Ceyms Kemeron (d. 16 avqust, 1954, Kapuskasinq, Ontario) - Kanadalı kinorejissor, ssenarist, dərin-dəniz kəşfiyyatçısı, vizual rəssam və redaktordur. Çəkdiyi filmlərin arasında bunlar ən uğurlularıdır: Piranya II: Kürütökmə (1981), Terminator (1984), Yadlar (1986), Uçurum (1989), Terminator 2: Axirət günü (1991), Düzgün yalan (1994), Titanik (1997), Qaranlıq mələyi (2000-02) və Avatar (2009). Kinematoqrafiya tarixində ən gəlirli iki filmin (Titanik, Avatar) rejissorudur. Titanik 11, Avatar isə 3 "Oskar"a layiq görülüblər. 26 mart 2012 tarixində Kemeron Marian çökəkliyinə enmişdi, hansı ki, dünyanın ən dərin nöqtəsi sayılır.[1][2][3]

Ceyms Kemeron
ing. James Cameron
James Cameron 2010.jpg
Doğum tarixi 16 avqust 1954(1954-08-16) (66 yaş)
Doğum yeri Kapuskasinq, Ontario, Kanada Kanada
Uşağı Ceyms Kemeron, Devi Kemeron
Atası Filip Kemeron
Anası Şirli Kemeron
Vətəndaşlığı Kanada
Peşələri rejissor, prodüser, redaktor, ssenari müəllifi
Fəaliyyət illəri 1978–bu günə kimi
IMDb ID 0000116
Commons-logo.svg Vikianbarda əlaqəli mediafayllar

Çəkdiyi filmlərdən səkkizi dünya prakatlnda  5,5 milyard dollardan çox pul yığıb.  

Onun atası mühəndis, anası isə rəssam olub. Bəlkə də, ona görə hər iki xüsusiyyəti özündə cəmləyib. Ailədə  5 uşaqdan ən böyüyü olub. Cameron Amerika montajçılar cəmiyyətinin üzvüdür. 

Lightstorm Entertainment prodüsser şirkəti ona məxsusdur. Bu şirkəti Larri Kasanoffla birlikdə 1990-cı ildə açmışlar. Şirkət Terminator 2: Axirət günü, Titanik , Avatar kimi filmlərə prodüsserlik edib.

Cameronun dediyinə görə ona işlərində yaxşı mənada təsir edən Stanley Kubrick olub. 

Ceyms Kemeron ateistdir. Ondan soruşanda ki, dünyadan köçmüş insanlardan kimlə görüşmək istərdiniz? Cavabı belə verir: "İsa peyğəmbərlə. Ondan soruşmaq istəyirəm ki, bütün bu işləri necə edib. Bu ideologiyanı bu qədər insanın beyninə necə yeridib." 

İlk dəfə tarixdə James Cameron xüsusi effektlər üçün "morphing"  adlanan kopyuter proqramından istifadə edib. Əsasən də Terminator 2: Axirət günü filmində "morphing"  özünü daha çox göstərib. Robert Patrick  bu proqramın köməyi ilə öz formasını dəyişirdi. 

FilmoqrafiyaRedaktə

İl Filmin orijinal adı Filmin Azərbaycan dilində adı Vəzifəsi
1981 Galaxy of Terror Qalaktik terror ikinci dərəcəli rejissor
1981 Piranha II: The Spawning Pirana 2 rejissor, ssenari həmmüəllifi
1984 The Terminator Terminator rejissor, ssenari həmmüəllifi
1985 Rambo: First Blood Part II Rembo: Birinci qan. II hissə ssenari həmmüəllifi
1985 Rambo: First Blood Part II Rembo: Birinci qan. II hissə ssenari həmmüəllifi
1986 Aliens Yadlar ssenari müəllifi, rejissor
1989 Abyss Uçurum rejissor, ssenari həmmüəllifi
1991 Terminator 2: Judgment Day Terminator 2: Axirət günü prodüser, rejissor, ssenari həmmüəllifi
1991 Point Break Qırılma nöqtəsi icraçı prodüser
1994 True Lies Həqiqi yalan rejissor, ssenari həmmüəllifi, prodüser
1995 Strange Days Qəribə günlər süjet müəllifi, ssenari həmmüəllifi, prodüser
1997 Titanic Titanik rejissor, ssenari müəllifi, prodüser
2002 Solaris Solaris prodüser
2009 Avatar Avatar rejissor, ssenari müəllifi, prodüser
2011 Sanctum Sanktum icraçı prodüser
2012 Cirque du Soleil: Worlds Away Soleil Sirki: Serhli dünya icraçı prodüser
2019 Alita: Battle Angel Alita: döyüş mələyi ssenari həmmüəllifi, prodüser
2019 Terminator: Dark Fate Terminator: Qara talelər süjet həmmüəllifi, prodüser

İstinadlarRedaktə

  1. Than, Ker (25 March 2012). "James Cameron Completes Record-Breaking Mariana Trench Dive". National Geographic Society. İstifadə tarixi: 25 March 2012.
  2. Broad, William J. (25 March 2012). "Filmmaker in Submarine Voyages to Bottom of Sea". New York Times. İstifadə tarixi: 25 March 2012.
  3. AP Staff (25 March 2012). "James Cameron has reached deepest spot on Earth". MSNBC. İstifadə tarixi: 25 March 2012.