Buynovsk dərəsi

Buynovsk dərəsi (bolq. Буйновското ждрело, Ягодинско ждрело) — Bolqarıstanda, Rodop dağlarının qərbində yerləşən çay dərəsi. Dərə boyu eyni adlı Buynovsk çayı axır.

Buynovsk dərəsi
Буйновското ждрело, Ягодинско ждрело
Yüksəkliyi	1.090 m
Uzunluğu	16 km
Yerləşməsi
41°39′09″ şm. e. 24°20′24″ ş. u.
Ölkə	Bolqarıstan
Buynovsk dərəsi
Vikianbarda əlaqəli mediafayllar

Buynovsk çayı Vıça çayının sol qoludur. Dərə ölkənin Smolyansk vilayətinin ərazisində yerləşir.

Coğrafiyası

Dərənin uzunluğu təqribən 16 km, orta hündürlüyü 1090 metrdir. Buinovo kəndindən şimalda, dəniz səviyyəsindən 1307 metr yüksəklikdən başlayır, sonra şimala istiqamət alır və 16 km-dən sonra Teshel anbarında, dəniz səviyyəsindən 876 m yüksəklikdə bitir. Buynovsk dərəsi əsasən Proterozoy yaşlı mərmər süxurlarından ibarətdir. Məhs bu süxurların yaratdığı təbii gözəllik turistləri özünə cəlb edir. Dərənin ilk 7-8 km-lik hissəsi daha genişdir. Yaqodinski mağarasından və xüsusilə Yaqodina kəndindən sonra çox dar olur. Çay mərmər süxurları kəsib keçir və bir çox yerlərdə qayalar bir-birinə yaxınlaşır. Qayaların az qala toxunduğu yerlərə, yerli əhali "Qurd tullanışı" deyir. Yagodina kəndinin sakinləri deyirlər ki, qışda bu qayalardan qurd sürüləri ovuna hücum etmək üçün tullanırlar.

Buinovskoe dərəsi bir çox qorunan bitki və heyvan növlərinin müxtəlifliyi ilə də tanınır. 1971-ci ildən dərə təbiət abidəsi elan edilmişdir. Dərədən təxminən 4 km kənarda, çayın sağ sahilində Yaqodinsky mağarası, sağ sahildən bir az yüksəkdə isə İmamova dubka (çuxur) mağarası var. Dərə "Bolqarıstanın 100 turizm obyekit" milli turizm hərəkatının bir hissəsidir.

Dərə ilə Buynov və Kozhara kəndlərini birləşdirən, eləcə də ölkənin digər bölgələri arasında əlaqə yaradan yeganə yol keçir. Yol ensiz olub dar, bir zolaqlıdır.

Ədəbiyyat

• Мичев, Николай и др. Географски речник на България. София, Наука и изкуство, 1980. с. 68. (bol.)