Əsas menyunu aç

Düsseldorf ( Düsseldorf) — Almaniyanın Şimali Reyn-Vestfaliya vilayətinin paytaxtıdır. Reyn çayının bir hissəsi Düsseldorf ərazisindən keçir. Əhalisi 583.829 nəfərdir (2009).Və Almaniyanın ən böyük şəhərlərindən biridir.

Düsseldorf
alm. Düsseldorf
Düsseldorf Panorama.jpg
Bayraq Gerb
Bayraq Gerb

51°13′52″ şm. e. 6°46′20″ ş. u.


Ölkə
Tarixi və coğrafiyası
İlk məlumat 1135
Sahəsi
Mərkəzin hündürlüyü 38 ± 1 m
Əhalisi
Əhalisi
Rəqəmsal identifikatorlar
Telefon kodu +49 211
Poçt indeksi 40210, 40211, 40212, 40213, 40215, 40217, 40219, 40221, 40223, 40225, 40227, 40229, 40231, 40233, 40235, 40237, 40239, 40468, 40470, 40472, 40474, 40476, 40477, 40479, 40489, 40545, 40547, 40549, 40589, 40591, 40593, 40595, 40597, 40599, 40625, 4062740629
Nəqliyyat kodu D
duesseldorf.de
Xəritəni göstər/gizlə
Düsseldorf xəritədə
Düsseldorf
Düsseldorf
Commons-logo.svg Vikianbarda əlaqəli mediafayllar

Düsseldorf şəhəri Almaniyanın qərbindəki Reyn-Rur bölgəsində yerləşir. 2009-cu ilin statistikasına görə, 217 kvadrat kilometr sahəsi olan Düsseldorfun əhalisinin sayı 584 min nəfərdir. Düsseldorf şəhər statusunu 1288-ci ildə alıb. Şəhərin adı Düssel çayından götürülüb. Reyn çayının şimalında - Düssel çayının Reyn çayına töküldüyü yerdə yerləşir.

Düsseldorf 50 rayona bölünmüş 10 dairədən ibarətdir və Reyn-Rur bölgəsinin iqtisadi cəhətdən ən inkişaf etmiş şəhəridir. Şəhər reklam, telekommunikasiya texnologiyaları sahəsində aparıcı mərkəz, həmçinin "Almaniyanın modalar şəhəri" hesab olunur. Düsseldorf şəhəri rəssamlıq akademiyaları, muzeyləri və üzərində dünyanın ən böyük elektron saatı asılmış televiziya qülləsi ilə məşhurdur. Müasir incəsənətin ən tanınmış nümayəndələri öz işlərini Düsseldorf Münsterdəki İncəsənət Akademiyasında davam etdirirlər.

Dünya turizm agentlikləri Düsseldorfu "pivə şəhəri" adlandırır. Almanlar özləri isə bu şəhərə "dünyanın ən uzun barı" deyirlər. Çünki şəhərin qədim hissəsində - Qədim şəhərdə (almanca: Altstadt) 250 pivəxana fəaliyyət göstərir.

Düsseldorf əhalisinin yaşayış səviyyəsinə görə dünyada 6-cı, bahalığa görə isə 5-ci yeri tutur. Almaniyada Frankfurtdan sonra ikinci ən böyük bank və birja mərkəzidir.

ƏhaliRedaktə

Vətəndaşlığına görə Xarici Ölkə Rezidentləri

[4][5][6][7][8][9][10][11]

Ölkə Əhali (31.12.2017)
  Türkiyə 12,707
  Yunanıstan 10,388
  Polşa 9,316
  İtaliya 7,799
  Yaponiya 5,829
  Suriya 5,820
  Rumıniya 4,856
  Mərakeş 4,541
  İspaniya 4,477
  Rusiya 4,430
  ÇXR 4,251
  Şimali Makedoniya 3,842
  Xorvatiya 3,720
  Fransa 3,328
  Ukrayna 3,266
  İraq 3,079
  İran 2,962

İdmanRedaktə

"Fortuna Düsseldorf" şəhəri Bundesligada təmsil edən əsas futbol klubudur. "Fortuna" 1997/1998 futbol sezonund ikinci liqaya düşmüşdü. Klubun əsas liqaya dönüşü isə bu sezona, 2012/2013 futbol sezonuna təsadüf edir. Şəhərin müxtəlif yerlərində kluba aid atributları tapmaq mümkündür. "Fortuna"nın oyunları zamanı isə şəhərdə və Esprit arenada inanılmaz atmosfer yaranır.

Şəhər əhalisinin idmana, xüsusi ilə futbola marağı böyükdür.

TəhsilRedaktə

Şəhərdə mövcud olan əsas universitet Heinrich Heine Universitetidir (alm. Heinrich-Heine-Universität Düsseldorf). Universitet, məşhur alman şair və politoloqu Heinrich Heinenin şərəfinə adlandırılıb. Heinrich Heine 1797-ci ildə Düsseldorfda anadan olmuşdur.

1965-ci ildə sadəcə tibb fakültəsi ilə fəaliyyətə başlayan universitetdə hal-hazırda hüquq, tibb, fəlsəfə, riyaziyyat, iqtisadiyyat fakultələri mövcuddur. Universitetin ərazisi olduqca böyükdür, universitet ərazisində müxtəlif korpuslar mövcuddur. Universitetdə təxminən 28.000 tələbə təhsil almaqdadır.

Avroviziya 2011Redaktə

"Avroviziya 2011" yarışı Düsseldorf beynəlxalq hava limanından 5 kilometr aralıda yerləşən "Fortuna Arena"da keçirilib. 54 min nəfərdən çox tamaşaçı tutan "Fortuna Arena"da müsabiqə üçün səhnə və texniki avadanlıqlar quraşdırıldıqdan sonra 25 minə yaxın tamaşaçı üçün yer qalıb. Stadiondan qazon yığışdırılıb, oturacaqlar xüsusi döşəmə ilə əvəzlənmişdi.

Qardaş şəhərlərRedaktə

MənbəRedaktə

  1. 1 2 https://www.destatis.de/DE/ZahlenFakten/LaenderRegionen/Regionales/Gemeindeverzeichnis/Administrativ/Aktuell/05Staedte.html
  2. 1 2 Alle politisch selbständigen Gemeinden mit ausgewählten Merkmalen am 31.12.2018 (4. Quartal)DESTATIS.
  3. archINFORM — 1994.
  4. "Statistische Informationen" (PDF). Amt 12. İstifadə tarixi: 20 June 2018.
  5. "Statistische Informationen" (PDF). Amt 12. İstifadə tarixi: 20 June 2018.
  6. "Statistische Informationen" (PDF). Amt 12. İstifadə tarixi: 20 June 2018.
  7. "Statistische Informationen" (PDF). Amt 12. İstifadə tarixi: 20 June 2018.
  8. "Statistische Informationen" (PDF). Amt 12. İstifadə tarixi: 20 June 2018.
  9. "Statistische Informationen" (PDF). Amt 12. İstifadə tarixi: 20 June 2018.
  10. "Statistische Informationen" (PDF). Amt 12. İstifadə tarixi: 20 June 2018.
  11. "EU-Ausländer in Duesseldorf" (PDF). İstifadə tarixi: 20 June 2018.

Vikianbarda Düsseldorf ilə əlaqəli mediafayllar var.