Cəbəci Əhməd Paşa

Cəbəci Əhməd Paşa (ö. 1683) — IV Mehmed səltənətində müxtəlif vəzifələrdə xidmət edən Osmanlı dövlət xadimi, Misir bəylərbəyi.

Cəbəci Əhməd Paşa
Misir bəylərbəyi
27 avqust 1675 - 11 may 1676
(ləqəbi: Dəftərdar)
Sələfi Canpoladzadə Hüseyn Paşa
Xələfi Əbdürrəhman Abdi Paşa
Şəxsi məlumatlar
Vəfat tarixi
Vəfat yeri Budin əyaləti, Osmanlı imperiyası
Uşaqları Ömər Paşa
Cəbəcizadə Mehmed bəy

HəyatıRedaktə

Doğum tarixi haqqında məlumat yoxdur. Əslən İstanbullu olub, Çivizadə Mehmed Əfəndinin yanında təlim-tərbiyə edildikdən sonra öncə cəbəbcibaşı, daha sonra 1661-ci ildə baş dəftərdar oldu. 4 avqust 1665-ci ildə vəzir rütbəsi alaraq müxtəlif vəzifələrdə xidmət etdi. Ardından 27 avqust 1675-ci ildə bir neçə aydır boş olan Misir bəylərbəyliyinə təyin edildi. Ancaq sərt şəkildə vergi toplaması səbəbilə Misir əhalisi üsyan çıxardı və paşanı ələ keçirərək Qahirədə həbs etdi. İstanbuldan göndərilən 11 may 1676-cı il tarixli fərmanla vəzifəsindən azad edilərək geri çağırıldı. Çox keçmədən 1677-ci ilin martında Diyarbəkir bəylərbəyi oldu və bir il boyunca burada xidmət etdi. 1679-cu ildə Bosniya bəylərbəyi təyin edildi və Kamaniçe qalasının bərpası ilə vəzifələndirildi. 1682-ci ildə Timeşvar sancaqbəyi oldu. Bu vəzifədə ikən Mərzifonlu Mustafa Paşanın idarə etdiyi II Vyana mühasirəsinə qatıldı. Ancaq səfər əsnasında 1683-cü ildə əcəliylə vəfat etdi. Ömər Paşa və Mehmed bəy (ö. 1755) adlı 2 oğlunun olduğu məlumdur. Böyük oğlu Ömər Paşa 1726-cı ilin yanvarında bəylərbəyi ünvanıyla Adana valisi olmuşdur.

MənbəRedaktə

  • Sicill-i Osmani I, səh. 221