Durbaş (Təkab)

Durbaş (fars. دورباش‎) — İranın Qərbi Azərbaycan ostanının Tikantəpə ərazisinə daxil olan kənd.

Durbaş
36°19′51″ şm. e. 47°13′45″ ş. u.
Ölkə	İran
Əhalisi
Əhalisi	1067 (2006) nəfər
Durbaş

Etimologiyası

Bu kəndin adı Azərbaycan dilindəki dur (dayan, qalx) və baş (üst, yuxarı, yüksək, hündür) sözlərinin birləşməsindən əmələ gəlmişdir. Bu isə kəndin yüksək yerdə yerləşməsi ilə əlaqədardır.

Coğrafiya

Durbaş kəndi Təkab bölgəsinin cənub-şərqində yerləşir. Sabil, Qırxlı və Tamay kəndləri ilə həmsərhəddir. Kənd dağlıq ərazidə yerləşdiyindən qışı çox qarlı və soyuq keçir.

Əhalisi

2006-cı il məlumatına görə kənddə 1.067 nəfər yaşayır (231 ailə). Durbaşlıların çoxu demək olarki müxtəlif şəhərlərə o cümlədən Tikantəpə, Zəncan, Urmiya,Təbriz, Tehran və Kərəc kimin şəhərlərə köçmüşlər. Təxminən 10.000 nəfərə yaxın Durbaşlı yuxarıda adları çəkilən şəhərlərdə yaşaşayır.^{[mənbə göstərin]}

Milli tərkibi

Durbaş kəndində yaşayanların şiə etiqadlı Azərbaycan türklərindən ibarətdirlər. Durbaşlılar Avşar boyundandırlar.

İqtisadiyyat

Bu kənddə yaşayanların əsas gəlir qaynağı əkinçilik, davar saxlamaq və arıçılıqdır. Ancaq son illərdə meyvəçilik də az miqdarda olsa inkişaf etmişdir.

Görməli yerlər

Durbaş kəndinin əsas görməli yerlərindən biri Ənsarlı Xoca Yaqubun türbəsidir. Bununla yanaşı Durbaş qalası və kəndin daxilində köhnə hamam öz mövcudluğunu qoruyur.

Adətlər

• Durbaşlılar yaz fəsilinin sonuncu cümə günündə Xoca Yaqıb türbəsinə gedərək onu ziyarət edirlər.
• Bu kənddə yaşları 50-dən yuxarı olan kişilərin adının sonuna sayğı və hörmət əlaməti olaraq ka şəkilçisini əlavə edirlər. Misal: Əlika, Hüseynka və s.