Brilliant Süleyman qızı Dadaşova (15 sentyabr 1965[1][2], Bakı, Azərbaycan SSR, SSRİ) — Azərbaycan müğənnisi, Azərbaycan Respublikasının əməkdar artisti (1998)[3]; Azərbaycan Respublikasının xalq artisti (2008)[4].

Brilliant Dadaşova
Brilliant Dadashova.jpg
Sənətçi məlumatları
Doğum tarixi 15 sentyabr 1965(1965-09-15) (55 yaş)
Doğum yeri
Vətəndaşlığı SSRİ SSRİ
Azərbaycan Azərbaycan
Türkiyə Türkiyə
Peşəsi müğənni, pianoçu[d], aparıcı[d]

Üslub pop-musiqi, estrada[d]
Ləqəbi Superstar Brilliant
Musiqi aləti piano, vokal
Fəaliyyət illəri 1983-cü ildən
Mükafatları "Azərbaycan Respublikasının xalq artisti" fəxri adı — 2008 "Azərbaycan Respublikasının əməkdar artisti" fəxri adı — 1998
Rəsmi veb saytı
Commons-logo.svg Vikianbarda əlaqəli mediafayllar

HəyatıRedaktə

Brilliant Dadaşova 15 sentyabr 1965-ci ildə Bakı şəhərində anadan olub. 1985-1990-cı illərdə Azərbaycan Dövlət Mədəniyyət və İncəsənət Universitetində təhsil alıb.

1983-cü ildən Brilliant Dadaşovanın səsi teatr tamaşalarında və radioda səsləndikdən sonra, 1985 ci ildə “Bir dəfə yaşayırıq” mahnısıyla professional sənətə ilk addımını atıb. 1985-ci ildə Brilliant Dadaşova Moskvada keçirilən XII Ümumdünya Gənclər Festivalında uğur qazandıqdan sonra, 1986-cı ildə Azərbaycan Dövlət Televiziya və Radiosu Estrada Simfonik Orkestrinin ən gənc solisti olaraq işə başlayıb.

1989-cu ildə İfa etdiyi “Bayatılar” mahnısı sonralar bütün dünya ulduzlarının dilində əzbər olub (hətta Sezen Aksu da həmin musiqini “Zalim” adı altında Türkiyədə ifa edib). 1995-ci ildə Moskvada “Zuleyxa” adlı klipi uzun müddət Rusiya telekanallarında birinci yerləri fəth edib. Sovet İttifaqı dağıldıqdan sonra Moskvada ilk solo-konserti olan sənətkar da məhz Brilliant Dadaşova olub.

1997-ci ildə Ulu Öndər Heydər Əliyev Brilliant Dadaşovanı respublikanın əməkdar artist adı ilə mükafatlandırıb.

2008-ci ildə Azərbaycan Respublikasının Prezidenti İlham Əliyev Brilliant Dadaşovanı xalq artisti titulu ilə mükafatlandırıb.

Afrikada Seneqalın Dakar şəhərində, Almaniyanın müxtəlif şəhərlərində, Avstriya, İsveç, Norveç, Hindistan, Macarıstan, Çexoslovakiya, Sankt Peterburq, Kanada, Amerikanın bir çox ştatları və başqa ölkələrdə Azərbaycan mədəniyyətini yüksək səviyyədə təmsil edən Brilliant Dadaşova Norveçin “Skruk” xoru ilə xalq mahnılarımızı ifa etmək üçün Osloya dəvət alıb. Norveç studiyalarında lentə alınan CD Avropa ölkələrində böyük rəğbətlə qarşılandıqdan sonra, 2005-ci ildə onu XX əsrin Nobel mükafatı almış siyasi və ictimai xadimlərinə həsr olunmuş CD-də oxumaq üçün yenidən Avropa səsyazma studiyalarına dəvət edirlər. Həmin CD-də Kofi Annan, Yasir Ərəfat, Tereza Ana, Dalay Lama və başqa nüfuzlu şəxslər, o cümlədən dünya ulduzlarıyla birlikdə Brilliant Dadaşovanın da musiqisi ilə sülhə çağırış səsləri yer alıb.

Sovet İttifaqı dağıldıqdan sonra Türkiyə Radio Televiziya Qurumu - TRT-yə ilk dəvət alan, Avrasiya üçün solo-konserti çəkilən, həm TV-lərdə yayımlanan klipləri, həm TRT orkestri ilə, həm də Türkiyənin bir çox şəhərlərində gözəl konsert proqramları ilə Azərbaycan mədəniyyətini yüksək səviyyədə təmsil etdiyi üçün hələ 1993-cü ilin əvvəllərində Türkiyə dövləti Brilliant Dadaşovaya təşəkkür rəmzi olaraq Türkiyə vətəndaşlığını, Türkiyə Cümhuriyyəti Pasportunu təqdim edib.

Turkcell kimi nüfuzlu şirkət müqavilə bağlayaraq, Brilliant Dadaşovanın bəstələdiyi musiqini 5 il öz reklam çarxında istifadə edib.

Türkiyədə Beyaz Show, Mehmet Ali Erbil, Alişan, Seda Sayan, TRT-də “Sayısal gecə”, türk müğənnisi Nükhet Duru, “Modern Folk Üçlüsü” türk pop musiqi qrupu, ustad bəstəkar və keçmiş millət vəkili Zülfü Livaneli, dünyaca məşhur, Sən gəlməz oldun ifası ilə sevilən balaban ustası Əlixan Səmədov və bir çox nüfuzlu şəxslərlə TV və radiolarda mahnıları səslənib, qəzetlərdə müsahibələri çap olunub.

Amerikada “Big Apple Music Awards” mükafatı ilə yanaşı, dünyanın bir çox ölkələrində müxtəlif mükafatlara layiq görülüb.

  • Brilliant Dadaşova 1988-ci İldən ailəlidir. Bır övladı var.

FilmoqrafiyaRedaktə

  1. Yaramaz (film, 1988)
  2. Kənar adamlar (film, 1992)
  3. Haray (film, 1993)
  4. Bir cənub kəndində (film, 1997)
  5. Əzizə Cəfərzadə (film, 1999)
  6. Dəvətnamə (film, 2003)

İstinadlarRedaktə

Xarici keçidlərRedaktə