Qara meyvəli dovşanalması

Qara meyvəli dovşanalması (lat. Cotoneaster melanocarpus) — bitkilər aləminin gülçiçəklilər dəstəsinin gülçiçəyikimilər fəsiləsinin dovşanalması cinsinə aid bitki növü.

Qara meyvəli dovşanalması
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Dovşanalması Növ: Qara meyvəli dovşanalması
Beynəlxalq elmi adı
Cotoneaster melanocarpus G.Lodd.
Şəkil axtarışı ITIS   511485 NCBI   690322 EOL   630463

Təbii yayılması

Çində, Yaponiyada, Monqolustanda, Rusiyada, Avropada 700-2600 m hündürlükdə qayalarda, meşələrdə təbii halda yayılmışdır.

Botaniki təsviri

Hündürlüyü 2 m-dək olan koldur. Yarpaqları sadə, növbəli, kənarları bütöv, üstü tünd yaşıl və alt tərəfi ağımtıl tükcüklüdür. Aprel-mayda çiçəkləyir. Çiçəkləri xırda, çəhrayı, sallaq salxımlarda, çiçək saplağı tükcüklüdür. Meyvəsi şarşəkilli, qara, 2-3 çəyirdəkli, unlu, qara, yetişdikdən sonra uzun müddət bitkidə qalır. Meyvələri sentyabr-oktyabrda yetişir. Dovşanalması toxum, qələm, zoğlarla çoxalır. Toxumları 1-2 il cücərmə qabiliyyətini saxlayır.

Ekologiyası

Qışa çox davamlıdır. Torpağa tələbkar deyil, ən müxtəlif torpaqlarda bitir.

Azərbaycanda yayılması

Kiçik Qafqazda, Talışda, Naxçıvan MR-da təbii halda yayılmışdır.

İstifadəsi

Dekorativdir və yaşıllaşdırmada geniş istifadə edilir. Budanmanı yaxşı keçirir və çox möhkəm canlı hasarlar əmələ gətirir.