Diogen heykəli
Diogen heykəli (türk. Diyojen Heykeli) – Türkiyənin Sinop şəhərinin girişində yerləşən heykəl. Bu şəhərdə doğulmuş qədim yunan filosofu Sinoplu Diogenə həsr olunmuşdur. Şəhərin simvollarından biri hesab olunur.[1]
| Diogen heykəli | |
|---|---|
 | |
 | |
| Ölkə | |
| Tikilib | 2006 |
 Vikianbarda əlaqəli mediafayllar | |
Tarixi redaktə
Heykəl Ondokuz Mayıs Universitetinin Təsviri İncəsənət fakültəsinin müəllimi olan Turan Baş tərəfindən Samsun Böyükşəhər Bələdiyyəsi Heykəl və Keramika Emalatxanasında hazırlanmış,[2] 2006-cı ildə Sinop şəhərinin girişində ucaldılmışdır. Heykəl 20 nəfərdən ibarət heyət tərəfindən 6 ay ərzində hazırlanmışdır. Heykəl Samsun bələdiyyəsinin Sinop bələdiyyəsinə bir hədiyyəsi olmuşdur. Heykəlin sifarişçisi həmin dövrün Sinop bələdiyyə başçısı Zeki Yılmazer olmuşdur.[3]
2011-ci ildə heykəldə heykəltaraş Aziz Kayadelen tərəfindən bərpa işləri aparılmışdır.[1]
Yunana həsr olunduğu üçün heykəl bəzi milliyyətçi qruplar tərəfindən tənqidə məruz qalmışdır. 2017-ci ildə bir qrup şəxs heykəlin Balatlar kilsəsinə köçürülməsini tələb etmişdir.[4]
Xüsusiyyətlər redaktə
Heykəlin hündürlüyü 5,5 metrdir. Heykəldə Diogen çəlləyin üzərində, yanında itlə və əlində fənərlə təsvir olunmuşdur. Beləki, Diogen çox vaxt əlində fənəri ilə gəzməsi, çəlləkdə yaşaması və itəbənzər davranışları ilə tanınmışdır.[4]
İstinadlar redaktə
- ↑ 1 2 "Diyojen Anıtı'nda Bakım Çalışması". SonDakika (türkcə). 7 aprel 2014 tarixində orijinalından arxivləşdirilib. İstifadə tarixi: 14 iyun 2023.
- ↑ Mynet. "Diyojen'in heykeli Sinop'a dikildi". Mynet Haber (türk). 2006-10-28. 2023-07-07 tarixində arxivləşdirilib. İstifadə tarixi: 2023-06-13.
- ↑ Haber7. "Diyojen'in heykeli 'adam arayacak'". Haber7 (türk). 2023-07-07 tarixində arxivləşdirilib. İstifadə tarixi: 2023-06-13.
- ↑ 1 2 Arkeofili. "Sinop'ta Yunanlı Diye Diyojen Heykelinin Kaldırılması İsteniyor". Arkeofili (türk). 2017-08-23. 2022-01-26 tarixində arxivləşdirilib. İstifadə tarixi: 2023-06-13.
Xarici keçidlər redaktə
Vikianbarda Diogen heykəli ilə əlaqəli mediafayllar var.
