Dodo mağara kilsəsi
Dodo mağara kilsəsi (gürc. დოდოს რქა) — Keşikçidağ monastır kompleksinə daxil olan tarixi-memarlıq abidəsidir. Kilsənin əsası VI əsrin I yarısında David Qarecinin tələbələrindən biri olan Dodo tərəfindən qoyulmuşdur.
| Dodo mağara kilsəsi | |
|---|---|
| gürc. დოდოს რქა | |
 | |
 | |
| 41°17′55″ şm. e. 45°42′16″ ş. u.HGYO | |
| Ölkə |
 Gürcüstan |
| Şəhər | Saqareco |
| Yerləşir | Kaxeti |
| Aidiyyatı | Gürcü Ortodoks Kilsəsi |
| Sifarişçi | Dodo |
| Tikilmə tarixi | VI əsr |
| Üslubu | Gürcüstan memarlığı |
| Vəziyyəti | fəaliyyət göstərir |
Tarixi
redaktəKilsənin əsası VI əsrin I yarısında David Qarecinin tələbələrindən biri olan Dodo tərəfindən qoyulmuşdur.[1] Onun tarixi aid olduğu monastırın ümumi tarixi ilə birbaşa əlaqəlidir. XII-XV əsrlərdə tikili monastır və monastır kilsəsi kimi fəaliyyət göstərmişdir. XIII-XVIII əsrlərdə kompleks monqollar, Teymurilər, Səlcuqlular və Səfəvilərin hücumlarına məruz qalmış, dəfələrlə yağmalanmış və tərk edilmişdir.[2]
Memarlıq xüsusiyyətləri
redaktəKilsə müxtəlif dövrlərə (VI-XVIII əsrlərə) aid mağaralar kompleksindən ibarətdir. Kilsənin əsas zalı XI-XIII əsrlərə aid edilir. Qayanın küncündə yerləşən kiçik sövmə kilsənin ən mühüm və qədim hissəsi olmaqla ziyarətgah kimi istifadə olunur.[2]
Kilsənin əsas zalı mühüm tarixi və mədəni əhəmiyyətə malik olan freskalarla bəzədilmişdir. Mərkəzi altar freskasında Xeyir-dua verən İsa təsvir edilmişdir. O, sol əlində üzərində gürcü əlifbası ilə yazı yazılmış qapalı kitab tutmuşdur. Məsihdən aşağıda arxangellər Mikayıl və Cəbrayıl, o cümlədən xeruvimlər təsvir edilmişdir.[2]
İstinadlar
redaktə- ↑ "დოდოსრქა". about.ge. 2019-08-12 tarixində arxivləşdirilib. İstifadə tarixi: 17 iyul 2019.
- ↑ 1 2 3 "დოდო გარეჯელის ტაძრის სასწაულები". ekofact.com. 2019-08-12 tarixində arxivləşdirilib. İstifadə tarixi: 17 iyul 2019.
Ədəbiyyat
redaktə- Чубинашвили Г. Н., Пещерные монастыри Давид-Гареджи, Тб., 1948. (rus.)