Cəlladlar (Makdonaldın romanı)
Cəlladlar (ing. The Executioners) — Con Dann Makdonald tərəfindən yazılmış və 1957-ci ildə nəşr olunmuş psixoloji triller saspens romanı. Əsərin məzmunu vəkilin həbs edilməsində töhfəsi olduğu cinayətkar tərəfindən təqib edilməsi və işgəncələrə məruz qalması ilə bağlıdır.[1]
| Cəlladlar | |
|---|---|
| ing. The Executioners | |
| Müəllif | Con Dann Makdonald |
| Orijinalın dili | ingilis dili |
| Ölkə | |
| Orijinalın nəşr ili | 1957 |
"Cəlladlar" əsəri 1962-ci ildə və yenidən 1991-ci ildə iki dəfə "Qorxu burunu" adı ilə ekranlaşdırılmışdır. Birinci film adaptasiyası romanın məzmununa daha sadiqdir, 1991-ci ildəki adaptasiya isə xeyli dərəcədə daha qəddar və zorakı xarakter daşıyır.[1]
Məzmun
redaktəRomanın əsas süjeti savadsız, qəddar təcavüzçü Maks Kedini cinayət başında yaxalayan Sem Bouden adlı vəkil ilə bağlıdır. Bouden daha sonra onun əleyhinə ifadə verir. Münsiflər heyəti Kedini günahkar hesab edir və Kedi on dörd il müddətinə həbsxanaya göndərilirş O, burada Boudenin onu bilərəkdən həbsxanaya göndərdiyinə görə ona qarşı qəzəb və nifrət ilə alovlanan obsessiv bir kin inkişaf etdirir və ona qulluq edir. Kedi şərti azadlığa buraxıldıqdan sonra Bouden və ailəsini təqib etməyə başlayır. O, nəinki qisas almaq, həm də Boudenin sahib olduqları şeylərə, xüsusən də Boudenin yeniyetmə qızına həsəd aparmağa başlayır. Kedinin vendettası yavaş-yavaş ailəni təqib etməkdən və qıcıqlandırmaqdan ailəsinə yaxın hesab etdiyi insanları öldürməyə cəhd göstərməyə qədər yüksəlir.
Bouden onu qorxudub qaçırmaq ümidi ilə Kedini döymək üçün bir neçə quldura pul ödəyir, lakin bu plan uğursuzluğa düçar olur və Kedi əvəzinə onları məğlub etməyi bacarır. Buna baxmayaraq, polislər davanı ayırmağa çalışdığı vaxt Kedi bir polis məmuruna zərbə endirir və polisə hücum etdiyi üçün həbs olunur. Bu hadisə Kedinin həbsxanaya göndərilməsinə səbəb olsa da, Bouden tezliklə onun geri dönəcəyini başa düşür.
Kedi Boudenin oğlunu uzaqdan tüfəng ilə vuraraq öldürməyə çalışır, lakin küləyin sürəti gülləni oğlunun qoluna istiqamətləndirir və o, uğursuz olur. Kedi Boudenin həyat yoldaşının sürdüyü avtomobilin təkərlərdən birinin qaykasını çıxarır və o, xəstəxanadan çıxdığı zaman avtomobil qəzasına düşür, lakin buradan sağ çıxır.
Çarəsiz qalan Bouden tələ qurmaq üçün polislə işləməyə qərar verir. Kedi Boudenin evinə girərsə, o, mülkiyyət hüquqlarını pozduğuna görə özünümüdafiə zəmnində güllələnə bilər. Plana görə, Kedini Boudenin şəhərdən kənarda olduğuna inandırmaq lazım idi. Kersek adlı polis məmuru evdə keşik çəkdiyi halda, o, evin kənarındakı ayrı qarajın çardağında gizlənəcək, onun ortaya çıxdığı halda Kediyə atəş açmağa hazır vəziyyətdə olmalı idi.
Bouden səbirsizliklə öz silahı ilə gecənin yarısını gözləyir. Sonra o, arvadının qışqırdığını, ardınca güllə səslərini eşidir, lakin qarajın çardağından nərdivanla düşərkən yıxılır və ayağını pis şəkildə burur. O, ön qapıya yaxınlaşır, lakin qaranlıqdan aydın görə bilmir. O, Kedinin özünə doğru qaçan kölgəsini görür. Onlar toqquşurlar və Bouden şiddətlə yerə yıxılır, lakin Bouden "revolver" tapançasını özündə saxlamağı bacarır. Kedi binadan qaçdığı an Bouden silahı ilə Kediyə tərəf atəş açır və sonra içəri girir. O öyrənir ki, Kedi arvadına hücum etməyə başlayıb, lakin Kersek ona maneə olub. Kersek Kedini öldürə bilməmiş və əvəzində Kedi tərəfindən öldürülmüşdür.
Kedi bir polisi öldürmüş olur, buna görə də polis Kedi üçün axtarışa başlayır. Gün işığı başlayan kimi onlar Boudenin həyətində qan izi tapırlar. Onlar onun ardınca gedirlər və Kedinin cəsədini tapırlar. Məlum olur ki, Boudenin zərbəsi Kediyə tuş gəlmiş dəyərək damarını kəsmiş və o, qanaxmadan ölüb.
Keyp-Fir çayı romanda göstərilmir, baxmayaraq ki, bu, hər iki film adaptasiyasının ayrılmaz hissəsidir.
İstinadlar
redaktə- ↑ 1 2 Kirsten Thompson, Cape Fear and Trembling: Familial Dread; In Literature and Film: A Guide to the Theory and Practice of Film Adaptation, Edited by Robert Stam, Alessandra Raengo, Blackwell Publishing, 2005, ISBN 0631230556 (pp.126-147)