Dilək Gürsoy
Dilək Gürsoy (türk. Dilək Gürsoy) — 1976-cı il təvəllüdlü türk əsilli Alman ürək cərrahı. 2012-ci ildə Avropada süni ürək implantasiyası edən ilk qadın cərrah.[1][2]
| Dilək Gürsoy | |
|---|---|
| Dilək Gürsoy | |
| Doğum tarixi | 1976-cı il |
| Doğum yeri | Noys, Almaniya |
| Vətəndaşlığı |
 Almaniya |
| Milliyyəti | türk |
| Elm sahələri | tibb, cərrah |
| Elmi dərəcəsi | tibb elmləri doktoru |
| Elmi adı | professor |
| Təhsili | Düsseldorf Universiteti |
| Tanınır | Avropada süni ürək implantasiya edən ilk qadın həkim |
| Mükafatları |
"German Medical Award 2019" "İlin həkimi" (Almaniya) |
Erkən həyatı redaktə
Dilək Gürsoy 1976-cı ildə Noysda, 1969-cu ildə qastarbayter olaraq Türkiyənin Ordu ilinin Fatsa şəhərindən Almaniyaya işləmək üçün mühacirət edən ailədə anadan olmuşdur.[3][4][5] İki qardaşı var. On yaşında olanda atası ürək tutmasından vəfat edir.[4] Anası Zeynep Pyerburq zavodunda montaj işçisi idi.[5] Dilək Türkiyədə uşaq ikən məktəbə getməsinə icazə verilmədiyi üçün oxumağı və yazmağı özü öyrənmiş, anası tərəfindən böyüdülmüşdür.[5] Məktəbəqədər uşaq baxçasında alman dilini öyrənir,ona Alman dünyası və məmləkətində bələdçilik edən bir ailə ilə tanış olur.[5] İbtidai sinif üçün Martin-Lüter-Qrandskul məktəbinə getdi və sonra Noysdakı Kyurinias-Gimnaziyada orta məktəbi bitirdi.[5] Ailəsinin,ürək-damar cərrahiyyəsinə yönələn yeganə fərdi idi.[1][6] Gələcək peşə karyerası olan cərrahlıq onun uşaqlıqdan bəri olan arzusu idi.[5]
Şəxsi həyatı redaktə
Gürsoy məmləkəti Noysda yaşamağı çox sevir. Həftə sonları başqa şəhərdə işləməli olsa da, doğma şəhərinə mütləq qayıdır.[5]
Borussiya Münhenqladbax FK futbol klubunun fanatıdır,klubun üzvüdür və sezonluq biletinə sahibdir.[5]
Tibbi karyerası redaktə
Düsseldorf Universitetini bitirdikdən sonra həkim köməkçisi, mütəxəssis və tibbdə müdir köməkçisi vəzifələrində çalışıb.[5] Bundan əlavə, Essen, Bad Enhausendə və Duysburqda Reyner Körfer ilə tellər və xarici enerji mənbələri olmayan yeni süni ürək növü inkişaf etdirmək üçün çalışmışdır.[5][7] 2017-ci ildə Bremendə çalışdı.[5] 2019-cu ilin mart ayından Ziqburqdakı Helios klinikasında ürək cərrahiyyəsi şöbəsində məsləhətçi cərrah və LVAD proqramının direktoru vəzifəsində çalışır.[1]
Tanınması redaktə
Almaniya kansleri Angela Merkel Gürsoyun işi ilə maraqlandıqdan sonra onu 21 sentyabr 2017-ci ildə onunla görüşür.[5] Avropada süni ürək implantasiya edən ilk qadın həkim ünvanını qazandığı üçün Alman Tibb Klubu tərəfindən "Medizinerin des Jahres 2019" ("İlin həkimi 2019") mükafatına layiq görülür.[3]
İstinadlar redaktə
- ↑ 1 2 3 Kontio, Carina. "Herzchirurgin Dilek Gürsoy im Mindshift-Podcast: "Gott hat mir die Hände dafür gegeben, Leben zu retten"". Handelsblatt (alman). 19 June 2019. 2023-07-07 tarixində arxivləşdirilib. İstifadə tarixi: 2019-06-21.
- ↑ Meç, Ilyas. "Situation der Deutschtürken: Die Zerrissenen". Tagesschau (alman). 10 September 2018. 2019-06-21 tarixində arxivləşdirilib. İstifadə tarixi: 2019-06-21.
- ↑ 1 2 "Die "Medizinerin des Jahres" im Portrait: Keine Metzgerin, sondern eine Künstlerin". Deutsch-Türkisches Journal (alman). 17 September 2019. 14 May 2021 tarixində arxivləşdirilib. İstifadə tarixi: 24 September 2019.
- ↑ 1 2 "Dilek Gürsoy kimdir?". Hürriyet (türk). 16 September 2019. 22 February 2022 tarixində arxivləşdirilib. İstifadə tarixi: 24 September 2019.
- ↑ 1 2 3 4 5 6 7 8 9 10 11 12 "Wie Dilek Gürsoy Herz-Chirurgin wurde". Rheinische Post (alman). 21 September 2017. 6 November 2019 tarixində arxivləşdirilib. İstifadə tarixi: 24 September 2019.
- ↑ Heinrich, Christian. "Herzchirurgin Dilek Gürsoy: "Ich empfinde Ehrfurcht"". Die Zeit (alman). 2018-06-05. ISSN 0044-2070. 2020-09-12 tarixində arxivləşdirilib. İstifadə tarixi: 2019-06-21.
- ↑ "Dilek Gürsoy, Herzchirurgin: Entwickelt und implantiert Kunstherzen". SWR (alman). 28 May 2018. 21 June 2019 tarixində orijinalından arxivləşdirilib. İstifadə tarixi: 28 May 2021.