Dinara Alimbekova

Dinara Talqatovna Alimbekova (doğulub. 5 yanvar 1996, Abay, Karaqanda vilayəti) — Belarus biatlonçusu. 2018 Qış Olimpiya Oyunlarının çempionu (estafet). Belarus milli komandasının heyətində Dünya Kubokunun iştirakçısı, yeniyetmələr arasında dünya çempionu, 2019 Avropa çempionatının bürünc mükafatçısı (qarışıq esafetdə). Belarus Respublikasının əməkdar idman ustası.

Dinara Alimbekova
Şəxsi məlumatlar
Vətəndaşlığı
Doğum tarixi 5 yanvar 1996(1996-01-05) (28 yaş)
Doğum yeri
İdman növü Biatlon[2]

Bioqrafiyası redaktə

Atası milliyətçə qazax, anası isə belarusdur. Dinara üç yaşında olanda ailəsi Belarusiyaya köçüb.

2008-ci ildən Çausı şəhərinin Uşaq İdman Məktəbində xizəksürmə, daha sonra biatlonla məşğul olmağa başlamışdır. Uşaqlıq məşqçisi - Maria İvanovna Şipikova idi. Yeniyetməlik dövründən bu günə qədər fərdi məşqçisi - Andrey Oleqoviç İvanovdur.[3] Respublika əhəmiyyətli bir çox turnirlərin, "Qar Snayper" respublika müsabiqəsinin (2008), xizək çempionatının (2009), V. Kirienko və A.Bogaliy-Titovetsin mükafatları uğrunda beynəlxalq yarışın (2010), yay Biatlonu spartakiadasının (2011) iştirakçısı və qalibi olmuşdur.[4]

Belarusiyanın Raubiçi şəhərində keçirilən 2015 Dünya Gənclər Çempionatında Alimbekova Anna Sola və Daria Blaşko ilə bir komandada qadın estafetində qızıl medal qazandılar. Şəxsi yarışlarda Dinara sprintdə dördüncü, təqibdə 12 və fərdi yarışda 27-ci yeri tutdu.

Tümendə keçirilən 2016 Avropa Çempionatında sprintdə 22-ci, təqibdə 30-cu, kütləvi startda 27-ci və super qarışıqda doqquzuncu oldu. IBU Kuboku 2015/16-da ümumi hesabda 111 xal toplayaraq 52-ci oldu.

Olimpiya Oyunlarında 2018-də estafetdə qələbə nəticəsində biatlonda ən gənc olimpiya çempionu oldu.

2017-ci ildə Belarus Dövlət Bədən Tərbiyəsi Universitetini xizək və biatlon kafedrasında bitirib. Rusiyalı biatlonçu Kirill Streltsovla görüşür.

2018-ci ildə, mövsüm arasında keçmiş zədəsi səbəbiylə əməliyyat keçirdi. Tam sağalması üçün 6 ay vaxt lazım gəldi.

İstinadlar redaktə

  1. АЛИМБЕКОВА Динара Талгатовна (rus.). Национальный олимпийский комитет Республики Беларусь.
  2. Biathlon.com.ua (ing.). 2006.
  3. "ОТ ПИАНИСТКИ ДО БИАТЛОНИСТКИ. ИСТОРИЯ ДИНАРЫ АЛИМБЕКОВОЙ". 2018-08-15 tarixində orijinalından arxivləşdirilib. İstifadə tarixi: 2020-05-17.
  4. "Динара Алимбекова". 2021-01-26 tarixində arxivləşdirilib. İstifadə tarixi: 2020-05-17.