Demokratik Azərbaycan Dünyası Partiyası

Demokratik Azərbaycan Dünyası Partiyası
Qurucu	Məmməd Əlizadə
Sədri	Əlisahib Hüseynov
Quruluş tarixi	1992-ci il
İdeologiya	Azərbaycançılıq Mərkəzçilik
Üzv sayı	133.280
Şüar	VƏTƏN BÖLÜNMƏZDİR!
Saytı	dadp.org.az

Haqqında

İdeologiyasının əsasında demokratik cəmiyyət quruculuğuna nail olmaq durur. Proqramının da hədəfi demokratik, ədalətli sosial cəmiyyət quruculuğudur. Siyasi sistemdə mövqeyi mərkəzçidir. Partiya üzvlərinin sayı 133 280 nəfərdir. Partiyada 78 şəhər və rayon təşkilatı fəaliyyət göstərməkdədir. Partiya indiyə qədər 3 qurultay keçirmişdir. Qurultaylar keçirilmə müddəti 5 ildən bir olmaqla reallaşdırılır. Partiyada seçkili orqanlar sədr, Nəzarət Təftiş Komissiyası, İdarə Heyəti, şəhər və rayon təşkilatlarının sədrləridir. Partiya üzvü olan gənclər ümumi üzvlərin 16%- ni, qadınlar isə 30%-ni təşkil edir. Partiyanın ictimaiyyətlə əlaqə vasitəsi, əsasən, müstəqil media hesab olunur.

Partiyanın iqtidar-müxalifət dialoquna münasibəti olduqca müsbətdir. Bunu cəmiyyətin inkişafında zəruri hesab edir. Faktiki resurslarını zəif qiymətləndirir. Partiya siyasi sistemin optimallaşdırılmasında yenidən qeydiyyatı, dövlət dəstəyini və yeni qanunvericiliyin qəbul edilməsini dəstəkləyir.

Sədr

2013-cü ildən partiyanın sədri Əlisahib Hüseynovdur.

İştirak etdiyi seçkilər

2008-ci il prezident seçkilərində partiya namizəd İlham Əliyevi dəstəkləyib. 2005-ci il parlament seçkilərində 57 namizəd irəli sürülsə də, bunlardan heç biri seçilməyib. 2009-cu il bələdiyyə seçkilərində 300 nəfər namizədliyini versə də, bələdiyyə üzvlüyünə 3 nəfər seçilb.

Mənbə

• Tahirə Allahyarova, Fərhad Məmmədov. Azərbaycanda siyasi partiyalar: seçkidən seçkiyə. Azərbaycan Respublikasının Prezidenti yanında Strateji Araşdırmalar Mərkəzi. Bakı: 2010, səh. 130-131.