Coruri məbədi
Coruri məbədi (浄瑠璃寺, Coruri-ci?) və ya Kutay məbədi (九体寺, Kutay-ci?) – Yaponiyanın Kioto prefekturasının Kamo qəsəbəsində yerləşən buddist məbədi.[1] Buddizmin Şinqon Ritsu sektasına aiddir.[1] XII əsr memarlığını əks etdirən əsas zal və paqodasına, heykəltəraşlıq elementlərinə, eləcə də, yerləşdiyi yerin mənzərəsinə görə tanınır.[1]
| Şinqon Ritsu buddizmi | |
| Cururi məbədi | |
|---|---|
| Coruri-ci (浄瑠璃寺?) | |
 | |
 | |
| Din | |
| İlahi gücü | Amidanın doqquz surəti |
| Yerləşməsi | |
| Ölkə | |
| Bölgə | Kioto prefekturası |
| Yeri | Kamo qəsəbəsi |
| Memarlıq | |
| İnşa tarixi | 1047 |
| Tikdirəni | Qimyo Şonin |
| Üslubu | Heyan |
 Vikianbarda əlaqəli mediafayllar | |
Tarixi
redaktəTəsdiqlənməmiş əfsanələrə görə məbəd 739 və ya 982-ci ildə tikilmişdir.[1] Lakin XIV əsrdə aid bir əlyazmada məbədin əsas zalının 1047-ci ildə keşiş Qimyo tərəfindən tikildiyi qeyd olunur və bu tarix məbədin tikilmə tarixi kimi qəbul olunur.[1] Amidanın 9 surətinə ev sahibliyi etməsi üçün əsas zal 1108-ci ildə yenidən tikilmişdir.[1]
Məbədin adı yapon dilindən tərcümədə "təmiz lazurit məbədi" mənasını verir.[1] Belə ki, əsas zal ilk öncə budda Yakuşini müqəddəsləşdirmək üçün nəzərdə tutulmuşdur və Yakuşinin torpağı lazuritlə əlaqələndirilmişdir.[1]
Memarlığı
redaktəƏsas zal hazırkı yerinə 1157-ci ildə köçürülmüşdür.[1] Bu zal Heyan dövrünün məbəd memarlığının sağ qalmış yeganə nümunəsidir və "Doqquz Amida buddasının zalı" kimi tanınır.[1] 19,8 metr uzunluğunda və 7,2 metr enindədir.[1] Uzunsov forması Amidanın 9 təsvirinə ev sahibliyi etməyə imkan verir.[1] Bu heykəllər mərkəzi doqquş aşırım boyunca düzülmüşdür.[1] Əsas zalın tavanı yoxdur, daxili damın alt tərəfində yerləşən çatmalar görünür və öndən daxil olan işıq şüaları heykəllərin başları üzərinə düşür.[1] Mərkəzi fiqur digərlərindən daha böyükdür və Coço üslubundadır.[1]
Əsas zal Heyan dövrünün son illərinə aid olan Şitenno heykəllərinə də ev sahibliyi edir.[1] Sərv ağacından yonulmuş, rənglənmiş və qızıl folqa zolaqları ilə bəzədilmiş bu heykəllər Tan üslubundadır.[1] Ən məşhuru 1212-ci ilə aid edilən Kiçicoten heykəli hesab olunur.[1] Bu heykəl müxtəlif daş-qaşlarla bəzədilmişdir.[1]
Gölməçənin sahilində yerləşən üçmərtəbəli paqoda məbədə 1178-ci ildə İçico Omiyadan köçürülmüşdür.[1] Paqoda Yakuşinin surətinə ev sahibliyi edir və interyeri ezoterik motivlərlə rənglənmişdir.[1]
İstinadlar
redaktəƏdəbiyyat
redaktə- Kodansha Encyclopedia of Japan (ingiliscə). IV cild. Tokio: Kodansha. 1983. səh. 77. ISBN 0-87011-624-7. İstifadə tarixi: 29 iyun 2022.