Dorikono
Dorikono (どりこの?) – Yaponiyada satışda olmuş enerji içkisi brendi. İkinci Dünya müharibəsindən əvvəl Yaponiyada populyar içki növü olmuşdur.[1]
Tarixi
redaktə"Dorikono" və ya rəsmi tələffüz forması ilə "Durikono" 1927-ci ildə həkim Kotaro Takahaşi tərəfindən ixtira olunmuşdur. O, içkini yaradarkən alman həkim Arnold Duriqin tədqiqatlarından ilhamlanmışdır. Belə ki, Duriq qlükozanın ən təsirli enerji mənbəyi olduğunu iddia etmişdir. Takahaşi Duriq, öz adı Kotoro, köməkçisi Nakamura və adının baş hərfi "O" olan digər köməkçilərinin adlarından ilhamlanaraq ixtirasına "Durikono" adını vermişdir.[1]
Takahaşi ixtira etdiyi enerji içkisini əvvəlcə qonaqlarına təqdim edirdi, lakin içkinin keyfiyyəti ağız-ağızdan yayılandan sonra məhsul kimi satışa çıxarılmışdır. İçki 1930-cu ildən etibarən bütün Yaponiyada satılmağa və reklam olunmağa başlamış, hətta "Drinkhall" adı ilə xaricə ixrac olunmuşdur.[1]
İkinci Dünya müharibəsində Yaponiyanın şəkər idxalı azaldığı üçün "Dorikono" içkisinin istehsalı dayandırılmışdır. 1954-cü ildə yenidən satılmağa başlasa da, Takahaşinin 1970-ci ildəki ölümündən sonra içkinin istehsalı dayanmışdır. Takahaşinin resepti heç vaxt ictimaiyyət açıqlanmamış, bu səbəbdən sonra içkinin yenidən istehsal olunması baş tutmamışdır.[1]
Populyar mədəniyyətdə
redaktəTakahaşinin Setaqaya şəhərində yerləşən malikanəsinin yaxınlığında yerləşən yamac rəsmi olaraq Dorikono yamacı (どりこの坂, Dorikono-zaka?) adını daşıyır. Bu yamac həkim Takahaşinin xatirəsinə adlandırılmışdır.[1] Yamac bundan əvvəl İkeyama (池山?) adı ilə tanınırdı.[2]
İstinadlar
redaktə- ↑ 1 2 3 4 5 "Dorikono Slope". Atlas Obscura (ingiliscə). 25 avqust 20. 31 avqust 2024 tarixində arxivləşdirilib. İstifadə tarixi: 31 avqust 2024.
- ↑ "どりこの坂". Ota şəhərinin rəsmi saytı (yaponca). 1 aprel 2016. 31 avqust 2024 tarixində arxivləşdirilib. İstifadə tarixi: 31 avqust 2024.
Ədəbiyyat
redaktə- Miyajima, Hideki. 伝説の「どりこの」 一本の飲み物が日本人を熱狂させた (yaponca). Kadokawa Shoten. 2011. ISBN 978-4041100417.