Bulavayo

Bulavayo
Bulavayo
	Bulawayo
Bayraq	Gerb
	20°10′ c. e. 28°34′ ş. u.HGYO
Ölkə	Zimbabve;
Tarixi və coğrafiyası
Əsası qoyulub	1840
Sahəsi	1.706,8 km²;
Mərkəzin hündürlüyü	1.358 m
Saat qurşağı	UTC+02:00;
Əhalisi
Əhalisi	665.940 nəf. (2022);
Digər
	citybyo.co.zw
	Xəritəni göstər/gizlə Bulavayo
	Vikianbarda əlaqəli mediafayllar

Bulavayo (ing. Bulawayo) — Zimbabvenin cənub qərbində şəhər. Şimali Matabelelend əyalətinin inzibati mərkəzi eyni zamanda müstəqil əyalət statusu var.^[3]

Əhalisi

Əhalisi 706,5 min nəfərdir (əhalisinin sayına görə Hararedən sonra ölkənin ikinci şəhəri; 2006).^[3]

Coğrafiyası

Matabele platosunda, təqribən 1600 m yüksəklikdə yerləşir. Nəqliyyat qovşağı. Beynəlxalq aeroport. Bulavayo ndebele xalqının tarixi paytaxtıdır.

Tarixi

1884-cü ildə müstəqil Matabelelendin sonuncu ali başçısı Lobenqula tərəfindən salınmışdır. 1880-ci illərin sonu – 1890-cı illərin əvvəllərində müstəmləkə ağalığı uğrunda müharibənin gedişində ingilis qoşunları tərəfindən tamamilə dağıdıl mışdır. 1894-cü ildə avropalı mühacirlər köhnə Bulavayodan cənubda düzxətli planı, Viktoriya üsulbunda evləri olan şəhərin tikintisinə başladılar.^[3]

Memarlığı

Elm və texnologiya universiteti (1927) fəaliyyət göstərir. Şəhərdə Kütləvi (1896) və Milli (1943) kitabxanalar, təbiyyat tarixi (1901), dəmiryol (1972) muzeyləri, rəsm qalereyası, teatr mövcuddur. Xalq sənətkarlığı mərkəzidir. Hər il beynəlxalq ticarət yarmarkası keçirilir. Yeyinti, toxuculuq, əczaçılıq, dəri-ayaqqabı, kimya, ağacemalı sənayesi; maşınqayırma və metal emalı müəssisələri fəaliyyət göstərir. Mədənçıxarma rayonunun mərkəzidir (xromit, asbest, kömür, qızıl, qalay, mis, nikel). Bulavayonun 22 km-liyində yerləşən Son Dəmir dövrünə aid Khami yaşayış məskəninin xarabalıqları Ümumdünya irsi siyahısına daxil edilmişdir.^[3]