep. Brian Sims to Introduce Marriage Bill in Pennsylvania". Advocate.com. June 27, 2013. November 27, 2014 tarixində arxivləşdirilib. İstifadə tarixi: June 29, 2014.
  16. ↑ "Bill Information - House Bill 1811; Regular Session 2013-2014 - PA General Assembly". Legis.state.pa.us. September 6, 2014 tarixində arxivləşdirilib. İstifadə tarixi: June 29, 2014.
  17. ↑ "House Co-Sponsorship Memoranda - PA House of Representatives". Legis.state.pa.us. November 25, 2013. September 5, 2014 tarixində arxivləşdirilib. İstifadə tarixi: June 29, 2014.
  18. ↑ 1 2 Jonathan Tamari. "Gay PA Rep. praises Toomey, Casey". Philly.com. December 18, 2014 tarixində arxivləşdirilib. İstifadə tarixi: June 29, 2014.
  19. ↑ Sims, Brian. "The Time Is Now: An Open Letter to a U.S. Senator". Huffington Post. March 28, 2013. March 7, 2016 tarixində arxivləşdirilib. İstifadə tarixi: August 24, 2015.
  20. ↑ Colby Itkowitz, Call Washington Bureau. "Bob Casey support for gay marriage - Morning Call". Articles.mcall.com. April 1, 2013. December 17, 2013 tarixində orijinalından arxivləşdirilib. İstifadə tarixi: June 29, 2014.
  21. ↑ Siddiqui, Sabrina. "Openly Gay Lawmaker Calls On Pat Toomey To Back ENDA". Huffington Post. November 1, 2013. February 1, 2016 tarixində arxivləşdirilib. İstifadə tarixi: August 24, 2015.
  22. ↑ "Toomey Votes For ENDA". PoliticsPA. November 7, 2013. November 26, 2014 tarixində arxivləşdirilib. İstifadə tarixi: June 29, 2014.
  23. ↑ "Законопроект о равенстве брака готов в Пенсильвании". Радужные новости. 2 июля 2013. 2018-04-04 tarixində arxivləşdirilib. İstifadə tarixi: 2015-08-24.
  24. ↑ "On its merits: A new bill offers sense on judicial elections - Pittsburgh Post-Gazette". Pittsburgh Post-Gazette. November 18, 2013. December 17, 2013 tarixində arxivləşdirilib. İstifadə tarixi: August 24, 2015.
  25. ↑ "Liberal Sims has this conservative's respect". Philly.com. October 18, 2013. October 20, 2013 tarixində arxivləşdirilib. İstifadə tarixi: June 29, 2014.

Xarici keçidlər

redaktə
Mənbə — "https://az.wikipedia.org/w/index.php?title=Brayan_Sims&oldid=7170377"