Dağıstan teatrı

1910–20-ci illərdə Dağıstanın ayrı-ayrı kəndlərində həvəskar dram dərnəkləri yaranmış və sonralar onların əsasında peşəkar teatrlar formalaşmışdır. Mahaçqalada M. Qorki adına Respublika Rus Dram Teatrı (1925), Qumuq Musiqili Dram Teatrı (1930, 1955 ildən A.P. Salavatov ad.), Lak Musiqili Dram Teatrı (1935, 1952 ildən Ə. Kapiyev ad.), Avar Musiqili Dram Teatrı (əsası 1935-ci ildə Xunzax k.-ndə qoyulmuşdur, 1951-ci ildən H. Sadasa ad.), Kukla teatrı (1941), Opera və balet teatrı (1999), Dərbənddə Azərbaycan Dram Teatrı (1930), S. Stalski ad. Ləzgi Musiqili Dram Teatrı (1938), Tatteatrı (1962); İzberbaşda O. Batıray ad. Dargin Musiqili Dram Teatrı (1961)^[1]. Tabasaran dram teatrı (2001) fəaliyyət göstərir. Dağıstanın müxtəlif illərin teatr sənəti xadimləri arasında A.A. Maqayev, Z.N. Nəbiyeva, M.A. Abdulxalıqov, P.X. Xizroyeva, B.M. İnusilov, N.M. İbrahimov, N.M. Əliyev, Q.İ. İsayev və b. var.

1935-ci ildə Sovkralak aulunun sakinləri A. Abakarov, Y. Hacıqurbanov, M. Zakirbəyov və S. Qurbanov Mahaçqala da kəndirbazlar sənətinin özünəməxsus ənənələrini inkişaf etdirən “4 Sovkra” peşəkar kollektivini yaratmışlar. 1947-ci ildən kollektiv iki müstəqil qrupa (“Dağıstan kəndirbazları” və “Sovkra”) bölünmüşdür. 1984-cü ildə Mahaçqalada Dağıstan teatrlar tarixi muzeyi açılmışdır. Respublikada həmçinin Dağıstan mahnı və rəqs ansamblı, “Ləzginka” rəqs ansamblı, “Dağıstan gəncliyi” Qafqaz xalqlarının rəqsləri ansamblı fəaliyyət göstərir.

M. Qorki adına Respublika Rus Dram Teatrı

Mahaçqala şəhərində yerləşir. 1925-ci ilin oktyabrında yaradılmış. İlk peşəkar səhnə 9 oktyabr 1925-ci ildə Aleksandr Qriboyedovun "Ağıldan bəla" komediyası oynanılmışdır^[2]. 1936-cı ildə teatra M. Qorkinin adı verilmişdir.^[2]

Qumuq Musiqili Dram Teatrı

Mahaçqalada, 1925-ci ildə yaradılmış. Pedoqoji texnikumun bazası əsasənda yaradılmış və rəsmi olaraq 1930-cu ildə Abdulhəmidin "Hindli qız" pyesi ilə açılmış.

Avar Musiqili Dram Teatrı

Teatrın yaranmasında A. Maqayev böyük rol oynamışdır. Teatrın ilk rəhbərləri və rejisorları isə A.Maqayev, A.Artyomov, P.Şyanovski olmuşdur.

Mənbə

Поэты Дагестана. Махачкала, 1959;
Деятели музыкального искусства Дагестана. Махачкала, 1960;
Я к у б о в М.А. Очерки истории дагестанской советской музыки. Махачкала, 1974. Т. 1: 1917–1945;
Г а м з а т о в Г.Г. Литература народов Дагестана дооктябрьского периода. Типология и своеобразие художественного опыта. М., 1982;
Г а з и м а г о м е д о в М.Г. Народные художественные промыслы Дагестана. Махачкала. 1988;
Древняя и средне вековая архитектура Дагестана / Сост. М.С. Гаджи ев. Махачкала, 1989;
Культурная география Дагестана. М., 2002; М а р к о в и н В.И. Наскальные изображения предгорий Дагестана. М., 2006.
Azərbaycan Milli Ensiklopediyası (25 cilddə). Bakı: "Azərbaycan Milli Ensiklopediyası" Elmi Mərkəzi. ISBN 978-9952-441-00-0.

İstinadlar

↑ "Кино-театр.ру". 2011-10-18 tarixində arxivləşdirilib. İstifadə tarixi: 2019-10-24.
↑ ¹ ² "Республиканский русский драматический театр им. М. Горького Министерства Культуры РД, г. Махачкала". 2018-10-06 tarixində arxivləşdirilib. İstifadə tarixi: 2019-10-24.

[1] "Кино-театр.ру". 2011-10-18 tarixində arxivləşdirilib. İstifadə tarixi: 2019-10-24.

[Фонд-2] ¹ ² "Республиканский русский драматический театр им. М. Горького Министерства Культуры РД, г. Махачкала". 2018-10-06 tarixində arxivləşdirilib. İstifadə tarixi: 2019-10-24.

[1]

[2]