Cevariye Məcitova
Cevariye Məcitova (7 oktyabr 1913, Çaltemir[d], Tavriya quberniyası[d] – 4 sentyabr 1992, Daşkənd) — Krımtatar şairəsi və müəllimi.
| Cevariye Məcitova | |
|---|---|
| Doğum tarixi | 7 oktyabr 1913 |
| Doğum yeri |
|
| Vəfat tarixi | 4 sentyabr 1992 (78 yaşında) |
| Vəfat yeri | |
| Təhsili |
|
| Fəaliyyəti | şairə, müəllimə |
Bioqrafiyası redaktə
7 oktyabr 1913-cü ildə Çaltemir kəndində anadan olmuşdur. Atası Abdulməcit qəssab, ana Rəsimxan isə evdar qadın olmuşdur. Ümumilikdə onlar ailədə beş uşaq idi[1].
Cevariye Məcitova doğma kəndində məktəbi bitirdikdən sonra Yalta Pedaqoji Kollecinə daxil olur. Kerç Metallurgiya Zavodunda ibtidai sinif müəllimi işləyir. Müəllimlik təcrübəsi zamanı şeirləri "Yaş qüvvət" (gənc qüvvət) qəzetində dərc olunur[2].
1935-ci ildə M. V. Frunze adına Krım Dövlət Pedaqoji İnstitutunun Krım tatar dili və ədəbiyyatı fakültəsinə daxil olmuşdur. Daha sonra yazıçı olmuş Amet Mefayev, Yunus Temirkay, Rza Xalid ilə birlikdə oxuyur. Məcitova oxuduğu müddətdə folklorla maraqlanır. 1938-ci ildə "Qızıl Kırım" qəzetində (sonradan isə rus dilində "Krasnı Krım" qəzeti olaraq adlandırılmış) Moskva — Şimali Amerika uçuşuna həsr olunmuş bir şeiri çap olunur. 1939-cu ildə Krın Dövlət Peqadoji İnstitutunu bitirdikdən sonra aspiranturaya daxil olur və Elmi-Tədqiqat Dil və Ədəbiyyat İnstitutunda işləməyə başlayır. Kiçik bir tədqiqatçı kimi "Krım Tatar xalqının folklorundakı qadının obrazı" mövzusunda dissertasiyasını işləyir və folklor ekspedisiyalarında iştirak edir. Böyük Vətən Müharibəsi illərində müəllim işlədiyi Takyul kəndində yaşayır. 1944-cü ildə Daşkəndə sürgün edilir. Ali təhsil sayəsində Prodmaş zavodunda iqtisadçı vəzifəsində çalışır. Müəllimlərin çatışmazlığı səbəbindən kənd məktəbində rus dilində dərs deməyə başlayır. Sonra Orconikidze rayonunda metodist kimi çalışır, amma oradan qovulur. Sonra 5 il kitabxanaçı işləyir.
Xüsusi yaşayış məntəqələri rejimi ləğv edildikdən sonra Məcitova baş müəllim, özbək və qazax məktəblərinin direktoru kimi çalışmışdır. 1965-ci ildə Çirçikə köçür. "Lenin Bayağı" qəzetinə müntəzəm olaraq dərc olunur. "Yıldız" jurnalında da əsərləri nəşr edilmişdir. Dörd şeir toplusunu: "Unudulmaz səhifələr" (1970), "Yaşıl yarpaqlar arasında" (1972), "Yaşıl yarpaqlar arasında" (1974), "Həyatımın çiçəkləri" (1987), "Həyatımın bağçası" (1980) kitabları çap etdirmişdir.
4 sentyabr 1992-ci ildə Daşkənddə vəfat etdmişdir.
Ədəbiyyat redaktə
- Кокиева А. Кусьмедим, акъикъат, йырладым сени (Не падала духом, оспівуючи правду) // Йылдыз (Зірка). 1998. № 4;
- Усейнова Г. Джеваире — жемчужина современной крымскотатарской культуры // Голос Крыма. 2003, 17 окт.;
- Деятели крымскотатарской культуры; Къуртнезир.
Mənbə redaktə
İstinadlar redaktə
- ↑ Бекирова Гульнара. Джеваире Меджитова Arxivləşdirilib 2020-04-07 at the Wayback Machine (12 октября 2015) // Крым. Реалии
- ↑ "Джеваире Меджитова". 2020-04-07 tarixində arxivləşdirilib. İstifadə tarixi: 2020-06-07.