Dizaxlı

Dizaxlı — ( ləz. Дизахли )Azərbaycan Respublikasının Qəbələ rayonunun inzibati ərazi vahidində kənd.

Dizaxlı
40°51′32″ şm. e. 47°41′45″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	352 m
Saat qurşağı	UTC+04:00
Əhalisi
Əhalisi	483 nəf. (2009)
Rəqəmsal identifikatorlar
Poçt indeksi	AZ3614
Dizaxlı

Toponimikası

Oykonim ilk dəfə Cəfərqulu xan Xoylunun 1806-cı ilə aid fərmanında qeydə alınıb. Dizaq/Dizak Qarabağın qədim əyalətlərindən birinin adı olmuşdur. N.Gəncəvinin əsərlərində Dizaknak kimi xatırlanır. Orta Asiya ərazisində də Dizak (Cizak) adlı şəhər var. Oykonim "Dizak mahalından çıxanlar, dizaqlılar məskunlaşan kənd" mənasındadır.

Coğrafiyası

Kənd Kov Murad dağının ətəyində, Alazan-Əyriçay çökəkliyində yerləşir.

Əhalisi

2009-cu ilin siyahıyaalınmasına əsasən kəndDə 483 nəfər əhali yaşayır. Əhali Azərbaycan türklərindən və ləzgilərdən ibarətdir.

İqtisadiyyatı

Kənd əhalisi heyvandarlıqla, əsasən də qoyunçuluqla məşğul olur. Vaxtilə köçəri olan kənd əhalisi son illərdir ki, ancaq fərdi qoyunçuluq təsərrüfatını genişləndirirlər. Əlavə kənd təsərrüfatı məhsullarının da əkilməsi geniş vüsət alıb. Həftə bazarına çıxarılan məhsulların əksəriyyəti bu kəndin təsərrüfatlarına məxsusdur. Suvarmada heç bir çətinlikləri yoxdur. Çünki buradan axan kanal köməklərinə çatır, bundan əlavə kəndə təmiz su xətti də çəkilib. Hər ailə su ilə təmin edilib. Kənddə qaz və telefon xidməti də var. İctimai iaşə obyektləri ilə zəngindir.

Din

Kənddə Dızaxlı kənd məscidi dini icması fəaliyyət göstərir.

Xarici keçidlər

• İnzibati Ərazi Vahidləri Arxivləşdirilib 2017-07-29 at the Wayback Machine